84
kristalizasiyası üçün əlverişli şərait yaransın. Bu halın özü isə orqanizmə
kifayət miqdarda mayenin daxil olmaması və ekstrarenal yolla, qusma və
ishal zamanı çoxlu miqdarda maye itkisi nəticəsində yaranır. Belə
vəziyyətdə qusma su-duz mübadiləsinin normallaşması ilə keçib gedir.
Belə hesab olunur ki, oksaluriya böyrək toxumasında interstisial
proseslərlə müşahidə edilir. İnterstiasial toxumanın zədələnməsi və oksalat-
kalsium nefrolitiazının formalaşmasının genezində isə böyrəkdə gedən
membranolitik proseslərin rolu sübutu yetirilmişdir. Oksalat nefropatiyası
haqda ətraflı olaraq “Dismetabolik nefrapatiyalar” bölümündə söhbət açılır.
Kəskin qlomerulonefritin gedişi – tsiklik xarakter daşıyır, bu zaman
xəstəliyin aşağıdakı mərhələri qeyd edilir:
1. İnkişaf etməkdə olan əlamətlərin mərhələsi – başlanğıc
mərhələdir. Ekstrarenal əlamətlər və sidik sindromu özünü daha
qabarıq göstərir. Orta hesabla 2-4 həftə davam edir, lakin 2 aya
qədər də uzana bilər.
2. Xəstəliyin geriyə inkişafı mərhələsi – bu zaman ekstrarenal
əlamətlər – ödem və hipertoniya itir, yalnız sidik sindromu qalır.
Bu mərhələ 3-6 ay, bəzən isə 1 ilə qədər davam edir.
3. Xəstəliyin əlverişli gediş zamanı tam klinik-laborator remissiya
mərhələsi 2-3 aydan 1 ilə qədər və artıq davam edə bilər.
4. Sağalma - əgər klinik-labarator remissiya 5 il və daha artıq davam
edərsə, baş verir.
KQN zamanı böyrəyin funksiyaları həm normal (konsentrasion,
yumaqcıq filtrasiyası, kanalcıq reabsorbsiyası), həm də pozula bilər.
Ağırlaşmalar
Xəstəliyin gedişi zamanı ağırlaşmalar yarana bilər:
Kəskin ürək çatmamazlığı (ürək-damar sindromu) – onun
yaranmasında hipertoniya, hipervolemiya böyük rol oynayır. Bu
ağırlaşmanın yaranmasında AT yüksəkliyi deyil, onun qəflətən qalxmasıdır
(adaptasiya dövrü olmur, ürək əzələsinin qalxan AT uyğunlaşması baş
vermir). Miokardın yığılma qabiliyyəti azalır və sol mədəcik
85
çatmamazlığının əlamətləri yaranır – ürək astması tutması – boğulma,
məcburi vəziyyət, öskürək, tənginəfəslik, taxikardiya və s. Ürəyin
sərhədləri sola tərəf genişlənib, a.pulmonalis üzərində II tonun aksenti qeyd
edilir. Əgər vaxtında yardım göstərilməzsə, ağciyərlərin ödemi yarana
bilər. Uşaqlarda kəskin ürək çatmamazlığı böyüklərə nisbətən az rast gəlir,
lakin ölümə səbəb ola bilirlər. Ona görə xəstə stasionara daxil olan kimi
AT ölçülməlidir.
Beyin sindromu – KQN-in ağır və orta ağır gedişləri müşahidə
edilə bilər. Bu zaman xəstədə başağrısı, ürəkbulanma, qusma, hərəki
pozğunluqlar, əzələ tonusunun, vətər reflekslərinin artması müşahidə edilir.
Bəzən pataloji simptomlar (Babinski, Rossolimo) ola bilər. Süstlük,
yuxusuzluq, vegetativ pozğunluqlar qeyd edilir. Angiospazm və beyin
ödeminin inkişafı ilə əlaqədar olaraq qıcolmalar yarana bilər. Qıcolmalar
həmçinin oliqoanuriya fazasında, həddən artıq maye yeritdikdə, hidratasiya
nəticəsində yarana bilər. Eklamsiya tutması bir neçə saat və ya sutka
ərzində inkişaf edir. Uşaqda başağrısı, qusma, AT yüksəlməsi, sonra isə
huşun itməsi və əvvəlcə toniki, sonra kloniki qıcolmalar əmələ gəlir. Tutma
zamanı dilin dişləməsi, qeyri-iradi sidik və nəcis ifrazı baş verə bilər.
Diaqnoz və müalicə protokol üzrə verilir:
Böyrəkləri zədələnmiş xəstələrdə qeyd edilən müayinə kompleks
şəkildə aparılmalıdır:
1) sidiyin ümumi analizi (həftədə bir dəfə),
2) Zimnitski sınagı (10-14 gündən bir),
3) sutka ərzində içilən və xaric olunan mayenin miqdarı,
4) sidiyin kultural müayinəsi,
5) arterial təzyiqin gündəlik monitirinqi,
6) qanın klinik analizi (7-10 gündən bir),
7) qanda kreatinin, sidik cövhəri, qalıq azot, xloridlər, kalium,
natrium, fosfor, xolesterin, umumi zülal va zülal fraksiyalarının
miqdarını, koaquloqrammanı yoxlamaq,
8) göz dibinin müayinəsi,
86
9) EKQ.
Diferensial diaqnostika:
Bu xəstəliyi şenleyn-Henox xəstəliyinin hematurik forması, nefrotik
sindrom, Alport sindromu və s. xəstəliklərlə diferensasiya etmək lazımdır.
Müalicə:
Müalicə tədbirlərinin protokolu (sxem 4).
1) Xəstənin mütləq nefroloji şöbəyə (terapiya, nefroloji şöbədə yer
olmazsa, urologiyaya, bu zaman, nefroloqun konsultasiyası
vacibdir) yerləşdirmək.
2) Bir neçə gün ərzində yataq rejimi (ödem və hipertenzion
sindromun olma müddətində). Xəstəyə şöbə daxilində hərəkət
etməyə icazə verilir. (mənzil daxili) xəstə vaxtının təqribən 12-18
saatını yataqda keçirir.
3) Duzun orta dərəcədə (sut 2q/l qədər) və xəstəliyin bütün dövrü
ərzində heyvani zülalların məhdudlaşdırılması.
4) Arterial təzyiqin kəskin artması mərhələsində antihipertenziv
preparatlar verilir (kalsium antaqonisti, AÇF ingibitorları, AT I
reseptorlarının inhibitoru, beta-blokatorlar, tiazid, tiazidəbənzər
diuretiklər, osmodiuretiklər).
5) Ödemlərin yaranması zamanı diuretik terapiya (ilgək və tiazid
diuretiklər).
6) Antiaqreqantlar (asetilsalisilat turşusu 0,75-125 mq/sut daxilə,
dipiridamol 225-300 mq/sut daxilə, pentoksifillin 200-300 mq/sut
daxilə, ilk günlər preparatın 5-10 ml-ni 200 ml fizioloji məhlulda
həll edib vena daxilinə yeritmək də olar).
7) Kəskin poststreptokokk nefritinin inkişafı zamanı 1 ay müddətinə
antibakterial preparatların təyini.
8) Düz antikoaqulyantların təyini haqda ətraflı məlumat müvafiq
olaraq “Xroniki qlomerulonefrit” bölməsində verilir.
Kəskin qlomerulonefrit zamanı immundepressantlar təyin olunmur.
Onların təyini kəskin, xroniki və yarımkəskin qlomerulonefritlərin
Dostları ilə paylaş: |