10.2. Qishloq xo’jaligida asosiy fondlar va ulardan foydalanish ko’rsatkichlari
Ma’lumki, asosiy fondlarsiz hozirgi zamon ishlab chiqarishini tashkil etish
mumkin emas. Ularning mavjudligi, sifati, unumdorligi ishlab chiqarishning
samarasini hal qilishda asosiy o’rinni egallaydi. Xo’jaliklarda mavjud fondlar ikki
katta guruhga bo’linadi. Bular asosiy va aylanma fondlardir.
Asosiy fondlar bir necha ishlab chiqarish jarayonida qatnashadi, o’zining
qiymatini ishlab chiqarilayotgan mahsulotga bo’lib-bo’lib o’tkazadi. Bu eskirgan
qiymat, amortizatsiya shaklida namoyon bo’ladi. Ishlab chiqarish jarayonlarida
ishtirok etib, tamomam eskirib bo’lganda ham o’zining fizik shaklini o’zgartirmaydi.
181
Ana shu xususiyatlarga ega va talablarga javob beradigan fondlar asosiy fondlardir.
Bularga imorat va inshoatlar, mashinalar (kombaynlar, traktorlar va h.q.), transport
vositalari, asbob – uskunalar, ko’p yilllik daraxtzorlar, uzumzorlar, mahsuldor chorva
mollari va ishchi hayvonlar kiradi. Asosiy fondlar asosiy vositalarning qiymat
ko’rinishiga ega qismi bo’lganligi uchun ham asosiy ishlab chiqarish vositasi bo’lgan
yer asosiy fondlar tarkibiga kiritilmaydi. Ishlab chiqarishda qatnashishiga qarab
asosiy fondlar ikkiga, ya’ni ishlab chiqarishga tayin etilgan va ishlab chiqarishga
tayin etilmagan asosiy fondlarga bo’linadi. Ishlab chiqarishga tayin etilmagan asosiy
fondlarga ijtimoiy sohaning asosiy fondlari kiradi.
Xo’jaliklar o’z balanslarida mavjud asosiy fondlardan foydalanishning holatini
ko’rsatkichlar tizimi bilan aniqlab boradi. Qishloq xo’jaligi korxonalarining fond
bilan ta’minlanish darajasi. Bu ko’rsatkich xo’jalikda mavjud asosiy fondlarning
o’rtacha yillik qiymatini yer moydonlariga (qishloq xo’jaligiga yaroqli yerlar,
haydaladigan yerlar, ekin maydonlari) bo’lish yo’li bilan aniqlanadi.
Asosiy fondlardan foydalanishning iqtisodiy samaradorligi fond qaytimi va fond
sig’imi ko’rsatkichlari yordamida aniqlanadi. Fond qaytimi yil davomida ishlab
chiqarilgan yalpi mahsulotni yoki foydani asosiy fondlarning o’rtacha yillik
qiymatiga taqsimlash yo’li bilan aniqlanadi. Fond qaytimi xo’jalikda mavjud 1
so’mlik asosiy fondlar evaziga qancha so’mlik yoki tiyinlik yalpi mahsulot (foyda)
ishlab chiqarilganini bildiradi. Bu ko’rsatkich natijasi qancha yuqori bo’lsa,
fondlardan foydalanish samaradorligi shunchalik yuqori bo’ladi.
Fond sig’imi fond qaytimining aksi bo’lib, asosiy fondlarning o’rtacha yillik
qiymatini xo’jalikning yalpi mahsulotiga bo’lish natijasida aniqlanadi. Fond sig’imi
xo’jalikda 1 so’mlik yalpi mahsulot ishlab chiqarish uchun qancha so’mlik asosiy
fond ishlab chiqarish jarayonida qatnashganini ko’rsatadi. Fond sig’imi ko’rsatkichi
qanchalik past bo’lsa, asosiy fondlardan foydalanish samaradorligi shunchalik yuqori
hisoblanadi. Fond qaytimi va sig’imini foydaga nisbatan ham aniqlash maqsadga
muvofiq.
182
Xo’jaliklarning asosiy fondlari besh xil (dastlabki, qoldiq , tiklash, balans va
tugatish baholarida) baholanadi. Asosiy fondlarning dastlabki qiymati ularni birinchi
bor sotib olish bilan bog’liq xarajatlardir. Asosiy fondlarning sotishdagi qiymati,
ularni tashib olib kelish va o’rnatish xarajatlari ham daslabki bahosiga kiradi.
Asosiy fondlarning tiklash qiymati deganda ishlab turgan asosiy fondning
hozirgi bozor narxida qanchaga baholanishi tushuniladi. Aks holda mavjud
inflyatsiya tasirida amortizatsiya ajratmasi natijasida yig’ilgan mablag’ga huddi
shunday texnika sotib olish mumkin emas. CHunki uning narxi oshib ketgan bo’lishi
mumkin.
Asosiy fondlar ishlab chiqarishda qatnashadi va vaqt o’tishi bilan eskiradi.
Asosiy fondlarning eskirishi ikki xil bo’ladi.
Birinchisi, ma’naviy eskirish. Asosiy fondlarning ma’naviy eskirishi quyidagi
hollarda yuz beradi: birinchidan, mavjud asosiy fonddan unumliroq bo’lgan yangisi
yaratilganda. Fan, texnika taraqqiyoti texnikaning yangi, unumli turlarini ishlab
chiqqan holda eski fondlar yangisiga nisbatan unumsizroq bo’lganligi uchun
ma’naviy eskirgan hisoblanadi. Masalan, xo’jalikda ishlatilayotgan, sekundiga 12 kg.
bug’doy o’radigan kombayn o’rniga sekundiga 16 kg. bug’doy o’ra oladigan yangi
kombayn yaratildi, deylik. Bu holda sekundiga 12 kg. bug’doy o’radigan kombayn
ma’naviy eskirgan hisoblanadi. Ikkinchidan, xo’jalikda mavjud tehnikadan narxi
arzonroq yangi texnika chiqarilgan holda ham ma’naviy eskirish yuz beradi. Masalan,
hozirda ishlayotgan don o’rish kombayni 30 mln. so’m turadi. Huddi shunday texnik
imkoniyatlarga ega kombaynning yangi avlodi yaratildi, deylik va uning narxi 25
mln. so’m. Bu holda biz ishlatayotgan 30 mln. so’mlik kombayn yangi 25 mln. so’m
turadigan kambaynga nisbatan ma’naviy eskirgan hisoblanadi. Iqtisodchilarning
bunday vaziyatdagi asosiy vazifasi ma’naviy eskirgan texnikalardan yana qancha
davr foydalanish zarurligini belgilashdir.
Asosiy fondlarning yangisi eskisiga nisbatan arzonga ishlab chiqarilganda
ma’naviy eskirishni quyidagicha hisoblash qabul qilingan.
183
100
1
х
АFbq
АFtq
АFbq
АFme
-
=
Bunda: AFme1 – asosiy fondlarning ma’naviy eskirishi (eskisiga nisbatan orzonroq
bo’lgan yangisi yaratilganda)
AF bq – asosiy fondlarning balans qiymati, so’m;
AF tq – asosiy fondlarning tiklash qiymati, so’m.
Asosiy fondlarning ma’naviy eskirishi ularni unumdorligi sababli yuz berganda
uni quyidagicha aniqlash mumkin.
100
2
х
YaAFu
АFu
YaAFu
АFme
-
=
Bunda: AFme2 – asosiy fondlarning ma’naviy eskirishi (eskisiga nisbatan
unumlirog’i yaratilganda)
YaAFu – yangidan yaratilgan asosiy fondlarning unumdorligi
AFu – ishlab turgan (amaldagi) asosiy fondlarning unumdorligi
Asosiy fondlarning yangilanish darajasi quyidagicha aniqlanadi.
АFyoq
АFya
Kya
=
Bunda: Kya – asosiy fondlarning yangilanish koeffitsienti
AFya – yil davomida yangidan jalb etilgan asosiy fond qiymati, so’m
AF yoq – asosiy fondlarning yil oxiridagi qiymati, so’m
Asosiy fondlar eskirishining ikkinchi turi ularning jismoniy eskirishidir. Vaqt
o’tishi, faoliyat ko’rsatishi natijasida asosiy fondlar jismoniy eskiradilar. Bu eskirish
“amortizatsiya” tushunchasi bilan belgilanadi. Odatda, zavodlarda ishlab chiqarilgan
texnikalarning pasportida ularning xizmat ko’rsatish muddati, amortizatsiya ajratish
184
normasi belgilangan bo’ladi. Lekin ayrim asosiy fondlarda bu ma’lumotlar
berilmagan taqdirda amortizatsiya normasini hisoblab topish mumkin. Bu holatda
umumiy yillik amortizatsiya normasi quyidagicha aniqlanadi:
100
xN
х
B
L
D
K
B
Аn
-
+
+
=
Bunda: An – umumiy yillik amortizatsiya normasi, %;
B – asosiy fondlarning dastlabki yoki balans qiymati, so’m;
K – asosiy fondlarni kapital ta’mirlash xarajatlari, so’m;
D – asosiy fondlarni tugatishdagi xarajatlar, so’m;
L – asosiy fondlarni tugatishdan olingan daromad, so’m;
N – asosiy fondlarning o’rtacha xizmat qilish muddati, yil.
Hozirda asosiy fondlarning eskirishini belgilashda tezlashtirilgan amortizatsiya
ajratmasi ajratish yo’lidan ham foydalanilmoqda. Bu inflyatsiya darajasi yuqori
paytda uning salbiy ta’sirini kamaytiradi. Bundan tashqari fan, texnika taraqqiyoti
tezlashgan paytda asosiy fondlarni tezlikda almashtirish imkonini beradi.
Asosiy fondlar qoldiq baholarda ham narxlanadi. Asosiy fondlarning dastlabki
narxlaridan eskirish summasi o’rtasidagi farq ularning qoldiq bahosini bildiradi.
Buxgalteriya balanslarida aks ettirilgan qiymati miqdor jihatdan asosiy fondlarning
dastlabki qiymatiga mos tushadi. Asosiy fondlarning tugatilish qiymati deganda uni
tugatish bilan bog’liq holat tushuniladi. Asosiy fondlar tugatilishi jarayonida
qo’shimcha xarajatlar qilinadi. Ularni tugatishdan ma’lum material boyliklar olinadi.
Asosiy fondlar xizmat muddatini to’la o’tamagan holda va boshqa sabablarga ko’ra,
ularga to’liq amortizatsiya ajratilmagan bo’lishi mumkin. Amortizatsiya ajratilmay
qolgan miqdorga uni tugatish uchun sarflangan xarajatlar qo’shiladi va tugatish
natijasida olingan qiymatni ajratish yo’li bilan asosiy fondlarning tugatilish qiymati
aniqlanadi.
|