Salatın Əhmədli
141
Dəllək Muradın üzünə baxdı: Sanki «əllərimiz bağlıdır
axı», - demək istədilər.
– Bilirəm, əllərinizi açacam, özüm də bu qıraqda
duracam, çörəyinizi yeyin. Kişi yenə ehtiyatı əldən
vermədi. Tüfəngi Sənubərə verdi, oğruların əllərini aç-
dı. Dükan yaranlar, külüngü daş-divara çırpanlar elə
bil gücdən düşmüşdülər. Heysiz-heysiz əllərini
süfrəyə-çörəyə uzatdılar. Axır ki, səhər yeməyini
yedilər.
– Murad əmi, - oğrulardan nisbətən böyük olanı
üzünü Dəllək Murada tutdu: –Çevir bizi Dündarın baş-
ına. Nəvələrinə qurban olum.
- Burax bizi, çıxaq gedək, bir qələtdi eləmişik, –
bunu da o biri oğru dedi. – Ayə, a bala, mən sizi bu-
raxa bilmərəm. Dədə-babadan üzü bəri bu meşənin
içində bu kəndin adamları halallıqla yaşayıblar. Bir
kimsə o birinin toyuğuna «kiş» deməyib. Siz namərd
çıxmısınız.
- Murad əmi, süfrəndə çörək kəsdik, çörəkdən ki,
keçə bilməzsən.
– A bala, mənim oğlum hökümət qulluğunda işlə-
yir. Onun adı-sanı təkcə özü ilə bağlı deyil. O ad-
sandan bizim də payımıza düşür. Sizi hökumətə təhvil
Salatın Əhmədli
142
verəcəm. Oğlumdan da xahiş edəcəm kömək eləsin,
cəzanız yüngül olsun. Hə, indi durun düşün qabağıma.
Oğrular qalxıb məlul-müşkül kişinin qabağına
düşdülər. Yenə qolları bağlı idilər. Həyətdən çıxar-
çıxmaz oğrular bir də dönüb süfrəyə, sonra da Dəllək
Muradın üzünə baxdılar.
– Çörək sarıdan nigaran qalmayın. Bu kənddə
də ağı qaradan seçənlər tapılar. Mən sizinlə çörək
kəsməmişəm, sizə çörək vermişəm.
O vaxtdan dildə-ağızda bu söz ilişib qaldı. Çörək
məsəli ortaya gələndə deyərlər: «Sən filankəslə necə
çörək yemisən? Dəllək Muradın çörəyindən?..»
Salatın Əhmədli
143
«O YERLƏR MİN XƏYAL EYLƏR…»
Şair haqqında film çəkmək üçün dəstə hazırlaş-
mışdı. Rejissor, ssenarinin müəllifi, operatorlar…
Şairin yaddaşını oyadacaq, keçmiş xatirələri yada sa-
lacaq adamlar da dəvət olunmuşdu. Üç maşın üzü
qərbə tərəf – Şairin doğulduğu kəndə, elata getmək
üçün yola çıxmışdı. Paytaxtdan Şairin doğma
kəndinəcən xeyli məsafə vardı. Yolu birbaşa
getmədilər, bir neçə yerdə dayanıb çay içdilər, söhbət-
ləşdilər. Deyən, gülən, zarafatlaşan da vardı. Amma
Şair bulud kimi tutulmuşdu. Onun ağarmış saçları,
alnının qırışları sanki uzaqdan baxan qıyıq gözləri an-
caq özünə məlum olan ağır kədərin və dərdin
əhatəsində idi. Onu heç nə öz aləmindən çəkib bu
dünyaya-ona yoldaşlıq edən, hər an könlünü ovutmağa
çalışan yaxınlarının, dostlarının əhatəsinə qaytara
bilmirdi. Yol boyu Kürü bir neçə dəfə keçdilər. Şairin
olduğu maşında həm oğlu və qızı, həm də onun öz
kəndindən olan digər doğma insanlar vardı: «Mən hər
dəfə Kür boyu doğulduğum yerlərə tərəf gedəndə elə
bilirəm ki, ilkinliyə doğru gedirəm. Özümü də ilkinli-
Salatın Əhmədli
144
yin özü kimi yaddaşımda qalmış uşaqlığımda
görürəm. Kür həmişə mənim bələdçim olub. Bəlkə də,
bu yolu gedə bilməzdim Kür olmasaydı. Hərdən
düşünürəm ki, Kür həm də elə bizim anamızdı. İndi
mən də anamla görüşə gedirəm».
…Maşındakı Qadın da Şairin doğmasıdır. Şairin
qızı ilə yan-yana əyləşib. O da Şairin doğulduğu
kənddə dünyaya gəlib. İndi Şairin keçirdiyi hissləri,
yurd duyğularını o da hiss edirdi. Həyəcandan köksü
qabarırdı. Doğma yerləri bir də yaddaş-yaddaş, xatirə-
xatirə gəzəcəkdi. Ancaq Şairin öz-özünə danışırmış
kimi dediyi sözlərin içindəki ağır kədəri duydu, onun
qəmli ovqatını dağıtmaq üçün bir az da ehtiyatla
dilləndi:
- Şair, gərək sevinəsən, doğma yerlərə gedirsən.
Niyə belə kədərli danışırsan?
Şair duyğulandı. Hiss olundu ki, bir az da
kövrəkliyi artdı. Gözlərini getdiyi yolun üfüqlərinə do-
landırıb yenə asta-asta dilləndi.
- Bir vaxtlar anamın yanına gedərdim. İndi anamı
ancaq xəyalımda görürəm. Deyirəm ki, doğma
həyətimizə çatanda anam məni qarşılayacaq. Boyumu
sevəcək. Həmişə mənimlə birgə gedən, anamın
Salatın Əhmədli
145
görüşünə istəyini-duyğusunu aparan və indi oğlumun
mənimlə olmayan anasını soruşacaq.
«- Hə, oğlum, gəlmisən? Bəs niyə tək
gəlmisən?», - deyəcək. Mən də deyəcəm tək deyiləm,
nəvələrinlə, nəticələrinlə doğmalarımla, əzizlərimizlə
gəlmişəm. Amma anamın gözləri yenə kimisə axtara-
caq.
- Yoox, bəs…
- Anamın sözü qırılacaq. Onun kimi axtardığını
mən bilirəm. Bu yolların sonu yoxdur. Bir nəsil gedir,
sonra başqa nəsil gedir, beləcə nəsillər bir-birini
əvəzləyir, insan yolu başa çatmır.
Qadın yenə ehtiyatla, Şairin qəlbinə toxunacağın-
dan qorxurmuş kimi astaca dilləndi: - Bəlkə, belə yax-
şıdır? Dünya insan-insan yaşayır.
- Əlbəttə, qızım, əlbəttə, dünyanın gözəlliyi in-
sanlardır. İnsansız dünyanın nə dəyəri olardı. Bir az-
dan başı göylərə çatan məşhur dağ da-“Göylərə baş
çəkən” Göyəzən də görünəcək. Aralıdan ona əzəmətlə
baxan, köksündən göz yaşı kimi dumduru süzülən su-
ların çağlarlığı ilə dünyaya tarixdən əfsanələr, nağıllar
danışan, qarşı yatan Avey dağı da bizi qarşılayacaq.
Bu dağların bir-birinə səssiz, dilsiz baxışlarla
Salatın Əhmədli
146
dediklərini duymaq üçün gərək onlara ehtiram
göstərəsən. Gözlərin uzaqdan da olsa, o dağların
əzəmətinə baxanda qəlbən sevinəsən, inanasan ki, bu
dünya sənə doğmadır. Bu dünya səni sevir, sən də gə-
rək bu dünyanı sevəsən.
O, kimsəyə xitab eləmirdi. Elə qəlbilə danışırdı.
Danışdıqca da onun xəyalından keçən zamanlar bir-
birini əvəzləyirdi. İlk gəncliyindən çıxıb üzü axına
tərəf-Kürboyu dənizə tərəf gəlmişdi, Kürün axarı ilə
gəlmişdi. Zaman-zaman boy atıb böyümüş, mənən
ucalmışdı. Saysız-sonsuz nəğmələr qoşmuşdu. Bu
nəğmələr müğənnilərin dilinin əzbəri olmuşdu. Vətən
sevgisilə süslənmiş dastanlar yazmışdı. Uzun illər
səhnələrin bəzəyi olan əsərlər yazmış, yaratmışdı.
Neçə-neçə nəsil onun yazdıqlarından keçmişdi. Təzə
nəsillər dünyaya onun yazdıqları ilə qapı açmışdı.
Bu adamlar adı dillər əzbəri olan sənətkarın yad-
daşa yazdığı böyük ədəbi salnamənin əvəzində onun
özünü yaddaşa çevirmək, nəsillərin yaddaşında yaşat-
maq
naminə
haqqında
film
çəkmək,
canlı
görüntülərini əbədi örnəyə çevirmək üçün gedirdi.
Qadın atası qədər sevdiyi Şairin qoyub gəldiyi
yerlərdə doğulmuş, elə ruhən də o yerlərdə
Dostları ilə paylaş: |