52
kövşənin sahədə qalması və səthi becərmə onun təkrar inkişafı üçün
əlverişli şərait yaradır.
Kökçürümə xəstəliklərinə qarşı davamlı sortların seçilməsi
praktiki cəhətdən böyük əhəmiyyətə malikdir. Qeyd etmək lazım-
dırki, bu xəstəliklərə qarşı tam davamlı sortlar məlum deyil, lakin
nisbi davamlılığı olan sortlar mövcuddur. Azərbaycan şəraitində ra-
yonlaşmış «Əkinçi-84», «Mirbəşir-128», perspektivli «Ruzi» və di-
gər sort nümunələri kökçürüməyə qarşı nisbi davamlılığa malikdir.
Şəki-Zaqatala bölgəsində kökçürüməsinin inkişafına stimul
verən əsas amillərdən biri də, təbii yağıntıların çox düşməsi ilə əla-
qədar bir çox taxıl alaqlarının, xüsusilə də yabanı vələmir, türpəng
və qamışın güclü yayılmasıdır. Bu alaqlara qarşı Lintur (150-180
qr/ha) və Topik (300-350 qr/ha) preparatlarının hər ikisi eyni vaxta
qarışdırdıqdan sonra 250 litr suda (1 hektar üçün) həll edib, çiləmə
aparılmalıdır. Çiləmə havanın temperaturu 10°C olduqda aparılır.
Çiləmədən sonra 2 saat müddətində yağış düşməzsə, tədbir baş tut-
muş hesab edilir. Artıq qeyd etdiyimiz kimi, kökçürüməsi xəstəliyi
həm də toxum vasitəsilə (Ofiobolus müstəsna olmaqla) yayılır. Ona
görədə xəstəliklərə qarşı toxum materialının dərmanlanması ən zər-
uri tədbirlərdən biri hesab edilir. Bunun üçün 75%-li Vitavaks 200
(3 kq/t), 6%-li Raksil (0,5 l/t), 3%-li Dvidend (2 l/t) preparatla-
rından istifadə olunur. Dərmanın hər bir işlədilən zaman qeyd edilən
normalarda 8-10 litr su əlavə edilməlidir.
Bitkilərin vegetasiyası dövründə xəstəlik müşahidə edilərsə,
50%-li Benlat (0,3-0,6 kq/ha), 50%-li Fundazol (2-3 kq/ha) prepa-
ratlarından biri ilə çiləmə (hektara 250-300 litr su götürülür) aparıl-
malıdır.
Buğdanın bakterial xəstəlikləri
Qara ləkəli bakterioz
Törədicisi Xanthomonas translucens Dawson təsnifata görə
Protebacteria şöbəsinin Gamma Proteobateria sinifinin , Xantho-
53
monadales sırasının, Xanthomonadaceae fəsiləsinin, Xanthomonas
cinsinin nümayindəsidir. Arpa bitkisi də bu xəstəliyə tutulur. Xəs-
təliyə bitkinin bütün yerüstü orqanlarında: yarpaq, gövdə, sünbül və
dənində təsadüf olunur. Buğdanın xəstəliyə tutulmuş yarpaq və
gövdəsi üzərində əmələ gələn xırda, sulu ləkələr getdikcə böyüyərək
qara-qonur rəngli iri ləkələrə çevrilir. Xəstəliyin xarekterik əlaməti
sünbül pulcuqlarının uc hissəsinin, bəzən də bütün pulcuğun və
qılçıqların qaralmasıdır. Xəstəliyin güclü yayılması zamanı sünbü-
lün bütün hissəsi tam qaraldığı üçün xəstəlik qara bakterioz adı
almışdır. Xəstə sünbüllərdə çox yüngül dənlər əmələ gəlir ki, bəzən
dən də bakterial ekssudatın qurulması nəticəsində sarı lentvarı
ləkələr müşahidə edilir.
Bakteriyanın inkişafı üçün 20-30°C temperatur optimal hesab
olunur, 50°C-də tələf olur.
Bakteriyaların bitkidən-bitkiyə sirayətlənməsi bir damla yağış,
həşəratlar bəzən də külək vasitəsilə (xəstə sünbüllərin bir-birinə
dəyməsi) yayılır. Rütubətli illərdə bakteriyanın inkişafı və kütləvi
yayılma imkanı daha yüksək olur.
Bitki qalıqları çürüyəndə onlardakı bakteriyalar da tələf olur.
Bakteriya ilə xəstələnmiş toxumları səpdikdə onun bir hissəsi tələf
olsa da, bir hissəsi sağ qalır. Ancaq sağ qalmış bitkilərin qidalanma
sistemində diffuz şəkildə yayılmış bakteriyalar sonrakı inkişafda
onların tələf olmasına səbəb olur.
Vegetasiya dövründə bitki cücərtilərinin tələf olması, xəstəliyin
təsiri nəticəsində yarpaq səthinin kiçilməsi, tənəffüs və buxarlanma-
nın artması nəticəsində bitkinin çox enerji sərf etməsi, taxılın mə-
hsuldarlığının aşağı düşməsinə öz təsirini göstərir. Qeyd olunan fak-
torlar nəticəsində məhsuldarlığa dəyən ziyanla yanaşı, həm də əldə
olunmuş məhsulun keyfiyyətidə olduqca aşağı düşür. Qara ləkəli
bakterioz xəstəliyinə Azərbaycanda çox az hallarda dağətəyi və
dağlıq bölgələrdə (Şəki-Zaqatala, Quba, Qusar, Şamaxı) təsadüf
olunur (Şəkil 9).
54
Bakterial qonur ləkəlik
Törədicisi Pseudomonas aurofaciens Stapp. Bakteriyasıdır və
təsnifata görə Protebacteria şöbəsinin Gamma Proteobateria
sinifinin , Pseudomonadales sırasının, Pseudomonadaceae fəsilə-
sinin, Pseudomonas cinsinin nümayindəsidir. Xəstəliyə ən çox buğ-
da və çovdar, bəzi hallarda vələmir bitkiləri də sirayətlənirlər. Xəs-
təliyin əlamətləri bitkilərin yarpaq, gövdə və dənlərində müşahidə
edilir. Yarpaqlarda əvvəlcə sulu, daha sonra isə qonur ləkələr əmələ
gəlir, sünbül və sünbül pulcuqlarının əsası (sünbülcüklərin sünbül
oxuna birləşdiyi yer) və dənin rüşeymi tamamilə qaralır. Bitkilərin
güclü sirayətlənməsi gövdələrin qısa qalması, yarpaqların quruması,
koleoptilanın qaralması və dənin çəhrayı rəng alması ilə xarakterizə
olunur (Şəkil 10).
Bakteriya 2-37°C temperaturda inkişaf edə bilir, optimal tem-
peratur isə 25-27°C-dir. 48-50°C də 10 dəqiqə müddətində tələf
olur. Günəş şüasına həssas, soyuğa nisbətən davamlıdır. Bazal bak-
terioz temperaturun aşağı, nisbi rütubətin yüksək olduğu illərdə
daha geniş yayılır.
Bakterioz xəstəliyinin vurduğu ziyan onun inkişafı ilə bağlıdır.
İnkişafı zəif olduqda ziyanda aşağı səviyyədə olur. Azərbaycanda
yayılması qeydə alınsa da kütləvi xarakter daşımır.
Mübarizə tədbirləri. Bakterial xəstəliklərin törədicisi ilə sira-
yətlənmiş əkin sahəsinə 2-3 il taxıl əkilməsinə yol verilməməlidir.
Yoluxmuş əkin sahələri taxıl yığımı zamanı axırda biçilməlidir.
Cari ildə səpin aparılacaq əkin sahələri keçən il bakteriyalarla güclü
yoluxmuş taxıl sahələrindən 300-500 metr aralıda olmalı, xəstə-
liklərə davamlı sələflərin seçilməsinə xüsusi diqqət yetirilməlidir.
Məhsul yığıldıqdan sonra bitki qalıqlarının sahədən təmizlən-
məli, dərin şum aparılmalıdır, kalium və fosfor tərkibli mineral
gübrələrin səpinqabağı şum altına verilməlidir.
Bakterial xəstəlikləri yayan sorucu həşaratlara qarşı inseksid-
lərdən (Bi-58, Desis, Hekolan və s.) istifadə olunmalıdır. Toxum
materialının Raksil preparatı ilə dərmanlanması səmərəlidir.
Dostları ilə paylaş: |