Dağ bozqırlaşmış qəhvəyi torpaqlar dənəvari -
topavari, bəzən qozvari strukturalı olmaqla ağır gillicəli və
gilli mexaniki tərkibi ilə səciyyələnir. Bu torpaqların
profillərinin çox vaxt skeletli olduğunu görürük. Təsvir
etdiyimiz bu torpaqlarda humus qatının qalınlığı 40-50 sm
və hətta bəzən 60sm-ə çatır. Ümumi humusun miqdarı
əkin qatında 4,6% bəzən 7% təşkil edir. Ümumi humus
ehtiyatı bir metrlik qatda hər hektara orta hesabla 332
ton, yarım metrlik qatda isə 211 ton təşkil edir. Həmin
torpaqlar azot ehtiyatından da xeyli zəngindir. Azot
ehtiyatı yarım metrlik qatda hər hektara orta hesabla 12-
15 ton arasında tərəddüd edir. Bu torpaqların profili
səthdən karbonatlıdır.
Bu torpaqlar əsaslarla doymuşlar. Udulmuş
əsaslar içərisində kalsium kationu üstünlük təşkil edir.
Dağ bozqırlaşmış qəhvəyi torpaqlar üst qatlarda neytral,
aşağı qatlarda isə zəif qələvi və qələvi reaksiya ilə əvəz
olunur.
Dağ bozqırlaşmış qəhvəyi torpaqlar meşə
torpaqlarına nisbətən xeyli perspektiv əhəmiyyətə
malikdir, xüsusilə bu torpaqlarda meyillik dərəcələri
imkan verən, iri massivlər şəklində sahələr dəmyə
əkinçiliyi üçün (üzümçülük və bağçılıq), altında istifadə
edilə bilər. Bu torpaqlar yayılmış dik yamaclarda təbii
bitki zolaqları saxlamaq şərti ilə terraslar düzəltmək
məqsədəuyğundur. Həm də burada eroziya prosesinə
qarşı mübarizə tədbirləri nəzərdən qaçırılmamalıdır.
7 . Dağ boz - qəhvəyi torpaqlar
Dağ boz - qəhvəyi torpaqlar Azərbaycan
Respublikasında kolluqlar altında olan bütün dağ
ətəyi sahələri tutur və meşə zonasının aşağı sərhədlərini
əhatə edir. Boz - qəhvəyi torpaqlar əsas etibarı ilə, çimli
232
– çəmən bitkiləri altında inkişaf edir. Digər tərəfdən, bitki
örtüyü arasında bu torpaqlar üçün xarakterik olan
qaratikan, böyürtkən, yemişan və s. kol bitkiləri də rast
gəlir. Bu torpaqlar qozvari-dənəvari strukturaya malik
olmaqla profillərində çox vaxt müxtəlif böyüklükdə süxur
qırıntılarına rast gəlmək olur ki, bunlar yamacların ətək
hissələrində daha çox artır. Bundan əlavə təpəli,
dalğavari relyef formalarında torpağın səthi zəif və orta
dərəcədə çınqıllı daşlarla ortülmüşdür.
Dağ boz-qəhvəyi torpaqlar istər narın torpaq qatı
və istərsə də humus qatının qalınlığına görə xeyli
əlverişlidir. Burada narın torpaq qatının qalınlığı 100–
150sm və daha çoxdur. Humus qatının qalınlığı isə 35-
40sm, bəzən 60sm-ə çatır. Relyef şəraiti və meyillik
dərəcələrindən asılı olaraq orta və az qalınlıqlı növləri də
nəzəri çarpır. Bu torpaqlar humus maddələrdən xeyli
zəngindir. Humusun miqdarı üst qatlarda 5-6 %, tək-tək
hallarda 7%- ə çatır. Dağ-meşə qəhvəyi torpaqlardan
fərqli olaraq bu topraqların profili boyu humus tədrici
azalır ki, bu da həmin torpaqların aqroistehsalat
yararlılığını xeyli artırır. Əlverişli bioiqlim və relyef
şəraitindən asılı olaraq dənəvari struktura 40-50 sm-ə
kimi aydın formasını saxlayır.
Boz - qəhvəyi torpaqlarda ümumi humus ehtiyatı
həmin torpaqların 100 sm-lik qatında hər hektara orta
hesabla 200-350 ton , 50 sm-lik qatında isə 150-200 ton
arasında dəyişir. Bu torpaqların münbitlik elementləri
içərisində azot da xeyli yüksək (0,18-0,37%), aşağı
qatlarda isə 0,06-0,07% arasında dəyişir. Boz-qəhvəyi
torpaqlar öz mexaniki tərkibinə görə ağır gillicəli və
gillicəlidirlər. Bəzən relyef şəraitindən asılı olaraq orta və
yüngül gillicəli növlərinə də rast gəlinir. Bu torpaqların
profilində çox vaxt gilləşmə əlaməti olması nəzərə çarpır
ki, bu da boz-qəhvəyi torpaqların meşə altında çıxdığını
233
bir daha sübut edir. Bu torpaqlar karbonatlı olmaqla
HCl təsirindən bütün profil boyu qaynayır. Karbonatların
miqdarı aşağı qatlara getdikcə 20–30 % kimi artır, aşağı
qatlarda karbonatlar kif və damarlar şəklində yayılmışdır.
Boz-qəhvəyi torpaqlar udulmuş əsaslardan
doymuşlar. Udulmuş əsaslar içərisində Ca və Mg
kationları üstünlük təşkil edir. Bu torpaqlar zəif qələvi və
qismən qələvi reaksiyaya malikdir. Bəzi hallarda
müstəsna deyilsə boz-qəhvəyi torpaqlarda şorlaşma
əlamətləri müəyyən edilməmişdir.
Aparılan laboratoriya tədqiqatları göstərmişdir ki,
bu torpaqların 1 kq–da mütəhərrik kalium 20 - 50 mq – a
çatır. Ümumi kalium isə torpaq profili boyu 1,5-2,7%
arasında dəyişir. Mənimsənilə bilən fosfor ehtiyatına
gəldikdə isə, onun miqdarı hər kq torpaqda 10-25 mq,
bəzən 50 mq təşkil edir. Beləliklə, deyilənlərdən belə
nəticə çıxır ki, boz - qəhvəyi torpaqların yuxarıda qeyd
etdiyimiz xassələri (qida ehtiyatı, şorlaşmamsı, karbonatlı
olması, skeletliliyi və s) mühüm əhəmiyyətə malik
olmaqla, üzümçülüyün inkişaf etdirilməsi üçün şərait
yaradır. Hələ Azərbaycanın ilk tədqiqatçıları olan
S.A.Zaxarov və V.V.Akimtsev də keyfiyyətcə ən yaxşı
ağ və qırmızı süfrə çaxırı verən üzümlüklərin bu
torpaqlarda yetişdiyini qeyd etmişdir.
Məlumdur ki, Gəncə və Şəmkir rayonlarının
dağətəyi hissəsində boz-qəhvəyi torpaqlarda üzümlüklər
az suvarılır, hətta Bayan kəndində və başqa sahələrdə
suvarılma tamamilə tədqiq edilmir. Həmçinin 550-
1000m arası yüksəkliklərdə yerləşən Şamaxı, Mərəzə,
Ağsu üzümlükləri haqında da bunu demək olar. Bununla
belə həmin rayonların torpaq-iqlim şəraitində lazımınca
keyfiyyətli üzüm məhsulu aldığını inkar etmək olmaz.
234
Dostları ilə paylaş: |