82
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Ikinci misal deyim. Zbiqnev Bjezinskini tanıyırsınız? Yox? Amerikanın keçmiş
prezidentinin təhlükəsizlik məsələləri üzrə müşaviri, köməkçisi olubdur. Çox bö-
yük siyasət xadimidir. O, vəzifədə olduğu zaman Amerika prezidentinin göstərişi
ilə Əfqanıstanda olubdur, Afrikada olubdur, Hindistanda olubdur, qaçqınların
düşərgələrində olubdur. O da bura ziyarətə gəlmişdi. Arzu etdi, biz də onu yenə ver-
tolyotla həmin şəhərciklərə göndərdik. Geri gələndə mən onunla axşam görüşdüm.
Hissiyyatları o qədər idi ki, özünə gələ bilmirdi. O deyirdi ki, mən indiyə qədər bir
çox qaçqın düşərgələrində olmuşam. Bir də deyirəm, - Əfqanıstanda, Hindistanda,
Afrikada. Deyir, beləsini mən görməmişdim. Həqiqətən, beləsi yoxdur.
Siz çox düzgün deyirsiniz ki, mən başqa ölkələrin başçıları ilə bu barədə danış-
sam bəlkə onlar bizə kömək etdilər. Hamısı ilə danışmışam, özü də bir dəfə yox.
Bir neçə gün bundan öncə, ayın 15-də mən Ağ evdə prezident Bill Klinton ilə
görüşdüm. Bəlkə son 5-6 il içərisində bu, mənim prezident Klintonla 10-cu görü-
şümdür. Bu problemi hər dəfə ona deyirəm.
Prezident cənab Şirak ilə mən tez-tez görüşürəm. Onu dəvət etmişdim, bura
gəlməliydi. Sonra gələ bilmədi. Amma planlaşdırır, gələcəkdir. Real vəziyyəti
- kitablardır, fotoşəkillərdir, kassetlərdir - bunların hamısını biz onlara veririk,
göstəririk. Isveçrənin prezidentlərindən neçəsi ilə görüşmüşəm, onlara da danışı-
ram.
1997-ci ildə prezident Skalfaronun dəvəti ilə Italiyada rəsmi səfərdə idim. Bir
neçə gün orada oldum. Ona da, o vaxt Baş nazir Prodi idi, - ona da bu barədə ha-
mısını bildirdim.
Mən sizə bu prezidentlər, krallar, - hansılarla ki, danışıqlar aparmışam, -
həddindən çox deyə bilərəm: Almaniyanın keçmiş prezidenti ilə, Kansler Kol ilə,
başqaları ilə, Böyük Britaniyanın keçmiş Baş naziri ilə, xarici işlər nazirləri ilə.
Sonra bu ölkələrin bizdə səfirlikləri var - Fransanın səfiri var, Italiyanın səfiri var,
Almaniyanın, Ingiltərənin, Amerikanın və başqa ölkələrin burada səfirləri çoxdur.
Səfirlər gedib qaçqınları görürlər. Yəni demək istəyirəm ki, biz bu barədə dövlət
başçılarına, dünyanın siyasi xadimlərinə, beynəlxalq təşkilatlarda olan insanlara
ətraflı məlumatlar veririk, xahiş edirik. Onlar məsələni anlayırlar, ancaq həll olun-
ması üçün bir təsirli tədbirlər görmürlər. Problem bundadır.
Per Qharton: Cənab prezident, bu görüşə görə Sizə minnətdarlığımı bildirmək
istəyirəm. Çox sağ olun, bizə imkan verdiniz ki, Sizə sual verək. Görürəm ki, Av-
ropa Birliyi haqqında, onun komissarları haqqında Sizin çox yaxşı məlumatınız
var. Bilirsiniz ki, onlar vəzifələrini nəyə görə və hansı səhvlərə görə tərk ediblər.
Istərdik, biz də Azərbaycan haqqında bu qədər məlumatlı olaq.
Beləliklə, Azərbaycana bizim səfərimiz Sizinlə keçirdiyimiz bu görüşlə yekun-
laşır. Elə bilirəm ki, yığdığımız faktlara Sizin bizə verdiyiniz faktlar da əlavə oluna-
caqdır və bundan sonra biz Sizinlə çox faydalı əməkdaşlıq edəcəyik.
83
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Heydər Əliyev: Təşəkkür edirəm. Mən sizinlə görüşümdən məmnun olduğu-
mu bir daha bildirirəm. Sizin Azərbaycana səfərinizi, demək, ölkəmizə, xalqımıza
göstərdiyiniz diqqəti qiymətləndirirəm. Hörmətli xanımın Azərbaycan xalqı haq-
qında, bizim mədəniyyətimiz haqqında, hətta yeməklərimiz haqqında dediyi xoş
sözlərə görə təşəkkür edirəm. Ümid edirəm ki, biz Avropa Birliyi ilə bundan sonra
daha da sıx əməkdaşlıq edəcəyik. Biz bu əməkdaşlığa hazırıq. Amma bilirik ki, bu,
asan məsələ deyildir. Sizin dediyiniz çox çətindir. Şərtləriniz də çətindir. Amma
mən həmişə belə düşünmüşəm ki, insan gərək ən ağır şərtləri götürsün, ən ağır
şəraitdə çalışsın ki, nailiyyət əldə etsin. Sizə uğurlar arzulayıram. Sağ olun.
84
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Azərbaycan Respublikasının Prezidenti Heydər Əliyevin
Bakıda TRASEKA-nın daimi katibliyi ofisinin
açılışı mərasimində nitqi
21 fevral 2001-ci il
Hörmətli Isveçin xarici işlər naziri!
Hörmətli cənab Baş katib!
Hörmətli cənab komissar!
Hörmətli xanımlar və cənablar!
Mən sizi Azərbaycanda səmimi qəlbdən salamlayıram və bizim ölkəmizə “Xoş
gəlmisiniz!” deyirəm.
Avropa Ittifaqının yüksək səviyyəli və hörmətli şəxslərindən ibarət olan
nümayəndə heyətinin Cənubi Qafqaz ölkələrinə, o cümlədən Azərbaycana bu səfəri
Avropa Ittifaqının bizim bölgəyə, eləcə də Azərbaycana olan marağının və təbiidir
ki, əlaqələrin inkişaf etdirilməsinin təzahürüdür. Bu səfərinizə görə təşəkkür edirəm.
Baxmayaraq ki, siz Azərbaycanda olmaq üçün çox az vaxt ayırmısınız, ancaq bu-
nun özü də kifayət edər ki, Azərbaycanda TRASEKA proqramına olan münasibəti
bir daha hiss edə biləsiniz.
Avropa Ittifaqının çoxşaxəli, çoxtərəfli fəaliyyəti vardır. Birinci növbədə, Av-
ropa Ittifaqı ona daxil olan ölkələrin daha da sıx əlaqə qurması və inkişaf etməsi
problemləri ilə məşğuldur. Eyni zamanda, Avropa Ittifaqı onun tərkibində olan
ölkələrdən kənara çıxaraq, dünyanın başqa hissələrinə də öz marağını göstərir. Bu
baxımdan təxminən 1992-1993-cü illərdə yaranmış TRASEKA proqramının böyük
əhəmiyyəti vardır.
Indiyə qədər Avropa Ittifaqı tərəfindən TRASEKA proqramının həyata
keçirilməsi ilə əlaqədar tədbirləri biz yüksək qiymətləndiririk. Ancaq eyni zamanda
bu, bizim tərəfimizdən böyük işin başlanğıcı kimi qəbul olunur. Məhz bu işi daha da
gücləndirmək məqsədi ilə 1998-ci ilin sentyabr ayında Avropa Ittifaqının və TRA-
SEKA proqramında iştirak edən dövlətlərin təşəbbüsü ilə, bizim təşəbbüsümüzlə
Bakıda bu proqramın həyata keçirilməsinə, böyük Ipək yolunun bərpasına həsr
olunmuş beynəlxalq konfrans keçirildi və bunun nəticəsində sənəd imzalandı. Kon-
frans TRASEKA proqramının katibliyini yaratdı və onun Azərbaycanda yerləşməsi
haqqında qərar qəbul etdi. Biz bunu böyük məmnuniyyət və minnətdarlıq hissi
ilə qarşıladıq və Bakının ən qədim binalarından birinin bu katibliyin sərəncamına
verilməsi haqqında qərar qəbul etdik.
Bizim qonaqlarımız bu binanın gözəlliyi haqqında və indiki vəziyyəti barədə
yüksək fikirlər söylədilər. Bu binanın Avropa Ittifaqının TRASEKA proqramına və
Ipək yolunun bərpası üçün görülən işlərə görə ayrılması təsadüfi deyildir.