45
¢ alternativ sanksiyalarda tənbehin (cəzanın) bir neçə növü göstərilib (məs.: XM,
mad. 296 - ″Xırda xuliqanlıq″, ″...şərti maliyyə vahidi məbləğinin on beş mislindən iyirmi
beş mislinədək miqdarda cərimə edilir, işin hallarına görə pozuntu törədənin şəxsiyyəti
nəzərə alınmaqla bu tədbirlərin tətbiqi kifayət sayılmadıqda on beş günədək müddətə inzibati
həbs tətbiq olunur″.
nzibati hüquq sanksiyalar sisteminin xüsusiyyəti - onun çox zəngin inzibati təsir
vasitələri ehtiyatına, sanksiyaların növ müxtəlifliyinə malik olması, həmçinin də orqanların
və vəzifəli şəxslərin daha məqsədəuyğun və effektli hesab etdikləri təsir tədbirlərinin
tətbiqinə qəbul edilmiş hədlərə qədər imkan verilməsini nəzərdə tutur.
Hüquq norması özünün bilavasitə tənzimləyici funksiyasını (vəzifəsini) onun bütün
struktur elementləri olduğu halda yerinə yetirə bilər. Əgər normativ-hüquqi aktların
maddələrini təhlil etsək, biz heç də həmişə hüquq normasının hər üç elementini görə
bilmərik. Belə ki, Azərbaycan Respublikası Konstitusiyasının maddələrində, bir qayda
olaraq, hipoteza və dispozisiya olur, sanksiya isə ifadə olunmur. Cinayət qanunvericiliyinin
bir sıra maddələrində hipoteza və sanksiya tam həcmdə yazılır, dispozisiya isə ümumi
qaydada ifadə olunur. Bu onu göstərir ki, hüquq norması və normativ-hüquqi aktın maddəsi
üst-üstə düşmür.
Hüquq normasının elementləri (hipoteza, dispozisiya, sanksiya) faktiki olaraq,
müxtəlif normativ-hüquqi aktların maddələrində ola bilər. Bu, normaların eyni olmayan
formalara və ifadə üsullarına malik olması ilə izah olunur. Lakin bu halda da onlar öz
məntiqi quruluşlarını itirmirlər.
Normativ-hüquqi aktın maddəsi dedikdə - hüquq normasının ifadə forması (üsulu)
başa düşülür.
Normativ-hüquqi aktların maddələrində hüquq normalarının aşağıdakı ifadə üsulları
mövcuddur:
¢ birbaşa ifadə üsulu (maddədə hər üç element mövcuddur);
¢ göndərici ifadə üsulu;
¢ blanket ifadə üsulu.
Yuxarıda göstərilənlərdən belə nəticəyə gəlmək olar ki, hüquq norması qanunun
maddəsi ilə eyni deyil. Hüquq norması məntiqi cəhətdən tamamlanmış davranış qaydasıdır,
qanunun maddəsi isə onun ifadə formasıdır.
nzibati hüquq normalarında inzibati hüququn tənzimləyici rolu aşağıdakı hallarda
özünü göstərir:
a) inzibati hüquq normaları icra hakimiyyətinin bütün sisteminin və onun ayrı-ayrı
hissələrinin təşkili və fəaliyyətini tənzimləmə xarakteri daşıyır;
b) inzibati hüquq normaları dövlətin mənafeyinə uyğun olan və dövlət idarəetmə
sahəsində bilavasitə fəaliyyət göstərən bütün təşkilatların və şəxslərin davranış qaydalarını
(variantlarını) müəyyən edir (məs.: şəhər (rayon) icra hakimiyyəti). Lazımi hesab edilən
hərəkəti nəzərdə tutur, yəni hansı hərəkətləri etmək olar, hansı hərəkətlərə icazə verilir,
hansılardan çəkinmək lazımdır, hansıları qadağan edir, hansıları etmək vacibdir (sərəncam).
Davranışa olan idarəçilik təsiri burada açıq şəkildə özünü əks etdirir;
c) inzibati hüquq normaları dövlət idarəetmə sahəsində fəaliyyət göstərərək, icra
hakimiyyəti mexanizminin konstitusion təyinatının səmərəli həyata keçirilməsi təminatı
məqsədini daşıyır, yəni Azərbaycan Respublikasının qanunlarına riayət olunması və onların
46
icrasının həyata keçirilməsi. Bununla da onlar vahid dövlət hakimiyyətinin icraedici
istiqamətinin mahiyyətini ifadə edirlər;
ç) inzibati hüquq normaları dövlət idarəetmə sahəsində lazımi sayılan davranışın
sərhədini müəyyən edir, dövlət intizamının və qanunçuluq reciminin möhkəmləndirilməsinə
xidmət edirlər.
nzibati-hüquqi tənzimləmə mexanizmi dedikdə - dövlətin məqsəd və vəzifələrinə
müvafiq olaraq dövlət idarəetmə sistemində icra hakimiyyətinin həyata keçirilməsi sahəsində
yaranan, dəyişən və xitam olunan ictimai münasibətlərə təsir edən inzibati-hüquqi vasitələr
sistemi başa düşülür.
Ümumi anlayışdan nəticə çıxarmaq olar ki, inzibati-hüquqi tənzimləmənin məzmunu
aşağıdakılardan ibarətdir:
¢ idarəetmə sahəsində daha məqsədəuyğun münasibətlərin təsis edilməsi və qaydaya
salınması;
¢ hüquqla tənzimlənən idarəetmə münasibətlərinin mühafizəsi;
¢ cəmiyyətin obyektiv inkişaf qanunlarının tələblərinə uyğun olan yeni ictimai
münasibətlərin yaradılması və inkişafı;
¢ müasir şəraitə uyğun gəlməyən ictimai münasibətlərin dövlət idarəetmə sahəsindən
sıxışdırılması (çıxarılması).
nzibati-hüquqi tənzimləmənin mahiyyəti - idarəetmə münasibətlərinin qaydaya
salınmasından, inzibati hüquq normaların köməyi ilə bu münasibətlərin iştirakçılarının
hüquq və vəzifələrinin təyin edilməsindən ibarətdir.
nzibati-hüquqi tənzimləmə mexanizminin elementləri aşağıdakılardır:
1.
nzibati hüquq normaları.
2.
nzibati hüquq normaların izahedici aktları.
3.
nzibati hüquq normaların tətbiqetmə aktları.
4.
nzibati hüquq münasibətləri.
nzibati hüquq normaların ümumi xarakteristikasında onların bəzi xüsusiyyətlərinin
nəzərə çatdırılması ehtiyacı duyulur. Hər şeydən əvvəl, hüquq icraetmə (hüquq tətbiqetmə)
və hüquq təyinetmə (hüquqyaradıcılığı) arasındakı qarşılıqlı nisbət diqqətəlayiqdir.
stənilən hüquqi norma hüquqyaradıcılığı aktıdır və inzibati hüquq normalar da burada
istisna deyil. cra hakimiyyətinin müvafiq subyektlərinə qüvvədə olan qanunvericiliklə
hüquq normalarının müstəqil müəyyən edilməsi üzrə səlahiyyətlər verilmişdir.
nzibati hüququn məzmununa Azərbaycan Respublikasının bütün hüquq sisteminin
ə
sasını təşkil edən qanunların tələblərinin konkret şəraitlərə tətbiq edilməsindən ibarət olan
fəaliyyət xasdır. Buna görə də inzibati hüquq normaları idarəetmə xarakterli ictimai
münasibətlərin tənzimləyicisi kimi dövlət idarəetmə sahəsində hüquqtətbiqetmənin əsas
hüquqi formalarından biri kimi xarakterizə oluna bilər. Deməli, bu normalar öz məzmununda
″
ikili hüquqi yük″ daşıyır - hüquqyaradan və hüquqtətbiqedən.
nzibati hüquq normaların bu növləri arasında sıx qarşılıqlı əlaqə var burada
hüquqyaratma forması öz mahiyyətinə görə hüquqtətbiqetmə (icraetmə) məqsədi daşıyır.
Bunu da o fakt təsdiq edir ki, icra hakimiyyəti subyektlərinin normativ aktları qüvvədə olan
qanunvericiliyə uyğun olaraq qanunların icrası məqsədi ilə qəbul edilir.
Göstərilən vəziyyət icra hakimiyyətinin müvafiq subyektlərinin səlahiyyətlərinin və
inzibati-hüquqi normaların ümumi səciyyəsi üçün münasibdir.