36
Bir gün başına yağır
Sənin güllər, çiçəklər
Qocalığın gəncliyi
Yetmiş beş yaşa deyirlər
Səni istəməyənlər
Başın daşa döyürlər.
Dostlar sənə əl çalır.
Yaşa! Yaşa – deyirlər
Hələ qılınc kimisən,
Maşallah, hələ cağsan.
Allah qoysa, sən hələ
Yüz il yaşayacaqsan!
Sən yaşa, biz də görək!
Hələlik, dostum Elçin,
Yetmiş beş yaşın mübarək!
I aparıcı: Bizim ölkədə 20-80 yaş arasında elə bir insan təsəvvür
etmək olmaz ki, Elçin Əfəndiyev yaradıcılığının çox qismini
doyulmaz zövq ala-ala, ruhi bir qüdrət qazana-qazana oxumasın,
onun lirik-psixoloji üslubu, poeziya ovqatlı, duzlu-məzəli dram
əsərlərinə tamaşa etməsin. Ustad sənətkarın istedad və zəhmətlə
nail olduğu yazı mədəniyyəti, özünü sözə çevirmə tərzi insanın
hiss və həyəcanlarını, duyğu və düşüncələrini ifadə etmək
baxımından doğma Azərbaycan dilini həsəd aparılacaq bir
ucalığa yüksəltmişdir. Belə bir bacarıq hər yazıçıya qismət
olmur. Elçin Əfəndiyevdə dil ürək kimi çırpınır, beyin kimi
düşünür, su kimi axır, gün kimi işıq saçır, axşam kimi düşür,
dərd kimi ağrıdır, ruh kimi susur... Elçin Əfəndiyevin bu
xüsusiyyətləri qələm yoldaşları tərəfindən həmişə yüksək
qiymətləndirilmişdir.
II aparıcı: Bəlkə buna görə də Elçin nəsrinin, Elçin
yaradıcılığının qüdrətini canlandırmaq çox çətindir. Çünki bu
yaradıcılıq
baxılmağa,
araşdırılmağa
layiqdir.
Elçin
37
Əfəndiyevdə bədii idrak duyğusu güclü və cəlbedicidir. Yazıçı
Azərbaycan ədəbiyyatına bir-birindən gözəl hekayələr bəxş
edib. Eyni zamanda “Bir görüşün tarixçəsi”, “Toyuğun diri
qalması”, “Poçt şöbəsində xəyal”, “Dolça” və başqa məşhur
povestlər də yazıçıya uğur gətirib. Bununla bərabər hər biri milli
nəsrimizin inkişafında önəmli yer tutan, Azərbaycan bədii
təfəkkürünü irəliyə aparan “Ağ Dəvə”, “Mahmud və Məryəm”,
“Ölüm hökmü” əsərləri hekayə, povest ustası Elçin Əfəndiyevi
romançı olaraq təqdim edir. Bəli, Elçin Əfəndiyev romançıdır.
Onun ən yığcam hekayəsində, ən kiçik povestində də roman
tutumu, roman dərinliyi, roman siqləti var. Elçin Əfəndiyev
şöhrət üçün yox, ürəyinin hökmü ilə yaradan sənətkardır. Milli
nəsrin ən qiymətli inciləri olan bu əsərlər həm də çağdaş dünya
nəsrinin hadisələri olaraq qiymətləndirilə bilər.
I aparıcı: Elçin Əfəndiyev həyatı, bədii obrazı dərindən
düşünür. İnsanı özünəməxsusluğu, daxili ziddiyyətləri ilə təsvir
edir. Təkcə hekayələrində yox, povestlərində də geniş
tərcümeyi-hal vermir, portret yaradanda təfərrüata varmır.
Rənglərlə, mükalimələrlə, bədii mahiyyətdən doğan haşiyələrlə
surətin mühiti, ömür yolu haqqında dolğun təsəvvür oyadır. Çox
zaman Elçin Əfəndiyev həyata və insana müasirlik, yetkinlik və
əxlaqi-mənəvi zənginlik baxımından yanaşır. Psixoloji
yekrənglik və birtərəfliliyi tənqid edir, adi adamların həyatında
müşahidə etdiyi qeyri-adiliyin gözəlliyi, şeiriyyəti haqqında
hekayələr söyləyir, “gözəllik uzaqda deyil, həyatımızda,
məişətimizdədir” – prinsipi ilə hərəkət edərək adi adamların
daxilində gizlədib, xəlvətdə saxladığı mənəvi keyfiyyətləri
hamımız üçün estetik sərvətə çevirir. Hörmətli qonaqlar,
bildiyimiz kimi şairlərimiz Elçin Əfəndiyevin yaradıcılığından
bəhs edən çoxlu şeirlər yazıblar. Gəlin oxucumuzun ifasında
M.Əzizin Elçin Əfəndiyevin “Əncir ağacı” kitabına yazılmış
şeiri oxucumuzun ifasında dinləyək.
38
Oxucu:
Bir zaman Elçinin duyğularından
Xəyal tək ötürdü “Əncir ağacı”
Boyu uzanırdı gündə bir qarış,
Ərsəyə yetirdi “Əncir ağacı”
Rişəsi qalxırdı yerin təkindən,
Ayırmaq olmazdı onu kökündən,
İşıqlı dünyaya çıxdığı gündən,
Min əldə gəzirdi “Əncir ağacı”
Qayatək durmuşdu tufan içində,
Dağa bənzəyirdi duman içində,
Kitab rəflərindən bir an içində
Əriyib itirdi “Əncir ağacı”
Önündə milyon diz çökürdü onun,
Rəssamlar rəsmini çəkirdi onun,
Hərə öz evində əkirdi onu,
Şimalda bitirdi “Əncir ağacı”.
Alın yazısı var yarpaqlarında,
Dadı yüz millətin damarlarında,
Əncirlə bərabər budaqlarında
Mükafat gətirdi “Əncir ağacı”
II aparıcı: “Bədii-estetik gözlənilməzlik” – bu söz birləşməsi
Xalq yazıçısı Elçin Əfəndiyevin zəngin bədii yaradıcılığını
səciyyələndirən ən dəqiq ifadələrdən biridir. 1960-cı illərin
sonu, 70-ci illər, 80-cı illərin əvvəlləri... Elçin Əfəndiyevin artıq
XX əsr Azərbaycan ədəbiyyatının qızıl fonduna daxil olmuş
“Qatar. Pikasso. Latur. 1968.”, “On ildən sonra”, “Baladadaşın
39
ilk məhəbbəti”, “Parisdə avtomobil qəzası” və s. kimi
hekayələri, “Bir görüşün tarixçəsi”, “Toyuğun diri qalması”,
“Dolça” kimi povestləri meydana çıxdı. Ədəbiyyatımıza yeni
nəfəs gətirən bu əsərlər Elçin Əfəndiyevi müxtəlif dilli geniş
oxucu auditoriyasına müasir mövzular yazıçısı kimi tanıtdı.
Yaradıcılığı çoxcəhətli bədii tapıntı, orijinal rəng və boyalar
üzərindən keçən yazıçı, bir qayda olaraq, əsərlərinin
məzmununu müasir həyatdan, gəncliyi düşündürən, narahat
edən, bizim günlər üçün səciyyəvi və tipik görünən
problemlərdən alır. Çünki Elçin Əfəndiyev müasir həyatla
yaşayır, onun axar və istiqamətini dərindən duyur, zəhmət
adamlarının arzusunu, duyğu və düşüncəsini ifadə edir, gah
əxlaqi-mənəvi təmizlikdən, fədakarlıq və qayğıkeşlikdən, gah da
xalqa, ucsuz-bucaqsız Vətənimizə məhəbbətdən yazır. Elçin
Əfəndiyev yazarkən dövrün ideya-estetik tələbi səviyyəsində
dayanır, çox hallarda fikir və düşüncəsini, psixologiyasını xırda,
amma mənalı lövhə və detallarda açır. Mənəviyyata, hiss və
duyğuya təsir etmək, oxucunu düşündürmək və fikrən hərəkətə
gətirmək üçün yazıçı sözün və bədii təsvirin imkanlarından
yaradıcı şəkildə istifadə edir. Yazıçı bəzən hekayənin sujetinə
məlum əfsanə, nağıl və rəvayətlərin motivini axıdır.
I aparıcı: Mənəviyyata, hiss və duyğuya təsir etmək, oxucunu
düşündürmək və fikrən hərəkətə gətirmək üçün yazıçı sözün və
bədii təsvirin imkanlarından yaradıcı şəkildə istifadə edir. O,
bəzən hekayənin sujetinə məlum əfsanə, nağıl və rəvayətlərin
motivini axıdır. Bunlar da dövrün cari həqiqəti, həyati bir
mətləbi ilə vəhdət təşkil edir və ideya, müəllif amalı müasirliklə
aşılanır. Elçin Əfəndiyevin adi ədəbiyyat yaradıcılığında bədii
dili xüsusi iş görür. Yazıçı elita deyilən zümrəni kənara
qoyub cəmiyyətin alt qatına, saf, təmənnasız, zəhmətkeş, torpaq
kimi əməksevər insanlara üz tutanda onlarla öz gündəlik
ailə-məişət dillərində ünsiyyətə girir. Ədəbilik möhürü ilə
Dostları ilə paylaş: |