84
proqnozlaşdırılması distansion zondlamanın köməyi ilə yaxşı
işlənilmiş və təcrübədə tətbiq edilmişdirsə, sürüşmələrin
qısamüddətli proqnozlaşdırılma-sının perspektivliyindən və bu
sahədə kosmik informasi-yanın tətbiqi imkanlarından danışmaq
olar.
Mühəndisi – geoloji şəraiti proqnozlaşdırarkən müxtəlif
miqyaslı kosmik şəkillərin analizi zamanı təyin edilmiş struktur
– tektonik amillərin rolu böyük əhəmiyyətə malikdir. Bu işlərin
nəticəsində məlum pozulmaların (lineamentlərin) və ya
qırışıqların gizli davamı aşkar edilir, fəallaşmış qırılmalar təyin
edilir, yerüstü tədqiqatlarla çətin aşkar edilən eninə və ya
diaqonal pozulmalar (lineamentlər) deşifərələnir, yer qabığının
qədim və müasir sıxılma və dartılma sahələri qeydə alınır,
endogen və ekzogen proseslərin əlaqəsi tam aydınlaşdırılır,
seysmik amillərin sürüşmələr və uçqunların inkişafına təsiri
dəqiqləşdirilir, kontinental yamacların sualtı hissəsinin relyefi
və dərinliyi təyin edilir. Alınmış nəticələr dərinlik geofizikası
və seysmik tədqiqatların məlumatlarını şərh etmək üçün əsas
olur ki, bu da mühəndisi – geoloji xəritələməyə və
rayonlaşdırmaya yeni keyfiyyət verir. Bu işlərə misal – Şimali
Qafqazda Ardon çayı dərəsinin yamaclarında mühəndisi –
geoloji şəraitin inkişafına struktur – tektonik amilin təsirinin
öyrənilməsini göstərmək olar. Burada müxtəlif miqyaslı
distansion zondlamanın materiallarının kompleks
deşifrələnməsi ortoqonal və diaqonal sistem lineamentlərin
olmasını aşkar etdi. Suben istiqaməti üstünlük təşkil edən
lineamentlər arasında disharmonik münasibət çox aydın
görünür. Onlar burada kəsişmə və ya şaxələnmə düyünləri
əmələ gətirir. Pozulmaların və lineamentlərin
kəsişməsindən əmələ gəlmiş sahələrdə, Ardon çayı dərəsinin
yamaclarında, ekzogen geoloji proseslərin müxtəlif formaları
inkişaf etmişdir (Dallaqkau sürüşmə massivi, Tibb qəsəbəsi
rayonunda uçurum – töküntü yığımı, Kasaykom-dan sel
təhlükəsi olan iri hövzənin sərhədləri).
Təyin edilmiş münasibət, yer qabığının dərinlik
pozulmaları və lineamentlər formasında əks olunan müasir
geoloji fəallığın olmasını sübut etməklə uçqunların və
sürüşmələrin Arkanzasın şimal-qərb hissəsində və Göyçəyanı
rayonu sahəsinin kosmik şəkillərində dəşifrələn-miş lineament
zonalarına meyl etməsi haqqında olan məlumatları təsdiq edir.
Yer qabığının lineament şəklinin mühəndisi – geoloji
interpretasiyasının məqsədəuyğunluğu və effektivliyini artırmaq
məqsədilə, yeni geoloji istiqamət çərçivəsində mühəndisi –
geodinamika və lineament tektonikası elmlərinin təmasında,
mühəndisi – geoloji şəraitin formalaşmasında, lineamentlərin
struktur- tektonik rolunu araşdırmaq məqsədilə yeni mühəndisi
– lineamentologiya elmi təklif olunmuşdur. Bu da yer qabığının
evolyusiyasında lineamentlərin və lineament sistemlərinin
rolunun və əhəmiyyətliliyinin analizinin əsasında geoloji
proseslərin inkişafının sahəvi qanunauyğunluğunu öyrənmək
üçün tətbiq olunur.
86
3.2. Ətraf mühitin qorunmasında
kosmik informasiyanın rolu
Kosmik informasiya ətraf mühitin qorunması (ekologiya)
üçün böyük əhəmiyyət kəsb edir. Bu informasiya, xüsusən,
mühəndisi – mühafizə, yuyulma və duzlaşma sahələrini
öyrənərkən mənimsənilən ərazilərin təsərrüfat üçün səmərəli
istifadəsi ilə bağlı işlərdə, axımı tutulmuş göllərin,
bataqlıqlaşmış sahələrin, uçqun və sel təhlükəsi olan rayonların
tədqiqatı zamanı təbii mühitin dəyişməsini sənədləşdirərkən və
analiz edərkən (məsələn, iri obyektlər olan Baykal – Amur
magistralı, Baş Qaraqum kanalının tikintisilə əlaqədar və yaxud
çay axımları yerini dəyişərkən, iri su anbarlarını yaradarkən,
«Smoq» buludları yerini dəyişərkən, ərazi səhralara keçərkən və
s. ilə əlaqədar) istifadə olunur.
Meteohidrogeoloji şərait ekstremal olan rayonların
sistematik müşahidəsi, mühəndisi – geoloji tədqiqatlarda
kosmik informasiyanın tətbiqinin üçüncü sferasını təşkil edir.
Qar yığımları və qarərimə və ya buzlaq sahələrinin qısalması
rayonlarında kosmik planalmanın məlumatlarının əsasında
hidrometeoroloji amili operativ nəzərə almaq, yəni ekzogen –
geoloji proseslərin inkişafına və vəziyyətinə mühəndisi –
geoloji nəzarət etmək imkanı verir. Çünki sonuncular haqqında
məlumat eyni zamanda böyük ərazilər üçün alına bilər və onlar
da öz növbəsində, hidrometeroloji məlumatlarla müqayisə edilə
bilər.
Geoloji mühitin qorunması və meteohidrogeoloji şəraitin
izlənməsi işində aktual və əsas məsələlərdən biri aerokosmik
monitorinqin (AKMQS) təşkilidir. Aerokosmik monitorinq
dedikdə, geoloji mühitin vəziyyətinin və onun təbii və texniki
amillərin təsiri altında məkan və zaman ərzində dəyişməsini əks
etdirən, reqlament üzrə dövrü distansion müşahidə sistemi kimi
başa düşmək lazımdır. Aerokosmik monitorinqin məqsədi –
geoloji mühitin vəziyyətini operativ izləmək və nəzarət, lokal
regional proqnoz üçün distansion informasiyanın istifadəsi,
onların təbii və antropogen amillərin təsiri altında dəyişməsini
öyrənməkdir. AKMQS-n obyekti, distansion zondlamanın
materiallarında birbaşa və ya dolayı əks olunan geoloji mühitin
dəyişən hissələridir: süxurların fiziki – mexaniki və davamlılıq
xassəsi; qrunt sularının yatım dərinliyi və minerallaşması;
müasir geoloji proseslərin həm təbii sürüşmələr, uçurumlar,
sellər, karstlar, seysmiklik, vulkanizm və s.), həm də texnogen
(su anbarlarının sahil hissəsinin yuyulması, bataqlıqlaşma,
çökmə və s.) inkişafının qanunauyğunluğu AKMQS, istehsal
qüvvə-lərinin və xalq təsərrüfatı istehsal sahələrinin səmərəli
yerləşdirilməsi sxeminin tərtibində, dövlət planının ekoloji
hissəsinin perspektiv işlənməsi zamanı və s. sahələrdə istifadə
edilməlidir.
Məsələn, kosmik şəkillərin deşifrələnməsi sellərin əmələ
gəlməsinin geoloji – geomorfoloji şəraitini düzgün
qiymətləndirməyə kömək edir. O, eyni zamanda, sel hadisəsinin
kiçik- və ortamiqyaslı xəritələnməsi zamanı effektiv olur.
Burada işin əsas məqsədi selin inkişaf şəraitinin analizidir.
Kiçikmiqyaslı kosmik şəkillərin deşifrələnməsi
aşağıdakılara imkan yaradır:
Dostları ilə paylaş: |