Fəsil 2. BƏDXASSƏLİ ŞİŞLƏRİN DİAQNOSTİKASI
55
• Ts
99
– baş beynin, sümüklərin, qalxanabənzər və ağız
suyu vəzi-
lərinin şişləri
• İ
131
– qalxanabənzər vəzi xərçəngi və onun regionar və uzaq me-
tastazları
• P
32
– orbitanin şişləri, melanoma
• Se
75
– qalxanabənzərətraf vəzin şişləri
• In
113
– bədxassəli limfomalar,
yumşaq toxuma şişləri
Limfa düyünlərinin metastatik zədələnmələrinin müəyyən edilməsində ən
çox Ts
99
, Ca
67
-dən istifadə olunur. Tc
99
istifadə zamanı metastazla zədələnmiş
limfa düyünləri radionuklidi özündə toplamır (neqativ ssintiqrafiya), ona görə
də metastatik limfa düyünləri intakt limfa düyünlərindən fərqli olaraq ssintiq-
rammada görünmür. Ca
67
istifadə zamanı isə əksinə, radionuklid metastatik
düyünlər tərəfindən udulur, nəticədə onlar ssintiqrammada daha yaxşı seçilirlər
(pozitiv ssintiqrafiya). Radionuklid müayinənin əsas vəzifələri aşağıdakılardır:
− bədxassəli şişlərin diaqnostikası
− şişin yayılma dərəcəsinin
qiymətləndirilməsi
− müalicənin planlaşdırılması məqsədi ilə müxtəlif orqan və sistem-
lərin funksional vəziyyətinin öyrənilməsi
− müalicənin effektivliyinin qiymətləndirilməsi
Onkologiyada radionuklid diaqnostikanın «in vivo» (RFP xəstənin or-
qanizminə yeridilir) və ya «in vitro» (RFP xəstədən götürülmüş bioloji mate-
rialla (qan, sidik, bioptatla reaksiyası) olmaqla aşağıdakı metodları ayırd edilir.
•
Radiometriya və ya radioqrafiya
orqan və ya sistemlərin funk-
sional vəziyyətinin nisbi və ya mütləq say göstəricilərinin (əyri
xəttlərin) alınması yolu ilə müəyyən edilməsi prinsipinə əsaslanır.
Bunun üçün radiometrlərdən (radioqraflar) istifadə olunur.
•
Skanerləşdirmə və ya ssintiqrafiya
– RFP orqanizmə yeridilməsi
(vena daxilinə və ya müayinə olunan orqanın selikli qişasının altına)
və radionuklidin parçalanması zamanı alınan şüalanmanın qeydiy-
yatı vasitəsi ilə müayinə olunan orqanın təsvirinin alınmasına
əsaslanır. Təsvirin alınması üçün skanerlərdən (skanerləşdirmə) və
qamma kameralardan (ssintiqrafiya) istifadə olunur [şəkil 2.4].
Alınan təsvirlərdə müayinə olunan orqanın forması, ölçüləri, topoq-
rafiyası, funksional aktivliyi haqqında məlumatlar toplanılır.
•
Radioimmunoanaliz (RİA) və ya immunossintiqrafiya «in vitro»
radiodiaqnostika metodu olub radioaktiv izotoplarla nişanlaşmış bir-
ləşmələrin (monoklonal antitellər) xəstədən götürülmüş şiş toxuma-
sı (şiş hüceyrələrinin membranındakı antigenlər)
ilə laborator şərait-
də aparılan antitel–antigen reaksiyasına əsaslanır.
BAŞ-BOYUN ŞİŞLƏRİ
56
Şəkil 2.4. Qamma kamera
•
Radionuklid emission tomoqrafiya istənilən tomoqrafiya növü
kimi müayinə olunan orqanın qat-qat müayinəsinə əsaslanır. Radio-
nuklid emission tomoqraflar bir fotonlu emission kompüter tomoq-
rafiya (BEKT) və iki fotonlu-pozitron emisson tomoqrafiya olmaqla
iki yerə bölünür. Onkoloji praktikada pozitron
emission tomoqrafi-
yadan istifadə olunur.
Pozitron emission tomoqrafiya (PET) radionuklid diaqnostikanın
müasir metodu olub qısa yarımdağılma dövrünə malik radioaktiv preparatlarla
nişanlanmış kimyəvi birləşmələrdən istifadəyə əsaslanır [şəkil 2.5]. PET za-
manı insanın bədəninə yeridilən RFP dağılması pozitron şüalanmya səbəb olur
və onun tədqiq olunan orqanın elektronları ilə toqquşması nəticəsində qamma
kvantlar əmələ gəlir. PET skaner əmələ gələn bu qamma kvantları qeydiyyata
alır və təsvirə çevirir.
KT və MRT-dən fərqli olaraq PET orqan və toxumaların topoqrafo-ana-
tomik xüsusiyyətlərin öyrənilməsi üçün deyil, onların
funksional aktivliyinin
diaqnostikası üçün istifadə olunur. PET həmçinin «funksional tomoqrafiya» da
adlandırılır. Nəzəri olaraq PET köməyi ilə orqanizmdə baş verən istənilən
funksional prosesi tədqiq etmək olar. Bunun üçün tək vacib olan şərt tədqiqat
obyekti olan metabolik funksiyada aktiv iştirak edən, radionuklidlə nişanlanmış
kimyəvi birləşmənin seçilməsidir.
PET vasitəsi ilə onkoloji xəstəliklərin diaqnostikasında RFP kimi radio-
aktiv F ilə nişanlanmış qlükoza hissəciklərindən – 18F flüordezoksiglucoza
(FDQ) istifadə olunur. Şiş hüceyrələri radioaktiv qlükozanı normal
toxumalara
nisbətən daha aktiv toplayır. Nişanlanmış qlükozanın orqanizmdə paylanması
Fəsil 2. BƏDXASSƏLİ ŞİŞLƏRİN DİAQNOSTİKASI
57
əsasında PET nəticələri müəyyən edilir. Praktiki təbabətdə bu metoddan
müxtəlif onkoloji xəstəliklərin diaqnostikasında istifadə olunur. RET baş-
boyun nahiyəsində ağız boşluğu, qalxanabənzər vəzi xərçənginin, residiv
şişlərin, həmçinin boynun regionar metastazlarının diaqnostikasında yüksək
effektivliyə malikdir. PET vasitəsi ilə yüksək dəqiqliklə kliniki əlamətləri ol-
mayan, ölçüsü 1 sm-ə qədər
olan şişləri aşkar etmək, həmçinin xoşxassəli şiş-
ləri bədxassəli şişlərdən diferensiasiya etmək olar.
PET həmçinin müalicənin effektivliyinin monitorinqini aparmağa – şüa
və kimyəvi müalicənin effektivliyini qiymətləndirməyə imkan verir. Belə ki,
müalicənin effektivliyi təqdirində şiş hüceyrəsi tərəfində qlükozanın istifadəsi
səviyyəsi azalır.
Öz-özlüyündə PET RFP toplanmasının dəqiq lokalizasiyasının müəyyən
etməyə imkan vermir. Bu səbəbdən onu KT ilə birgə istifadə edirlər. Belə ki,
KT tədqiq olunan nahiyənin dəqiq anatomik şəklini verir, PET vasitəsi ilə isə
həmin orqanda tədqiq olunan funksional prosesin (məsələn şiş prosesinin) ol-
ması müəyyən edilir. Bu müayinə PET-KT adlanır
və onkoloji xəstəliklərin di-
aqnostikasında son illərdə geniş istfiadə olunmağa başlamışdır [şəkil 2.6].
RET-KT müayinəsi hətta ən kiçik ölçülü şiş prosesini aşkar etməyə və şişin
dəqiq lokalizasiyasını müəyyənləşdirməyə imkan verir. Müayinəyə əks gösəriş
hamiləlikdir. Müayinədən əvvəl 6 saat müddətində qida qəbul edilməməlidir,
belə ki, qida qəbulu radioaktiv qlükozanın orqanizmdə paylanması prosesində
dəyişikliklərə və müayinənin nəticələrinin qiymətləndirilməsində səhvlərə
gətirib çıxara bilər.
Şəkil 2.5. Pozitron emission tomoqraf