«Ey kitab əhli! Öz dininizdə həddi aşmayın! Allah barəsində yalnız
haqqı deyin. Həqiqətən, Məryəm oğlu Isa əl-Məsih ancaq Allahın
peyğəmbəri, Məryəmə çatdırdığı bir söz və Onun tərəfindən olan bir
ruhdur. Allaha və peyğəmbərlərinə iman gətirin» (ən-Nisa 4:171).
«Bu, ixtilafda olduqları Məryəm oğlu Isa haqqında Allahın buyurduğu
haqq sözdür!» (Məryəm 19:34).
Allahın qulu - 3 dəfə
Allahın əlaməti (ərəb. Ayətulla) - 3 dəfə
Allahın şahidi - 2 dəfə
Allahın ruhu:
«... Məryəm oğlu Isa əl-Məsih ancaq bir peyğəmbər, Məryəmə çatdırdığı
bir söz və Onun tərəfindən olan bir ruhdur» (ən-Nisa 4:171).
Hər yerdə mübarək qılınmış:
«Körpə dilə gəlib dedi: «Mən, həqiqətən, Allahın quluyam. O, mənə kitab
verdi, özümü də peyğəmbər etdi. O, harda oluramsa olum, məni mübarək
etdi...» (Məryəm 19:30, 31).
Allahdan mərhəmət:
«... Biz onu insanlar üçün bir mö`cüzə, dərgahımızdan olan bir mərhəmət
kimi edəcəyik» (Məryəm 19:21).
Saleh (Ali-Imran 3:46).
Şanı uca (Ali-Imran 3:45).
Mə`sum (Məryəm 19:19 - ərəb. «zəkiy»: günahsız).
3. Onun işləri.
Isa aclar üçün səmadan mö`cüzəli şəkildə yemək endirmək qabiliyyətinə malik idi.
«O zaman həvarilər demişdilər: «Ya Məryəm oğlu Isa! Rəbbin bizə
göydən bir süfrə göndərə bilərmi?» Isa cavabında onlara: «Əgər
mö`minsinizsə, Allahdan qorxun!» demişdi. Həvarilər demişdilər: «Biz
istəyirik ki, ondan yeyək, ürəklərimiz sakit olsun, sənin bizə doğru
dediyini bilək və ona şahidlik edənlərdən olaq». Məryəm oğlu Isa dedi:
“Ya Allah, ey bizim Rəbbimiz! Bizə göydən bir süfrə nazil et ki, o, bizim
həm birincimiz, həm də axırıncımız üçün bir bayram və Səndən bir
mö`cüzə olsun. Bizə ruzi ver ki, Sən ruzi verənlərin ən yaxşısısan!» Allah
buyurdu: «Mən onu sizə, əlbəttə, nazil edərəm”» (əl-Maidə 5:112-115).
Isa palçıqdan canlı yarada, korlara görmə bəxş edə, cüzam xəstələrini sağalda və ölüləri
dirildə bilirdi.
«Onu Israil övladına peyğəmbər göndərəcək. “Mən, həqiqətən, Rəbbiniz
tərəfindən mö`cüzə ilə sizə gəlmişəm. Sizin üçün palçıqdan quşa bənzər
bir surət düzəldib ona üfürərəm, o da Allahın iznilə quş olar.
Anadangəlmə korları, cüzam xəstəliyinə tutulanları sağaldar və Allahın
iznilə ölüləri dirildərəm...”» (Ali-Imran 3:49, həmç. bax. əl-Maidə 5:110).
Qur`an haqlı olaraq Allahın fiziki oğlunun olmadığını buyurur. Müqəddəs Kitab da Isanı
hərfi mə`nada Allahın oğlu adlandırmır, çünki Isa atasız doğulmuşdur. O, ona görə Allahın
oğlu hesab edilir ki, Allah Onu bütün peyğəmbərlərindən üstün etmiş, «Allahın Sözü»,
«Allahın seçilmişi» adlandırmışdır. Bununla yanaşı, Isa paklıq, nəciblik, mərhəmətlilik, salehlik
kimi ilahi keyfiyyətlər, səmadan ruzi endirmək, həyat bəxş etmək, ağır xəstəlikləri sağaltmaq və
ölüləri diriltmək kimi qabiliyyətlər nümayiş etdirmişdir.
Əziz oxucular, mən sizi Qur`anı ciddi şəkildə araşdırmağa və bu fəsildə qeyd etdiyimiz
surələri xüsusi diqqətlə oxumağa də`vət edirəm.
Əminəm ki, Isanı həddindən artıq yüksəltməkdən ehtiyat edərək, Onu adi peyğəmbər
səviyyəsinə endirmək olar. Lakin bu, yolverilməzdir, çünki Qur`anda deyilir ki, Isa Öz həyatı
vasitəsilə bizə Allahı açmışdır. Eyni zamanda Qur`an bizə Incili, Tövratı və Yazının digər
kitablarını oxuyan imanlılara müraciət etməyi məsləhət görür.
«Əgər sənə nazil etdiyimizə şübhə edirsənsə, səndən əvvəl kitab
oxuyanlardan soruş. Haqq sənə, sözsüz ki, Rəbbindən gəlmişdir. Şübhə
edənlərdən olma!» (Yunus 10:94).
«Allahın Əlaməti» olan Məryəm oğlu Isanın həyatı hansı kitabda daha ətraflı təsvir
olunmuşdur? Əlbəttə ki, Incildə!
Məhz buna görə də, əziz oxucular, sizi Incili ciddi şəkildə araşdırmağa də`vət edirəm. Bu
kitab dünya tarixi boyunca Allahın gördüyü işlər, Onun Isanın həyatında izhar olunan iradəsi
haqqında ən doğru mə`lumat mənbəyidir.
Allah sizi xeyir-dualasın!
IV Fəsil
Qurban bayramının əsl mahiyyəti nədədir?
Qur`ani-Kərim Qadir Allahı Kainatın və göydə və yer üzündə olan hər şeyin yaradıcısı kimi
açıqlayır.
«O, Özündən başqa heç bir tanrı olmayan, bütün məxluqatın sahibi,
müqəddəs və pak olan, əmin-amanlıq, salamatlıq bəxş edən, arxayın
edən, göz-qulaq olan, yenilməz qüvvət və qüdrət sahibi, qalib olub hökmü
keçən və fövqündə olan Allahdır! Allah müşriklərin Ona qoşduğu
şəriklərdən ucadır. O, hər şeyi yaradan, yoxdan var edən və surət verən
Allahdır. Ən gözəl adlar ancaq Ona məxsusdur. Göylərdə və yerdə
olanların hamısı Onu təqdis edib şə`ninə tə`riflər deyər. O, yenilməz
qüvvət və hikmət sahibidir!» (əl-Həşr 59:23, 24).
Eyni zamanda, Qur`ani-Kərim insanın günaha batmasından, onun təşəbbüsü ilə yaradılmışla
Yaradan arasında anlaşılmazlıq səddinin ucalmasından söhbət açır. Allaha itaətsizliyin
nəticəsində insan Onun hüzurunda şəxsən iştirak etməkdən məhrum oldu. Çünki Allah o qədər
müqəddəs və böyükdür ki, öz kamilliyini itirmiş insan Onun hüzurunda bircə anlıq belə sağ
qala bilməz.
Həm Qur`anda, həm də Müqəddəs Kitabda deyilir ki, ilk insanlar - Adəm və Həvva Allahı
tanıyırdılar. O, onlara o qərəd yaxınlaşırdı ki, onlar Onu görə bilsinlər və öz Yaradanları ilə
söhbət edə bilsinlər. Lakin günah yaradılmışla Yaradan arasında olan bu birlik ahəngini pozdu.
«Günah» sözünün mə`nasını başa düşmək, bu məvhumun mahiyyətini dərk etmək üçün
Adəmlə Həvvanın hekayəsi ilə yaxından tanış olmalıyıq.
«Xatırla ki, bir zaman Rəbbin mələklərə belə demişdi: “Mən quru və
qoxumuş palçıqdan insan yaradacağam!” Mən ona surət verib ruhumdan
üfürdüyüm zaman siz ona səcdə edin!» (əl-Hicr 15:28, 29).
Allah insana dedi: