Salatın Əhmədli
165
daxilən silkələdi. Elə bil ki, Südabənin ondan nəsə
soruşanda özünün gözlərini ondan necə qaçırdığı
yadına düşdü və Talehə hər şey aydın oldu. Onsuz da
rollar dəyişmişdi. İndi qıza tez-tez zənglər gəlirdi, indi
qız mesajları Talehsiz oxuyurdu. Oxuduğu və yazdığı
cavabları da Talehə göstərmirdi. İndi Taleh İlanədən
asılı idi. Qorxurdu İlanə ilə sərt danışmağa. Hiss edirdi
ki, bir təhlükə ona doğru gəlir. Bu, tənha qalmaq
qorxusu idi.
…Oğlanları çoxdan atalarının bütün əmlakını
mənimsəmiş, öz adlarına keçirmişdilər. Atalarını da
tamam yaddan çıxarmışdılar. Olan-qalanını da İlanə
müxtəlif yollarla əlinə keçirmiş, qızıla, zinət
əşyalarına vermişdi. Hələ ərinin hesabına ev də aldır-
mışdı. Taleh də ona-bu evi sənə bəxşiş edirəm-
demişdi. Bütün bunlar arxada qalmışdı…
…Və bir gün Taleh tənha qaldı. İlanə ilan kimi
sürüşüb onun əlindən çıxmışdı, özü də çoxdan.
***
Gecəni pis yatmışdı. Yuxusunu çox qarışdırmışdı,
boğulurdu, havası çatmırdı. Südabə qayğı ilə, sevgi ilə
Salatın Əhmədli
166
ona tərəf gəlirdi. Gəlirdi, gəlirdi, amma ona çatmırdı.
Axır ki, yuxudan ayıla bildi. Qalxıb paltarını geyindi.
Bacardığı qədər səliqəli, səhmanlı geyinməyə çalışdı.
Təqaüdünü almağa hələ xeyli vaxt var idi. Cibindəki
pullarını çıxarıb saydı. Bəs edərdi, - düşündü. Həyətə
düşüb bir taksi saxlatdı. Yolda Südabənin çox sevdiyi
nərgiz gülündən bir dəstə aldı.
«Qurd ağzı»ndan keçib aşağıdakı qəbiristanlığa
enən maşının sürücüsü hansı tərəfə gedəcəyini
soruşdu. Taleh heç nə demədən taksini saxlatdı və
düşüb gediş haqqını verdi. Elə «Qurd ağzı»na tərəf –
qəbiristanlığın əl-ayaq dəyməyən tərəfinə yeridi.
Südabənin qəbrini axtarıb tapdı. Ot-alaf basmışdı. Ona
elə gəldi ki, başdaşı da bir qədər əyilib. Südabə
məhzun gözlərilə illərin ayrılığını, bu ayrılığın ona
gətirdiyi dərdi-əzabı danışırmış kimi baxırdı. Əllərilə
şəklin üzünü sildi. Nərgiz güllərini sinə daşının üstünə
qoydu. Dimdik dayanıb daşdan ona baxan gözəllə
ürəyində danışırdı. Nə qədər dayandığını bilmirdi.
Ona elə gəlirdi ki, ayaqları yerə bağlanıb. İstəsə də
tərpədə bilməz. Bu vaxt donuq nəzərlərilə Südabənin
boynuna dolanmış ilanı gördü. Əlini uzadıb daşın
üstündəki şəkilə - sevgilisinə sarmaşmış ilanı kənara
Salatın Əhmədli
167
qovmaq istədi. Amma əlləri də tərpənmədi. Deyəsən,
ilan hərəkətə gəlirdi. Yavaş-yavaş şəkilin boynundan
sürüşüb sinə daşının üstünə düşdü. Oradan da Talehə
tərəf irəlilədi. Talehin iqtidarı yox idi ki, hərəkət
eləsin, kənara çəkilsin. İlan onun ayaqlarına dolaşaraq
bədənilə üzüyuxarı qalxırdı sakit-sakit, arxayın-ar-
xayın. Düz sol tərəfdə sinəsinin üstə, pencəyinin altına
başını saldı. Bu vaxt Taleh sinəsinin üstündə bir yanğı
duydu. Yanğı get-gedə onun bədənini bürüdü. Birtəhər
hərəkətə gəldi. Ətrafda heç kəs yox idi. Bir kimsə
görünmürdü ki, onu çağırsın. Sağ əli ilə sol döşünün
üstünü ovuşdurmağa başladı. Get-gedə heydən-
hərəkətdən düşdü, üzüqoylu yerə yıxıldı.
***
Mən
sonralar
öyrəndim
ki,
Taleh
elə
qəbiristanlıqda kəskin infarktdan keçinib.
Xəbəri mollalar gətirmişdi.
Salatın Əhmədli
168
MƏN SƏNİ GÖZLƏYƏRƏM
Xəyal Kürqıraqlı yenicə nəşr olunmuş kitabını
«Böyük Ədəbiyyat» İctimai Birliyinin elan elədiyi,
birliyin öz adını daşıyan «Böyük Ədəbiyyat» müsabi-
qəsinə təqdim eləmişdi. Yəqin ki, müsabiqəyə başqa
müəlliflər də artıq öz əsərlərilə qatılmışdılar. Müsabi-
qəyə kimlərin iştirakçı olduğu haqqında məlumat ver-
ilmirdi. Ancaq dostlarından biri zəng edib müxtəlif
elektron saytlarda müsabiqəyə təqdim olunan əsərlər
haqqında xəbərlər, ayrı-ayrı müəlliflərin mülahizələri-
nin dərc olunması barədə məlumatlar verildiyini de-
mişdi. Onsuz da o, elektron saytlarla elə də səriştəli
əlaqə saxlaya bilmirdi. Əsasən gənclərdən ibarət olan
sayt yazarlarına elə bilgisayar vasitəsilə cavab vermək
onun işi deyildi. Axı onun gəncliyi, elə cavanlığının
da xeyli hissəsi indi tez-tez «elektron ədəbiyyat» ad-
lanan mərhələdən əvvəlki dövrə aid idi. Hər halda
çətinliklə olsa da müxtəlif saytlara girə bilir və onu
maraqlandıran müəyyən şeyləri tapıb oxuyurdu. Yenə
özü haqqında yazılmış olan qeydləri tapa bildi: «
Kürqıraqlının yazdıqlarından bir şey başa düşmək ol-
Salatın Əhmədli
169
mur. O, təxəllüsünü götürüb gəldiyi çayın qırağını
vəsf edir, yoxsa özünün dediyi kimi, tüstüsündən
boğulduğu şəhəri?.. O, elə yazır ki, bilmirsən bu
şəhərdən dördəlli yapışmaq istəyir, yoxsa, başını
götürüb xəyallarının qaynağı olan Kürqıraqlıya qa-
çmaq? Bir yerdə yazır ki, «indi mənim Kürqıraqlıda
heç kimim yoxdu, məni heç nə o yerlərə çəkmir». Bəs
onda nəyə görə sözünün əvvəli də, axırı da
kimsəsizliyə qərq olmuş, xarabazarlığa çevrilmiş və
təkcə elə Kürqıraqlının adında yaşayan kəndə bu qədər
məhəbbət, sevgi ilə danışır?
O, bu gənc tənqidçini tanıyırdı. Bilgisayarın
ekranında da yazısının böyründə hərəkətdə olan bir
şəkli verilmişdi. Açıq ağzı və iri dişləri qəzəblənmiş
yırtıcını xatırladırdı. Sağ əlini də qabağa uzatmışdı. O,
Xəyal Kürqıraqlıdan yaşca çox kiçik olardı. Yəqin ki,
Kürqıraqlının da yaşam yolu, tərcümeyi-halı haqqında
elə dərin bir məlumatı olmazdı. Çünki Kürqıraqlının
uzun illərdən bəri, nəhayət çap etdirdiyi kitabında
ömür yolu haqqında qısaca məlumat vardı. 50-ci
illərin axırlarına yaxın doğulduğu, ali-texniki təhsil
aldığı barədə məlumat verirdi. Mühəndis kimi
təqdirəlayiq işlərinin olduğu nəzərə çatdırılır, ədəbi
Salatın Əhmədli
170
yaradıcılığa ilk gənclik illərindən başladığı qeyd
olunur, müxtəlif ədəbi orqanlarda ara-sıra dərc olunan
yazıları xatırlanılır. Daha bundan o yana heç nə…
Onun necə böyüdüyü, ürəyində hansı duyğularla
yaşadığı haqqında məlumat ümumi qaydaya əsasən
verilmir. Mühəndislik cismani ömrünün təminatı,
qələmsə həyatının mənası olur.
…Hələ yaşca lap kiçik idi. Aşağı siniflərdə
oxuyurdu. Bir gün dərsdən qayıdanda həyətlərinə
çoxlu adamın yığışdığını gördü. Heç nə başa düşmədi,
nə olduğunu bilmədi? Nə baş verib?
Anası həyətin ortasında qadınların arasında idi.
Xoflandı. Anasının dağılmış saçları, yaşlı gözləri, ya-
naqlarında qan-qırmızı cızıqlar, qızartılar… Bütün
bunlar nə demək idi?
Qonşu qadın ayağa durub qabağa yeridi. Onun
üzündən öpüb, qolundan tutdu. Aradakı yastılanmış
tikan çəpərdən keçirib öz həyətlərinə apardı. Ona çay
süzdü. Bir sözlə, elə o tərəflərdə deyildiyi kimi, öz
uşaqlarına qatıb yenə geri qayıtdı.
Bir daha o, atasını görmədi. Sonrakı bir neçə ili
hərdən dərsdən gələndə anasını həyətin ortasında yun
didən, paltar tikən görürdü. Hərdən də hiss edirdi ki,
Dostları ilə paylaş: |