biryarım oksidlərin profil boyu dərin qatlara zəif hərəkəti
nəticəsidir.
Bu torpaqların yayıldığı ərazi əsas etibarilə meşə
örtüyü altındadır. Meşədən azad edilmiş maili yamaclar
çay bitkisi və dənli bitkilər altında istifadə edilir.
Podzollu sarı torpaqlar. Dağətəyi düzənlikdə
delüvial-prolüvial çöküntülər üzərində rütubətli subtropik
iqlim şəraitində inkişaf edir. Əvvəllər bu torpaqlar hirkan
tipli düzən meşələri altında olmuşdur. Hazırda bu meşələr
demək olar ki, hər yerdə qırılmışdır.
Torpağın təşkili prosesində dövrü üst qat suları
fəal iştirak edir ki, bu da səthdə qleyləşmə və
podzoləmələgəlmə prosesi üçün şərait yaradır.
Podzollaşma dərəcəsinə görə zəif, orta, şiddətli
podzollaşmış torpaqlar fərqləndirilir.
Bu torpaqların mexaniki tərkibi gillidir, üst qat
nisbətən yüngüldür. Fiziki gilin miqdarı 65-80%, lil
hissəcikləri isə 45-55% təşkil edir. Üst qatlarda humusun
miqdarı 2-3%, ümumi azotun miqdarı isə 0,15-0,30%
arasında dəyişir və aşağı qatlara kəskin düşür. C:N-in
nisbəti üst qatda 8-11-dir. Podzollu sarı torpaqların üst
qatında udma tutumu bir qədər aşağı (12-20mq-ekv.),
illüvial qatda isə yüksəkdir (20-37 mq-ekv.). Belə bir halı
profil boyu lil hissəciklərinin paylanma vəziyyəti ilə
əlaqələndirmək olar. Bu torpaqların mühiti zəif turş və
turşdur. Lakin bəzən 120-150sm dərinlikdə konkresiyalar
şəklində kalsium karbonat birləşmələrinə rast gəlmək olur.
Podzoləmələgəlmə prosesinin ifadəlilik dərəcəsinə
görə akkumulyativ-elüvial qatdan profil boyu biryarım
oksidlərin illüvial qata toplanması nəticəsində torpaqda
242
silisium birləşmələrinin miqdarı artmışdır. Belə bir faktı
SiO
2
-nin Al
2
O
3
-ə olan nisbəti də təsdiq edir. Belə ki, həmin
nisbət profil boyu üst qatda 6,0, illüvial qatda 4,0
rəqəmləri ilə ifadə olunur.
Yüksək gilləşmə, yüksək udma tutumu, udulmuş
əsasların çox doymuş olması və buna uyğun olaraq az
dəyişən turşululuq və podzollaşmanın zəif ifadə edilməsi
təsvir etdiyimiz bu torpaqları şimal podzol torpaqlarından
kəskin dərəcədə, Qərbi Gürcüstanın subtropik
(podzollaşmış) torpaqlarından isə bir qədər fərqləndirir.
Bu torpaqların ərazicə aşağı hissələri çay bitkisi,
üst sərhəddi isə dənli bitkilər əkini altinda istifadə edilir.
Qleyli-podzollu sarı torpaqlar. Rütubətli subtropik
iqlim şəraitində dəniz sahili ovalıqda qrunt və dövri səth
sularının təsiri ilə aşınmış sarımtıl aşınma qabığının
üzərində inkişaf etmişdir.
Bu torpaqların xarakter xüsusiyyəti onların
nisbətən inkişaf etməsi və genetik qatların profil boyu zəif
diferensiallığıdır ki, bu da dənizsahili ovalığın geoloji
yaşca cavan olmasının nəticəsidir. Humus qatı (40-60sm)
bozumtul-küləşi, qalan qatlar isə göyümtül çalarlığı olan
sarımtıl-qonur rənglə fərqlənir. Podzollaşma zəif ifadə
edilmişdir. Strukturası yaxşıdır. Relyefin nisbətən yüksək
elementlərində bu torpaqlar normal inkişaf etmişdir.
Başqa sözlə, torpaq profilində qleyləşmə zəif ifadə
olunmuş qatların differensiallığı nisbətən aydındır.
Bu torpaqların mexaniki tərkibi üst qatlarda yüngül
və ağır gilicəli, aşağı qatlarda gillicəli-qumsaldır. İzafi
rütubətlənmə şəraiti burada qleyləşmə prosesini ifadə
etməklə yüksək rütubət sevən bitkilərin inkişafına və
243
onunla əlaqədar olaraq xeyli humuslaşmaya səbəb
olmuşdur. Üst qatlarda humusun miqdarı 3-4%, ümumi
azot isə 0,2-0,3% təşkil edir və profil boyu tədrici düşür.
C:N-in nisbəti 6-8 arasında dəyişir.
Bu torpaqların profilində zəif podzollaşma əlaməti
nəzərə çarpır. Udulmuş əsaslar içərisində Ca (12-27 mq-
ekv.) və Mg (3-8 mq-ekv.) kationları üstünlük təşkil edir və
onların əsaslarla doymuş olduğunu göstərir. Bütün profil
boyu torpağın mühiti zəif turşudur. Bəzən aşağı qatlarda
neytral və zəif qələvilik də nəzərə çarpır.
Qleyli-podzollu sarı torpaqlar əsas etibarilə çay
bitkisi, tərəvəz və qismən subtropik meyvə bağları altında
istifadə edilir.
10. Şabalıdı torpaqlar zonası
Şabalıdı torpaqlar enli qurşaq halında Böyük və
Kiçik Qafqaz torpaq vilayətlərinin dağətəyi hissələrində,
Gəncə-Qazax massivində, Bozqır yaylasında,
Qobustanda, Naxçıvan MR-nin dağətəyi və alçaq dağlıq
hissələrində yayılmışdır. Şabalıdı torpaqların yayıldığı
quru bozqır zonasının ümumi sahəsi respublika ərazisinin
24,2%-ni tutur.
Quru bozqır zonasında yayılmış bu torpaqlar bir
sıra fatsial xüsusiyyətlər ilə fərqlənməklə yovşanlı-şoranlı
bitkilər altında, atmosfer rütubətlənməsi kifayət qədər
olmayan şəraitdə inkişaf tapmışdır. İqlimin xeyli quraq,
torpaqlarda şorakətləşmə əlamətlərinin inkişafına da
şərait yaratmışdır.
244
Şabalıdı torpaqları əmələ gətirən ana süxurların
tərkibi karbonatlı, lösəbənzər və gipsli gillicələrdən ibarət
olan müxtəlif mənşəli delüvial çöküntülərdən təşkil
olunmuşdur. Bəzən Gəncə-Qazax massivinin dağətəyi
hissələrində, Arazboyu rayonları ərazisində və Naxçıvan
Respublikasında şabalıdı torpaqların gəcli və
lösəbənzər gillicələr üzərində əmələ gəlməsi müəyyən
edilmişdir. Bu torpaqların üst sərhəddi (600m-ə kimi)
dağ boz-qəhvəyi, alt sərhəddini isə (200m yüksəklikdə)
boz və boz-qonur torpaqlar təşkil edir. Naxçıvan
respublikasında isə bu torpaqların üst sərhəddi 1000m və
daha çox yüksəyə qalxır. Torpaqəmələgəlmə prosesi
əsasən arid şəraitdə gedir. Buna görə də bu torpaqların
ərazisində şorlaşma, şorakətləşmə, hətta solodlaşma
hadisələri baş verir.
Ekoloji-morfoloji, fiziki-kimyəvi və mineroloji
xüsusiyyətləri və relyef şəraiti Azərbaycanda yayılmış
şabalıdı torpaqları üç yarımtipə - tünd şabalıdı, şabalıdı
və açıq şabalıdı yarımtiplərə ayırmağa imkan vermişdir.
Şabalıdı torpaqların əmələ gəlməsində antropogen
amillərin, xüsusilə qədimdən suvarma işləri aparmağın
böyük təsiri olmuşdur.
Şabalıdı torpaqların profili genetik cəhətdən üst
çürüntülü-akkumulyativ “A” qatına, illüvial karbonatlı
“B”qatına və gipsli, karbonatlı ana süxura “C” qatına aydın
ayrılması nəzərə çarpır. Bu torpaqların tərkibində
yarımtiplərindən asılı olaraq humusun miqdarı 1,5-4,5%
arasında dəyişir. Ümumi azot humusa uyğun olaraq 0,15-
0,38% təşkil edir. Humusun qrup tərkibində əsasən humin
turşuları üstünlük təşkil edir.
245
Dostları ilə paylaş: |