57
Məsələlər
Məsələ 1.
Bakı şəhərinin vətəndaşlıq vəziyyəti aktlarının dövlət qeydiy-
yatı or qanlarından birinə vətəndaş Vəliyeva Daşkəsən rayonunun
uzaq kəndlərinin bi rində yaşayan vətəndaş Nəcəfovla nikahının
qeydiyyata alınması haqqında əri zə ilə müraciət etmişdir. Ərizə
vermək üçün Nəcəfovun Bakıya gəlmək imkanı ol ma dığından,
Vəliyeva Nəcəfovun tərtib etdiyi və işlədiyi müəssisənin rəh-
bərinin təsdiq etdiyi müvafiq ərizəni vətəndaşlıq vəziyyəti aktla-
rının dövlət qeydiyyatı orqanına vermişdir. Ancaq vətəndaşlıq
vəziyyəti aktlarının dövlət qeydiyyatı orqanı nın müdiri Vəliyeva-
dan həmin ərizəni qəbul etməkdən imtina etmişdir.
Nikahın qeydiyyata alınması haqqında ərizənin vətəndaşlıq
vəziyyəti aktlarının dövlət qeydiyyatı orqanına verilməsi zamanı
nikaha daxil olan şəxslərin şəxsən iştirakı zəruridirmi? Hansı
hallarda nikaha daxil olmaq haqqında ərizə nikaha daxil olan
şəxslərdən biri tərəfindən verilə bilər? Azərbaycan Respublika-
sında nikahın qeydiyyata alınması haqqında ərizə forması müəy-
yən olunmuşdurmu? Əgər müəyyən olunmuşdursa, hansı norma-
tiv-hüquqi aktla? Vətəndaşlıq vəziyyəti aktlarının dövlət qeydiy-
yatı orqanı işçiləri Vəliyevaya hansı izahatı verməlidirlər?
Məsələ 2.
Vətəndaşlar Qafarov və Namazova öz aralarında nikah bağ-
lanması haqqın da vətəndaşlıq vəziyyəti aktlarının dövlət qeydiy-
yatı orqanına ərizə vermişlər. Onlar ərizə vermələrinin ertəsi
günü nikahın qeydiyyata alınmasını xahiş etmişlər. Belə ki, Qafa-
rov uzaq xaric ölkələrin birində işə qəbul olunduğundan tezliklə
həmin ölkəyə yollanacaqdır, gələcək arvadı da onunla getməyə
hazırlaşır. Göstərilən hal müvafiq arayışla təsdiq edilmişdir.
Belə şəraitdə vətəndaşlıq vəziyyəti aktlarının dövlət qeydiy-
yatı orqanı necə hərəkət etməlidir, hansı hüquqi normaları rəhbər
58
tutmalıdır? Hansı səbəblər Azərbaycan Respublikasının Ailə
Məcəlləsinin 9.2-ci maddəsində nəzərdə tutulmuş nikahın bağ-
lanma (qeydiyyata alınması) müddətinin azaldılması və ya uza-
dılması üçün üzrlü hesab edilə bilər? Bu səbəblərin siyahısı qa-
nunda varmı?
Məsələ 3.
K.N.Əliyev və C.V.Məmmədova nikaha daxil olmaq haqqın-
da vətəndaşlıq vəziyyəti aktlarının dövlət qeydiyyatı orqanına
ərizə vermişlər. Bir neçə gün sonra vətəndaş Muradova vətən-
daşlıq vəziyyəti aktlarının dövlət qeydiyyatı şöbəsi müdirinə
müraciət edərək Əliyev və Məmmədovanın nikahını qeydə alma-
mağı xahiş etmişdir. Belə ki, Muradova bir neçə ildir Əliyevlə
birgə yaşayır. Onların nikahı qeydiyyata alınmasa da, çox mehri-
ban ailələri, üç yaşında qızları vardır. Əliyev qızın atası olduğunu
rəsmən müəyyən etdirmişdir.
Vətəndaşlıq vəziyyəti aktlarının dövlət qeydiyyatı şöbəsinin
müdiri Muradovaya hansı izahatı verməlidir? Vətəndaşlıq vəziy-
yəti aktlarının dövlət qeydiyyatı şöbəsi Əliyev və Məm mədovanın
nikah bağlanmasının dövlət qeydiyyatından imtina edə bilərmi?
Məsələ 4.
Ə.E.Qasımov və Ş.V.Xəlilova nikaha daxil olmaq haqqında
vətəndaşlıq vəziyyəti aktlarının dövlət qeydiyyatı orqanına ərizə
vermişlər. Bununla bağlı nikah bağlanmasının dövlət qeydiyyatı
günü müəyyən edilmişdir. Onlar Qasımovun ezamiyyətdə olması
ilə bağlı nikahın qeydiyyata alınması vaxtının müəyyən edilən
vaxtdan bir ay sonraya dəyişdirilməsini xahiş etmişlər. Ancaq
Xəlilovanın xəstəliyi üzündən onlar vətəndaşlıq vəziyyəti aktla-
rının dövlət qeydiyyatı orqanına yeni müəyyən edilmiş vaxtda
gələ bilməmiş və nikah bağlanmasının dövlət qeydiyyatı vaxtının
dəyişdirilməsini yenidən xahiş etmişlər. Bu zaman vətəndaşlıq
59
vəziyyəti aktlarının dövlət qeydiyyatı orqanının müdiri Qasımov
və Xəlilovanın vaxtında gəlməmələrinin və xahişlərinin səbəbini
üzrsüz hesab edərək, onların nikah bağlanmasının dövlət qeydiy-
yatı vaxtını yenidən dəyişdirməkdən imtina etmişdir. Buna cavab
olaraq Qasımov və Xəlilova vətəndaşlıq vəziyyəti aktlarının
dövlət qeydiyyatı orqanının müdirinin hərəkətindən məhkəməyə
şikayət edərək, baş vermiş hadisələrin səbəbi üzündən nikah bağ-
lanmasının dövlət qeydiyyatı vaxtının dəyişdirilməsi haqqında
ərizələrinin təmin edilməsini xahiş etmişlər.
Vətəndaşlıq vəziyyəti aktlarının dövlət qeydiyyatı şöbəsinin
müdirinin qərarını necə izah etmək olar? Məhkəmə şikayətlə
bağlı hansı qərarı qəbul etməlidir?
Məsələ 5.
1994-cü ildə vətəndaş Rəsulov vətəndaş Vahabova ilə nikaha
daxil olmaq haqqında vətəndaşlıq vəziyyəti aktlarının dövlət qey-
diyyatı orqanına ərizə vermişdir. Rəsulov ərizəsində əvvəl nikahda
olduğunu, ancaq sonradan ayrıldığını göstərsə də, onun paspor-
tunda nəyə görəsə birinci nikahın bağlanması haqqında möhür
yox idi. Rəsulov vətəndaşlıq vəziyyəti aktlarının dövlət qeydiy-
yatı şöbəsinin müdirini inandırmışdır ki, onun boşanma haqqında
şəhadətnaməsi vardır və o, nikah bağlanmasının dövlət qeydiyyatı
günü bu sənədi gətirəcəkdir. Buna görə Rəsulov və Vahabovanın
nikaha daxil olmaq haqqında ərizələri qəbul edilmişdir. Bir ay son-
ra vətəndaşlıq vəziyyəti aktlarının dövlət qeydiyyatı orqanında
nikahın qeydə alınmasından qabaq Rəsulovdan boşanma haqqında
şəhadətnamə tələb edilmişdir. Bunun əvəzində o, məhkə mə nin
nikahın ləğv edilməsi haqqında 12 mart 1992-ci il tarixli qanuni
qüvvəyə minmiş qətnaməsini təqdim etmişdir. Həmçinin ay dın
olmuşdur ki, Rəsulov nikahın ləğvini vətəndaşlıq vəziyyəti aktla-
rının dövlət qeydiyyatı orqanında qeydiyyatdan keçirməmişdir.
Belə vəziyyətdə vətəndaşlıq vəziyyəti aktlarının dövlət qeydiy-
yatı orqanı necə hərəkət etməlidir? Rəsulov və Vahabova arasın-
Dostları ilə paylaş: |