ŞÖVKƏt xanməMMƏdova
Yüklə 1,04 Mb. Pdf görüntüsü
|
___________Milli Kitabxana_______________ 39 – Evə gedin, yəqin ki, uşaqlarınız var. Onlar sizi gözləyir. – Heç nə olmaz, mən qalacağam. Bütün xəstəxana bu gəlinin fəryadına yığışmışdı. Hamı ona təskinlik onu sakitləşdirmək istəyirdilər. – Qızım, ağlamaqla bizə də mane olursan, yoldaşına qan lazımdır, gedib o biri binadan gətirmək lazımdır. – Bu saat doktor, gedib gətirərəm. Şövkət çölə qaçdı. Ancaq hansı binaya getmək lazım olduğunu bilmirdi. Xəstəxananın qapısına tərəf qaçdı. Birdən bir Sovet tankının xəstəxananın həyətinə girdiyini gördü. Həyətdə kimsə yox idi. Bütün qapılar bağlanmışdı. İşıqlar da keçirildi. Şövkət xanımı bir qorxu, bir vahimə hissi bürüdü. Həyətdə gəzişən itlər də yoxa çıxmışdı. Yaxınlıqdakı binanın pəncərəsindən səs eşitdi: – Bura gəlin, - tez, bura. Səs gələn tərəfə döndü. Pəncərədən bir neçə əl ona tərəf uzandı. Əllərini uzatdı. Pəncərə hündürdə idi. Xəstəxananın həyətində fırlanan tank isə onlara tərəf dönürdü. – Bir azca yuxarı qalxa bilsəydin.- deyə pəncərədən kimsə ona ürək-dirək verirdi. Şövkət barmaqlarının ucuna qədər qalxdı, axır ki, birtəhər onun əllərindən tutub, pəncərədən içəri sala bildilər. Huşunu itirən Şövkət xanımı naşatır ilə özünə gətirdilər. O, gözünü açan kimi ilk sözü bu oldu: – Ramiz necə oldu? Əməliyyat qurtardımı? – Hə, az qalıb, – deyə yenə onu aldatdılar. Həkimlər bir-birinə baxıb gözlərini yayındırır, həqiqəti ona deməyə heç kəs cürət etmirdi. – Ara sakitləşib evə gedə bilərsiniz. Qohumunuz dalınızca gəlib.
– Kimdir? – Deyəsən, qaynınızdır. ___________Milli Kitabxana_______________ 40 Şövkət dəhlizə çıxdı. Qaynı hönkürtü ilə ağlayırdı. – Sən niyə ağlayırsan? Ramiz əməliyyat olunur, həkimlər onu qurtaracaqlar. Elə bil qaynı onun dediklərini eşitmirdi. Şövkət qaynının daşa dönmüş üzünə baxa-baxa qışqırdı: – Eşidirsən, indicə əməliyyat qurtaracaq, ramizi palataya gə- tirəcəklər, mən ona qan gətirməyə getmişdim, tank üstümə gəlirdi. Şövkət havalı adamlar kimi rabitəsiz danışırdı: -
Qaynı dillənmirdi Onun çiyinləri titrəyirdi. Birdən elə bil ki, Şövkətin başına qaynar su tökdülər.O qaynının qarşısında durub gözlərini onun üzünə zillədi və israrla soruşdu: – Mənə düzünü söylə, içəridən sənə nə isə dedilər, Ramizə nə isə olub? Qaynı ağır-ağır dilləndi: – Şövkət, gəl gedək evə, burada ağlama. – Bəs Ramiz? Ramizi burada necə qoyub gedim mən? – Şövkət... Şövkət daha Ramiz yoxdur... Mən səni aparmağa gəlmişəm. – Necə yəni, yoxdur, mən onu öz əllərimlə bura gətir- mişəm... Şövkət dəli kimi həkimlərin üstünə yüyürdü: – Öldümü, öldümü Ramiz? Niyə axı, niyə...o ölməli insan deyildi axı? Bəs Siz ona niyə kömək edə bilmədiniz, niyə? Şövkət xanım başını divara çırpır, qışqırır, fəryad qoparır, od tutub alışan ürəyinin yanğısını heç cürə soyuda bilmirdi. Bu fəryad o gecə şəhid olan 135 nəfərin fəryadı idi. Bu hayqırtı 135 şəhid anasının, şəhid bacısının fəryadı, ah-naləsi, harayı idi.
___________Milli Kitabxana_______________ 41 Qayını Hüseynağa Şövkət xanımı güc-bəla həyətə çıxarıb maşına oturtdu. Xəstəxananın həyəti adamla dolu idi. Hər kəs öz ölüsünü aparmağa, gecə itkin düşənini axtarmağa gəlmişdi. Yola çıxdılar. Dan yeri yavaş-yavaş ağarırdı. Küçələr, mey- danlar qan gölünə çevrilmişdi. Havadan da qan iyi gəlirdi. Yanğınsöndürən maşınlar asfaltı yuyur, əli avtomatlı hərbçilər kürəklə yerə pərçimlənmiş insan cəsədlərinin qalıqlarını yığıb maşınlara doldururdular. Qaynı maşının sürətini lap azaltdı, yavaş-yavaş əsgərlərə yaxınlaşdılar. Əsgərlərdən biri yolun ortasında dayanıb əlini qaldırdı. Qaynı maşını saxladı. Əsgərlər onların ikisini də maşından düşürüb divara söy- kədilər. Onlardan biri avtomatı qaynının sinəsinə söykəyib bağırdı: – Səhərin gözü aşılmamış hara gedirsiniz? (yəqin ki, böyükləri idi). Gözlərinin yaşı qurumuş Şövkət qəzəblə onlara tərəf döndü. Heç bir şey fikirləşmədən əlini avtomata tuşlayıb dedi: – Siz Ramizimi bununlamı öldürdünüz? Niyə? Biz sizə neyləmişdik, axı? – dedi. Sonra isə özündən asılı olmayaraq: – Siz faşistsiniz, qatilsiniz, cəlladsınız, – deyə qışqırdı. Yenə də Allahın Şövkətə rəhmi gəldi. Artıq bu gün 2-ci dəfə idi ölümlə üz-üzə dursa da, ölümün soyuq nəfəsini hiss eləsə də, Tanrı onu qorudu, bu qorxulu kabusdan yaxa qurtara bildi. Əsgər qəzəbindən gözləri alışıb yanan gəlindən qorxub bir addım geri çəkildi və yavaşca: – Sizi öldürən, camaatı qıran biz deyildik. Onlar artıq şəhəri tərk eləyiblər. İndi isə tez olun, çıxın gedin burdan, tez gedin burdan, tez, tez... Əmr verən deyəsən böyükləri idi. Əsgərlər yolu açdılar. Hüseynağa qardaşı arvadının qolundan tutub maşına mindirdi. ___________Milli Kitabxana_______________ 42 – Görmürsən bunların ağzından qan iyi gəlir, niyə arının yu- vasına çöp uzadırsan, çəkib vuracaqlar, heç uf da deməyə- cəklər... – Cəhənnəmə vursunlar, onsuz da biz itirdiyimizi itirdik... ...Həyətə girəndə ilk əvvəl gözlərinə sataşan balaları oldu. Dördü də qapının ağzında durub analarına baxırdılar. Uşaqlar bir ağızdan soruşdular: – Ana, bəs ata niyə gəlmədi, o necə oldu, hara getdi? – O, yoxdur, ata yoxdur, o bir daha heç vaxt gəlməyəcək- dedi Şövkət və kökündən kəsilmiş ağac kimi yerə yıxıldı. Gözlərini açanda balalarının dördünün də ağlayaraq ona sarıldığını görəndə özünü ələ aldı. Uşaqları bağrına basdı. Başa düşdü ki, Ramizsiz görəcəkləri günləri qabaqdadır.O bundan sonra bu dəhşətli həyatın bütün əzablarına dözməli, sınaqlarına tab gətirməli, onu gözləyən çətinliklərdən təkbaşına çıxış yolu tapmalı, balalarını böyütməli, onlar üçün, onların xatirinə yaşamalı, Ramizin ciyərparalarını yaşatmalıdır. * * *
1990-cı ilin 20 Yanvar səhəri ağır və dəhşətli bir cinayətə şahidlik elədi. 19-dan 20-nə keçən gecə artıq dayaqları laxlayıb çökməkdə olan Sovet imperiyasının Bakını qan çanağına döndərmək planı başa çatdı. Lakin tanklar, avtomat silahlar qədim bir xalqı susdura, onun aşıbdaşan intiqam hissini öldürə bilmədi. Hər bir şəhid oğlumuz və qızımız on minlərlərlə soydaşının əvəzinə ölümə meydan oxudu, düşmən məğlub oldu, Azərbaycan xalqı öz şəhidləri ilə birgə qəhramanlıq tarixinin yeni səhifəsini yazdı. Matəm, göz yaşı ilə açılan səhər xalqımızın azadlıq və müstəqillik arzusunu üç rəngli bayrağı ilə bərabər başı üzərinə çəkdi.... Yüklə 1,04 Mb. Dostları ilə paylaş:
|