25
da rəqəmlərdən ibarətdir ; harmoniya – rəqəmlərin kombinasiyasıdır; Planetlər ( o zaman
5 planet məlum idi), Günəş və Ay fırlanaraq xüsusi səs çıxarılar və kürələrin səs
harmoniyası yaranır; (Maraqlıdır ki, 20 –ci əsrdə bu fikirlər təsdiq olundu və Günəşin və
digər kosmik cisimlərin səsi maqnitofona yazıldı). Miqdar təklərin birliyidir. Tək,
vahidlik, bir, bütün varlığın əsasında durub. Səs, işıq və maddələrin əsası təklərin
çoxluğudur. ( BEKM 2002) Elə həmin zaman Pifaqorun xəbəri olmadan sıfır rəqəmi (1-
9 a qədər rəqəmləri artıq yaradılmışdı ) Hindistanda kəşv edildi və bu daş üzərində həkk
olunan yazıda qalmışdır.
Pifaqorun fikirlərini Mendeleyevin kimyəvi elementlər cədvəli sübut etdi. İşıq, kvant,
dalğa nəzəriyyəsi də işığın, səsin dalğa olması və fotonlardan – kvantlardan, onların isə
bölünməz elementar zərrəciklərdən olduğu müəyyən edildi. Atomun bölünməsi və nüvə
tədqiqatları da sübut etdi ki, materiyanın əsasında bölünməz elementar neytrino, foton,
nuklon, pozitron, mezon, qraviton və s. hissəciklər durur. Lakin bəzi zərrəciklər digərinə
çevrilə bilir və bəziləri yeni zərrəciklərə bölünə bilir ( Novikov 1983).
Fizikanın qanunları, habelə müəyyən etdi ki, hər şey nisbi müvazinətdədir. Yəni
sükunətdə və ya bərabərsürətli hərəkətdə olan cismə təsir edən qüvvələrin cəmi sıfra
bərabərdir. ( Sıfır rəqəmi kəşv olunmasaydı, yəqin ki, belə fikir söyləmək çətin olardı).
Eynşteynin Nisbilik qanunu bildirdi ki, sükunət və bərabərsürətli hərəkət də nisbidir,
universal zaman və məkanda bunu müəyyən etmək üçün bir üsul və qayda yoxdur. Təsir
əks təsirə bərabərdir (Nyutonun qanunu) Hər şey stabil və sərfəli vəziyyətdə olmaqa - ən
az enerji itirməyə çalışır - bunu hər şeyin universal və çox faydalı qanunu - rasionallıq
qanunu və həyatın əsas qanunu hesab etmək olar.
Lakin biz fizikanın qanunlarından əlavə hər şey üçün daha ümumi qanunları, başqa
sözlə, fəlsəfi məna daşıyan qanunları, prinsipləri, əlaqə və asılılıqları qeyd edəcəyik.
Məqsəd şeylərin və hadisələrin ümumi tərkibini və dəyişməsini tapmaqdır. Başqa sözlə,
təbiətin bir sahəsində olan qanun digər sahədə necə özünü göstərir və ya analoqu
necədir?. Belə bir məqsədi və ümumi izahı hələ elm qarşısına qoymayıb. Məsələn, işığın
difraksiyasıvə ya maye və qazların dar və geniş yerdən keçərkən sürət temperaturunun
dəyişməsi qanunun cəmiyyətdə analoqu nədir? Və ya naqildən elektrik cərəyanı
keçərkən onda elektromaqnit hadisəsinin yaranmasının biologiyada zoologiyada,
insanda, cəmiyyətdə analoqu nədir? Çox yaxşı olardı ki, bütün elm sahələrində
qanunların siyahısını tutub eyniliklər, analoqiyalar tapılsın. Bu insan fəaliyyəti, cəmiyyət
və idarəetmə üçün, habelə yeni kəşvlər üçün çox faydalı olaraq bilik xəzinəsini
genişləndirərdi və insanın özünü, mühiti dərk etməsini artırardı. Sözsüz, texniki –
pnevmatik, elektrik, hidravlik, rabitə, komputer sistemlərində anoloji funksiyaları yerinə
yetirən oxşar qurğular vardır və nəticədə sistem yüksək etibarlığa və fuksional iş
qabiliyyətinə malik olur. Lakin ictimai idarə sistemi humanitar elmlərin geri qalmasına və
siyasi qrupların eqoist təsiriniə görə belə qabiliyyətə malik olmur, çünki ictimai sistem
hakim eqoist qrupa xidmət etmək üçün konstruksiya edilir. Şübhəsiz, digər əhali qrupları
bu sistemdə özləri üçün də yaxşı həyat imkanı, ədalət və düzlük axtardıqda onu
görmürlər – bu, sözsüz, yoxdur - hamı üçün nəzərdə tutulmamışdır.
Dünyanın və şeylərin tərkibi və strukturu
Kainatın, görsənən və görsənməyən şeylərin, əşya və cisimlərin müxtəlif baxışlardan
ümümi strukturu təsvir edilmişdir. Bəzi baxışlara görə varlıq 7 növ ierarxik bölümə
26
bölünür. Belə bölüm də skeptiklərin tələblərinə cavab vermir. Materializm dünyanı qaz ,
maye , bərk və plazma halda olan maddəyə və sahəyə bölür və yalnız bunlarla işləyir.
Halbuki bunlar bütün reallığı əks etdirmir. Varlıq ibarətdir: obyektiv reallığı əks etdirən
materiya , canlı materiyanın bioloji sahəsi və onun ən mürəkkəb formasından yaranan,
lakin insana məlum material xassələrini itirən və müəyyən zamanlarda formasına
qayıdan, başqa sözlə, forma kimi görünən forma - xəyaldan.
Beləliklə, reallığın aşağıdakı daha aydın ieararxik pillələr üzrə bölümünü təklif
edirəm:
1. İlk başlanğıc pillə- zərrəciklər( yüngül və ağır neytrino, antineytrino, qraviton,
antiqraviton, pozitron, antipozitron və digərləri: məlum və naməlum)
2. Zərrəciklərdən yaranan dalğalar(şüalar): radio, işıq, rengten və s.
3. Zərrəciklərdən yaranan atomun hissələri: proton neytron elektron . atom və
maddə: qaz, bərk, maye və plazma halında
4. Maddənin və zərrəciyin yaratdığı sahə: maqnit, elektromaqnit, qravitasiya ,
5. Canlı materiya (bitki və heyvanlar, insanlar; böyümə xassələrinə malik vahid
hüceyrələrdən xüsusi qaydada təşkil olunur).
6. Bioloji sahə - canlı materiya, canlı hüceyrə tərəfindən yaranır.
7. İnsandan , habelə heyvandan və ya kollektiv fəaliyyətdən (yığıncaq, məclis, oyun
və s.) ayrılan onun olduğu formada xəyalının və prosesin forma - xəyali
(energetik kodu).
Zərrəcik və ondan formalaşan bütün kombunasiyalar materiya adlanır. Zərrəciyin
materiya olub olmaması mübahisələri hələ qalır.
Energetik forma –xəyal
Varlığın 7-ci növü və ya pilləsi daha az öyrənildiyindən
və çox mübahisəli olduğundan
bu kitabda onun faktlara əsaslanmış bəzi natamam təsvirini verirəm. Energetik forma –
xəyal analayışı şərtidir. Bu anlayışın tarixi sinonimləri hələ 2500 il əvvəl Hindistan, Çin
fəlsəfəsində məlum olan İncə materiya və yaxud incə dünya anlayışıdır. Digər oxşar
anlayışlar Orta Şərq dinlərinin təsvir etdiyi ruhlar, mələklər şeytanlar, cinlər, Allahlar,
ilahi qüvvələr, gözə görünməzlərdir. Elmin öyrənmədiyi və buna görə qəbul etmədiyi,
lakin obyektiv reallıqdır. Elmin kənarda durmasına görə müxtəlif dini idealist
cərəyanlar, dini təlimlər , şarlatanlar, falçılar bu mövzunu aktiv istismar edir, şəxsi qazanc
və siyasət vasitəsi, insanların şüuru üzərində hökmranlıq vasitəsi kimi istifadə edirlər.
Məsələnin müəmmalığı və hər adam üçün deyil, ancaq müəyyən parametrli adamlar üçün
aşkar olması və qorxu ilə əlaqədar olması, elmi, onu öyrənməkdən saxlayır. Bu isə
bəşəriyyətin effektiv quruluşu və idarə olunmasına, insanların müxtəlif inanc qruplarına
bölünməsinə, nəticədə dünyada sülhün yaranmasına xeyli mane olur. Bu belə olur ki,
məsələni mistikləşdirən və bütün insanların düzgün anlamasından onu yayındıran
qüvvələr məhz bu məsələni vasitə edərək, şüurlara səhv izahatlar yeridərək, insanları bir -
birinə düşmən ideoloji hissələrə ayırır. Hər siyasi – dini qrup bu görünməz varlıqlardan
birinə öz dilində Allah adı verərək özünün guya ondan aldığı müstəsna səlahiyyətlərini
elan edir; insanları onların Allah tərəfindən vəhylə(yəni intuisiya) verilən sözünə,
şüuruna, ağlına tabe olması və idarə hakimiyyətinə və maddi rifah halının daha üstün
təmin etməyə məcbur edirlər. Dünyanın rasional nəzəriyyəsi dini xadimlər tərəfindən irəli
sürülən bu uydurma iddiaları darmadağın edir.