40
1951-ci il iyun ayının 13-də M. Təhmasibin “Çiçəklənən
arzular” əsəri M. Məmmədovun quruluşunda tamaşaya qoyuldu və
Nərgiz rolunu səhnədə Hökümə xanım canlandırdı.
C. Cəfərov “Bakinski raboçi” qəzetində (27.06.1951) yazır ki;
“H. Qurbanova partorq Nərgizin cazibədar obrazını yaradır. Aktrisa-
nın yozumunda Nərgiz açıq fikirli, möhkəm və cəsur xarakterli
insandır. O həmişə sakitdir, inamlıdır, qarşıdakı məqsədi görür və
kolxozçu kütləsini özü ilə bərabər həmin məqsədə doğru aparır”.
H. Qurbanovanın ifa etdiyi Nərgiz həyata açıq baxan, sakit
təbiətli, öz məqsədinə və məramına sadiq bir insan idi.
Akademik Milli Dam Teatrı iyul ayının 20-dən avqust ayının
22-nə qədər Özbəkistanda qastrolda oldu. Qastrolun açılışı iyul
ayının 20-də axşam Həmzə Həkimzadə adına teatrda S. Vurğunun
“Xanlar” mənzum dramı ilə son tamaşası isə avqust ayının 20-də Ə.
Nəvai adına teatrda Ə. Məmmədxanlının “Od içində” pyesi ilə başa
çatdı. Qastrol müddətində özbəklər C. Cabbarlının “Solğun çiçək-
lər” (23;25;2;11), “Sevil” (21;24;1;12) “Od gəlini” (21;24;26;1), S.
Vurğunun “Vaqif” (27) və “Xanlar” (20;22;25), M. S. Ordubadinin
“Dumanlı Təbriz” (3), S. Rəhmanın “Xoşbəxtlər” (30;31;3;4;14),
“Aydınlıq” (7); Ə. Məmmədxanlının “Od işində” (28;29;5;10;20), İ.
Əfəndiyevin “Bahar Suları” (2;9), V. Şekspirin “Otello” (6;8;13)
tamaşaları Ə Nəvai teatrı, M. Qorki teatrı, H. Həkimzadə teatrı və s.
yerlərdə göstərildi.
H. Qurbanova qastrol müddətində Solmaz, İnci, Fəridə, Şəfəq,
Reyhan və başqa rolları ifa etdi.
1952-ci il mayın 17-də A. Şirvanzadənin “Namus” əsəri A.
İsgəndərovun quruluşunda səhnəyə qoyuldu və Süsən rolunu H.
Qurbanova ifa etdi. “Namus” romanı ilk dəfə 1885-ci ildə yazılmış
və müəllifə geniş şöhrət gətirmişdir. Müəllif sonralar bu romanın
əsasında eyni adlı pyes qələmə almış və bu əsər bir çox səhnələrdə
uğurla tamaşaya qoyulmuşdur.
Xoşa gələn cəhət odur ki, müəllif romanı mexaniki olaraq səh-
nələşdirməmişdir. O, dram janrının bütün spesifik xüsusiyyətlərini
yəni gərgin dramatik nüanslar, dolğun obrazlar, canlı dialoqlar, ha-
41
disələrin dramatik inkişafı fonunda əsl səhnə əsəri yaratmağa nail
olmuşdur.
“Özünün başlıca yaradıcılıq üslubu olan romantik monumental
səpgidə “Namus” (Aleksandr Şirvanzadə) tamaşası hazırlayan teatr
pyesin indiyədək oynanılmış bütün quruluşlarından fərqli əsər mey-
dana çıxarmışdı. Tamaşanın romantik ahənginin əsas daşıyıcıları
Barxudar (Ələsgər Ələkbərov), Süsən (Hökümə Qurbanova), Seyran
(Əli Zeynalov) obrazları idi. Quruluşçu rejissor Adil İsgəndərov
həmin romantik ahəngdə səmimi və realist nəfəsli dialoqlar qurmuş,
hərəkətə, səhnə dinamikasına rəvac verən pauzalardan məharətlə
istifadə etmişdir” (19).
Aktrisa özü qeyd edir ki; “Mən uzun illər rejissor Adil İsgən-
dərovla işləmişəm. Rollarımın böyük bir qismini onunla hazırlamı-
şam. O, aktyorla iş əsnasında sadə, səmimi, həqiqi kontakt yarat-
mağı bacarırdı. Xasiyyətindəki sərtliyə baxmayaraq onunla işləmək
asan idi. Onu yarı sözdən, bəzən sözsüz də başa düşmək olurdu. A.
İsgəndərov qurduğu səhnənin məğzini özü yaxşı duyduğu üçün
məşq vaxtı ifaçı vəziyyətində, əhvalında olurdu. Fikirləri, onun dav-
ranışında, baxışında, mimikasında jestlərində görə, oxuya bilirdik...
Yararlı təklifləri qəbul eləyirdi. Məşq zamanı təsadüf özü yaxşı bir
hərəkət, orijinal bir səhnə mizanı doğururdusa, onu diqqətsiz
buraxmırdı. “Namus” pyesinin son pərdəsi məşq olunurdu. Adətən
Rüstəm öz arvadı Süsəni öldürmək səhnəsində “yaxanı aç!.. Göstər
qara xalı!” deyə-deyə onun üstünə yeriyir. Süsən isə qorxub geri
çəkilir. Mən məşq zamanı özümün də xəbərim olmadan görünür
instinkt gücünə bu yerdə özüm Rüstəmə tərəf hərəkətə başladım
(Mən günahsız olduğum üçün ondan qorxmurdum). Rüstəm-Əfqanlı
isə xəncəri çəkə-çəkə geriləyirdi, öz cümləsini təkrar eləyirdi. Belə
mizan rəsmində A. İsgəndərov yalnız orijinal yox, həm də təbiilik
və həqiqət gördü və onu eynilə qəbul eləyib saxladı. O, təbii
mizanları xoşlayırdı. Onların kanvasını tapan kimi, qalan təfsilatı və
mənimsəmə, uyğunlaşma işini aktyorun öhdəsinə buraxırdı. A. İs-
gəndərov bir vəziyyəti, ya mizanı ta ifaçının özü daxilən duyma-
yınca, inanmayınca qanunlaşdırmırdı” (16).
42
“Hökümə Qurbanovanın ifasında Süsən rolunun orijinal təfsiri
daha tez oxunur, daha kəskin fərqlənirdi. Bunun ilkin səbəbi görü-
nür ondan ibarətdir ki, “Namus” pyesinin bu son quruluşu və Adil
İsgəndərovun rejissor təfsirinin özü əsərin əvvəlki quruluşlarından
fərqlənirdi. Bu dəfə məhkum, məzlim məhəbbətin hicranı, hicran
faciəsi ilk plana çəkilmişdi. Namis mövzusunun, anlayışının özü də
bu faciə baxımından şərh edilir, etik kateqoriya kimi öz bədii-emo-
sional şərhini Seyranın, xüsusilə Süsənin taleyi misalında tapırdı.
Hökümə Qurbanovanın oynadığı ismətli, məsum, müti Süsən namus
anlayışının təhrifinə, təhqirinə qurban gedən günahsız, müti bir
qızdır. O, itaət etmək, tabe olmaq, dözmək, qarabaxtına qane olmaq
və bəlkə bu cür fəlakətlərin, bəlaların sayını azaltmaq xəyalı ilə
yaşayır, başqa çıxacaq görmür. Aktrisa özü etiraf edir ki, əgər
Seyranla Rüstəmin Dağıstandakı görüşü olmasa idi, Süsən öz kəm
taleyinə, çətin qismətinə qane olub mühit və dövran qarşısında aciz
və əlacsız, ömrünü əzabla da olsa başa vurardı. Seyranı unutmazdı,
zaman-zaman onu anar, hicranın, müsibətin səbəbini də təsəllisini
də əlacsızlıqda görərdi” (16).
Tamaşada dramatik mübarizənin ana xəttini Süsənlə Seyranın
faciəsi təşkil edir. “Əsərin lirik qəhrəmanları Süsən və Seyran rolla-
rında Hökümə Qurbanova və Əli Zeynalov bu iki gəncin səmimi
duyğularını, azad məhəbbət həsrətlərini ustalıqla, ilhamla tamaşaçı-
lara çatdırmışlar” (22).
H. Qurbanovanın ifa etdiyi Süsən obrazında tamlıq, bütövlük
var idi. Bu tamlıq və bütövlük aktrisanın ifasında məharətlə görü-
nürdü.
M. Rəfili “Kommunist” qəzetində (23.03.1952) yazır ki; “Hö-
kümə xanım Süsən rolunda gözəldir. Hələ ilk görüşlərindəki incə və
mənalı dalğınlıq, öz sevgilisi yolunda çəkdiyi qorxu və müsibətlər
üçün daxili, ruhi bir hazırlıqdır. Quşların azadlığına həsəd aparan,
həyata məftun, məhəbbətə sadiq olan Süsən uşaq kimi müti, qul
kimi əsirdir. Süsənin, Rüstəmin evində göstərdiyi itaətkarlıqda belə,
böyük bir məsuliyyət və fədakarlıq vardır ki, insanı heyrətləndir-
məyə bilməz. Süsən iztirablara və faciəli ölümə məhkum bir qadın-
Dostları ilə paylaş: |