Microsoft Word ayten add doc

Hökumət Evində ümummilli lider Heydər Əliyevin 
büstü açılmışdır 
 
Mayın 30-da Hökumət Evinin foyesində ümummilli lider 
Heydər  Əliyevin büstünün təntənəli açılışı olmuşdur.  
Mədəniyyət və turizm naziri Əbülfəs Qarayev mərasimdə  çıxış 
edərək demişdir ki, bu gün Heydər Əliyevin büstü nazirliklərin və 
mühüm hökumət idarələrinin yerləşdiyi binada açılır. Burada artıq 
təmir və abadlıq işləri başa çatır. Paytaxtımızda aparılan tikinti və 
quruculuq işləri Heydər Əliyevin adı ilə bağlıdır. Ulu öndər buna 
böyük  əhəmiyyət verir və icrasına  şəxsən özü nəzarət edirdi.  
Ə.Qarayev xatırlatmışdır ki, bu gün ümummilli lider Heydər 
Əliyevin büstü təkcə burada deyil, Türkiyənin Bursa şəhərində də 
açılır. Sənaye və energetika naziri Natiq Əliyev, ombudsman 
Elmira Süleymanova və digər çıxış edənlər bu hadisənin 
əhəmiyyətini vurğulamışlar. Bildirilmişdir ki, biz yeniləşən 
Azərbaycanın tərəqqisinə görə borclu olduğumuz  şəxsin büst və 
abidələrini ucaldırıq.  
Mərasim iştirakçıları ümummilli lider Heydər  Əliyevin 
heykəltəraş Ramiz Məmmədov və memar Nadir Əliyev tərəfindən 
yaradılmış büstü önünə güllər qoymuşlar.  
Mərasimdə Baş nazirin müavini Abid Şərifov, Milli Məclisin 
deputatları, nazirlər, ictimaiyyətin və  KİV-in nümayəndələri 
iştirak etmişlər.  
 
Xalq qəzeti.- 2007.- 31 may.- S. 8. 
 
 

---

Əliyeva N. 
 
Heydər Əliyev Azərbaycan mədəniyyətinin və milli 
mənəvi dəyərlərimizin böyük himayədarı, misilsiz 
təbliğatçısı idi 
 
Mən Heydər  Əliyevin türk xalqlarının mədəniyyətinin, 
tarixinin, milli-mənəvi dəyərlərinin təbliğinə bu dərəcədə  dəstək 
verməsini görəndə çox maraqlandım. Onun həmin xəzinəyə 
dərindən bələd olmasını görəndə isə marağım heyrətə çevrildi. 
Axı o, on illər boyu türkçülüyə  və islamçılığa yad olan bir 
dövlətin  ən yüksək vəzifəli siyasətçilərindən olmuşdu... Heydər 
Əliyev türk tarixinin fenomenal şəxsiyyətlərindəndir.  
İhsan Doğramacı tanınmış ictimai xadim bir dəfə görkəmli yazıçı, 
tanınmış ictimai-siyasi xadim İsmayıl  Şıxlının stolunun üstündə 
dəftər vərəqi boyda, ağ-qara çəkilmiş bir fotoşəkil gördüm. Yazıçı 
şəklə sükutlu bir maraq və diqqətlə baxırdı. O diqqət elə yalnız 
İsmayıl müəllimdə ola bilərdi. Mən də diqqətlə baxdım.  Şəklin 
aşağısında yazılmışdı: “Heydər  Əliyev  Şuşada M.P.Vaqifin 
abidəsi önündə”. Diqqət yetirəndə yazıçının adi bir fotoşəklə  nə 
üçün bu qədər maraqla, düşüncələrlə baxdığının səbəbini anladım. 
Heydər  Əliyev Vaqifin abidəsi önündə dayanmışdı. Abidə-şairin 
nəzərləri ona ehtirama gələn dövlət xadiminə elə dikilmişdi ki, 
sanki hər ikisi bu susmaqla danışırdılar. Fotoqraf, sözün həqiqi 
mənasında, çox incə bir məqamı tutmuşdu.  İsmayıl müəllim 
mənim də diqqətlə baxdığımı görüb dedi: “Heydər  Əliyev 
Azərbaycan mədəniyyətinin, xüsusilə, ədəbiyyatımızın çox böyük 
təəssübkeşidir”. Etiraf edim ki, İsmayıl müəllim vəzifə sahibləri, 
hökumət adamları, siyasətçilər barədə tərifli söz deməkdə nəinki 
SSRİ-nin, bəlkə  də dünyanın  ən “xəsis” yazıçılarından idi. 
Amma... dedi. 
Sonralar ulu öndərimizin həmin keyfiyyəti barədə  dəqiq 
qiymətləndirmələri xalqımızın bütün dünyada tanınmış görkəmli 
sənətkarı Niyazidən, xalq şairi Bəxtiyar Vahabzadədən və  ən 

---

nəhayət bu yazının  əvvəlində sitat gətirdiyimiz dünya şöhrətli 
ictimai xadim İhsan Doğramacıdan eşitdim. Professor Doğramacı 
Heydər  Əliyevin mədəniyyətə, tarixə, milli-mənəvi dəyərlərə 
ehtiramını  və  bələd olduğunu dilə  gətirərkən ulu öndərimizin 
həmin keyfiyyətinin miqyasını daha da böyüdür, onun təkcə 
Azərbaycan xalqının deyil, bütün türk xalqlarının böyük oğlu 
olduğunu dilə  gətirirdi. Heydər  Əliyev bu qiyməti öz həyatı  və 
fəaliyyəti ilə qazanmışdı. Mən burada bilərəkdən “öz fəaliyyəti 
ilə” deyil, “həyat və  fəaliyyəti ilə” yazıram. Çünki Heydər 
Əliyevin təkcə  fəaliyyəti deyil, həyatı da Azərbaycan xalqına, 
tariximizin dəqiq öyrənilib yazılmasına,  ədəbiyyatımızın  əsaslı 
tədqiqinə və təbliğinə, mədəniyyətimizin qorunmasına və inkişaf 
etdirilməsinə, milli-mənəvi dəyərlərin mühafizəsinə 
və 
təhriflərdən xilas edilməsinə  həsr edilmişdi. Mən bir dəfə bu 
məsələdən məhz bu şəkildə danışanda siyasətçilərdən biri etiraz 
etdi ki, yox, Heydər  Əliyevin  ən böyük xidməti dünya şöhrətli 
siyasətçi kimi ötən  əsrin 70-80-ci illərində Azərbaycanı misilsiz 
bir inkişaf yoluna çıxarması, 90-cı illərdə isə milli 
dövlətçiliyimizi məhv olmaqdan xilas etməsidir. Mənim siyasətçi 
opponentimə cavabım çox qısa idi: “Heydər  Əliyev təkcə 
siyasətçi yox, həm də görkəmli dövlət xadimi olduğuna görə, 
uzun illər dövlət başçısı  vəzifəsində çalışdığına görə yuxarıda 
qeyd etdiyimiz keyfiyyətlər onun həyatının mənalarından birinə 
çevrilmişdi”.  
Ulu öndərin həyatının mənasına çevrilən həmin fəaliyyət 
sahəsinin bəzi məqamlarını yada salaq. Əlbəttə, bu mövzuda 
qələmə alınan yazılarda formalaşmış  ənənəni biz də davam 
etdirərək,  əvvəlcə Heydər  Əliyevin 1969-82-ci illərdə ölkəmizə 
rəhbərlik etdiyi dövrü yada salaq. İnsan yaranandan bu günə kimi 
olan bütün tarixi əhatə edən Azərbaycan  ərazisi çox müxtəlif 
şaxəli tarix və  mədəniyyət abidələri ilə  zəngindir. Ümummilli 
liderimizin təbirincə, bu abidələr xalqın ruhunu özündə  əks 
etdirən tarixdir, onun keçmişinin və müasir dövrünün 
salnaməsidir, ulularımızın böyük əməyinin təcəssümüdür. Eyni 

---

zamanda, abidələr xalqın müxtəlif inkişaf mərhələlərində onun 
mənəvi səviyyəsinin təzahürüdür. Bütün bunları bu şəkildə 
dəyərləndirən Heydər  Əliyev 1969-cu ilin yayından başlayaraq 
partiyanın qarşıya qoyduğu kolxoz-sovxoz, təsərrüfat, sənaye 
məsələləri ilə eyni zamanda millətin tarixinin və  mədəniyyətinin 
öyrənilməsinə, tədqiqinə, inkişafına və  təbliğinə böyük önəm 
verməyə başladı.  
Qeyd edək ki, Azərbaycanda təxminən 9 minə yaxın tarix və 
mədəniyyət abidəsi mövcuddur. Həmin abidələrin mühafizə 
olunub gələcək nəsillərə çatdırılmasında  ən böyük işlər məhz 
1969-82-ci illərdə görülmüşdür. Həmin illərdə  İçərişəhər Dövlət 
Tarix-Memarlıq, Qəbələ Dövlət Tarix-Bədii, Lahıc Dövlət Tarix-
Mədəniyyət və başqa qoruqlar, muzeylər yaradılmışdı. Məlum 
məsələdir ki, həmin illərdə abidələrin mühafizəsi, bərpası  və 
istifadəsi Mədəniyyət Nazirliyinin Tarix və  Mədəniyyət 
Abidələrinin Mühafizəsi və  İstifadəsi Baş  İdarəsi tərəfindən 
həyata keçirilirdi. Bu idarənin ölkə ərazisindəki minlərlə abidənin 
mühafizəsini təşkil etməkdə  çətinlik çəkdiyini görən Heydər 
Əliyev müttəfiq respublikalar arasında ilk dəfə (və sonuncu 
olaraq) Azərbaycanda Tarix və  Mədəniyyət Abidələrinin 
Mühafizəsi və  Bərpası Komitəsinin yaradılmasına nail oldu. 
1969-82-ci illərdə Azərbaycanda 52 memarlıq abidəsində  və bir 
çox dini ibadət yerlərində bərpa işləri aparıldı, 650-dən çox tarixi 
və mədəniyyət abidəsinin vahid şəkildə yüksək səviyyəli pasportu 
hazırlandı. Qobustan Arxeoloji Qoruğunda, “Atəşgah” 
məbədində,  Əmircan məscidində  və  Təzəpirdə geniş miqyaslı 
bərpa işləri aparıldı.  İçərişəhərin ilkin görkəminə qaytarılması 
üçün “Bərpaçı” Elm-İstehsalat Birliyi yaradıldı. Qədim 
Karvansara və digər tikililər torpağın altından çıxarılıb bərpa 
olundu.  
“Bizim ziyalıların, mədəniyyət xadimlərinin, elm xadimlərinin 
cəmiyyətdəki hörmətini qaldırmaq lazımdır. Çünki xalq həmişə 
öz ziyalıları, öz mədəni irsi, öz elmi ilə tanınır.  Şübhəsiz ki, 
xalqın tarixində  sərkərdələrin də, siyasətçilərin də böyük rolu 

---