197
Münaqişələrin idarə edilməsi
Özünüidarə mədəniyyəti insanlarla qarşılıqlı münasibətlərdə
münaqişəli
situasiyanı idarə etmək qabiliyyətini də nəzərdə tutur. Burada başlıcası, təm-
kin və başqasını dinləmək, onun mövqeyini obyektiv və özünütənqid şəklin-
də qiymətləndirmək və düzgün nəticələr çıxarmaq bacarığıdır. Başqasının
rəyi sizinki ilə uygun gəlmirsə, çəkinmək lazım deyil. Sakitliyini və təmki-
nini saxlayaraq, mübahisənin mahiyyətini opponentin üzərinə keçirməmək,
onun insani ləyaqətlərinin alçaldılmasına yol verməmək və ona münasibətdə
hörmət göstərmək vacibdir. Bu zaman anlaşılmazlığı aradan qaldırmaq və
hansı hisslərin onun davranışına istiqamət verdiyini aydınlaşdırmaq üçün
suallar vermək lazımdır.
Münaqişə - həm də özünə müəyyən çağırış, özünün, bəlkə də yaxşı tərəfə
dəyişmək lazım olan düşüncələri və davranışının düzgünlüyü haqqında fikirlə-
rinə bəhanədir. Nizami Gəncəvi deyir: ”Ürəkdən gələn söz ürəyə sirayət edir”.
Sosial münaqişələrin azaldılması və qarşısının alınması üçün effektiv insan fəa-
liyyətinin mühüm motivasiyası olan
şəxsiyyətin - cəmiyyət, vətən və bütövlükdə
bəşəriyyət
qarşısındakı xidmətlərinin obyektiv ictimai qəbul edilməsidır. Ob-
yektiv seçim prinsipləri və meyarlarına malik olmayan
ədalətsiz qiymətləndir-
mələr və bölgü münasibətləri sistemi insanların sosial fəallığının və ictimai
əmək məhsuldarlığının azalmasına, böyük yaradıcı imkanların itirilməsinə, icti-
mai münasibətlərin qeyri-sabitliyinə və vətəndaşların hakimiyyətə inamının qı-
rılmasına səbəb olur. İnsan münasibətləri və sosial münasibətlərdəki ziddiyyət-
lər, münaqişələr və böhranlar öz başlanğıcını məhz buradan götürür. Buna görə
demokratik ölkələrin dövlət idarəçiliyi sistemlərində hər bir vətəndaşın mədəni
keyfiyyətlərinin, peşəkarlıq məziyyətlərinin və sosial-mədəni inkişafa töhfəsi-
nin ədalətli qiymətləndirilməsinə birinci dərəcəli əhəmiyyət verilir.
Xoşbəxtlik həyat stimulu kimi
Şəxsiyyətin ən mühüm özünüidarə stimulu xoşbəxtlik olub və olacaqdır.
Fəaliyyət sahəsindən asılı olmayaraq, bütün insanlar, daha çox onların ruhi
mədəniyyəti və uğurlarının səviyyəsi ilə müəyyən edilən xoşbəxtliyə can
atırlar. Xoşbəxtliyə can atma hər bir insanın həyat fəaliyyətinin təbii və baş-
lıca stimuludur, özünü təkmilləşdirməyə can atma isə özünü mədəni şəxsiy-
yət hesab edənlər üçün xoşbəxtliyin mütləq şərtidir. Bu sosial qanunauyğun-
luq insanın tələbatları, maraqları və məqsədlərinin formalaşma motivlərini
bir çox cəhətdən izah edir, insanların təfəkkürünə və davranışına təsir edir,
şəxsiyyətin psixologiyasını və xarakterini anlamaq imkanını verir.