_________________Milli Kitabxana
________________
109
İbadət, insan yaşamının bütünlüklə uyum-ahəng üzərində qurulmasını tələb
edir; başqa sözlə, ibadət — həyatın ona tabe tutulmasını istəyir.
***
Var gücünlə qaça-qaça (lap elə sadəcə: qaça-qaça) balanla, körpə ilə anlaşa,
nəvazişləşə bilməzsən.
***
Qaça-qaça ağsaqqalla, ağbirçəklə, sevgilinlə, Dağlarınla, Düzlərinlə,
Göylərinlə, Çaylarınla da anlaşa,
sevişə bilməzsən, çünki bunların da hamısının
əslləri körpə xislətlidir.
***
Həyatın əsl ritmi — körpədə görünənidir; sən körpəni heç bir əslsizlikdə, heç
bir qondarmaçılıqda qınaya bilməzsən.
***
Deməli, həyatın əsl ritmi — ruhanidir.
***
Həyatı əslliyə qaytarmadan, əsllik üzərində qurmadan ibadətçilik etmək —
yalana uymaqdır, ən yaxşı halda istər-istəməz, zorən yalançılıqdır.
***
Minimal əmək, minimal məişət, minimal
iqtisadiyyat prinsipləri
gerçəkləşməyincə (heç olmasa şəxsin həyatında) — ibadətçilik qondarma
çıxacaq, qondarma görünəcək, qondarmaçılıq yaradacaq və əsl ibadətçi xislətli
insanlara əzab verəcək.
***
İbadət — mərasim siqlətli yaşamağın əlamətlərindən biridir, müqəddəslik
izharıdır.
***
Deməli, həyat ibadətləşə bilər, mərasimləşə bilər, onda bu imkan var.
***
Həyat özünü yalnız ibadət üstə, yalnız mərasim üstə tam dolğunluğuyla tanıyır,
dərk edir.
***
Həyatımız yalnız ibadət üstə, yalnız mərasim üstə kökləndiyi dərəcədə —
bizimdir, bizimkidir, bizə doğmadır.
***
Mərasimimiz, ibadətimiz həyat
üstə qurulduğu, kökləndiyi dərəcədə
qondarmalaşır, yalanlaşır, çünki anlamını itirir.
***
İbadət — Buddaçıların, İndusçuların, Musaçıların, İsaçıların — dualar
oxuması, İslamda — namazlar, Asif Ata İnamında — Mütləqlə Təmaslar,
Ataya Ricalar...
_________________Milli Kitabxana
________________
110
***
İbadət məqamıyla ibadətlər arası müddət, mərasim anıyla mərasimlər
arasındakı məsafə, müddət — eyni boyalı, eyni ziyalı, eyni həyalı olmalı, alınan
nəfəs eyni havalı olmalıdır; başqa cür olanda ibadət qondarmalaşır, mərasim
yalanlaşır, əsllərə əzab verir.
***
Qurtararmı əsllər əzabdan?! Qurtulaydılar kaş!
***
Uca Anlam diləklə bəlirlənir, biliklə biçimlənir, hünərlə gerçəkləşir.
***
Əlləş, vuruş, ey Varlığım, yenilmə Yoxluqlara!
***
Atamız var olsun!
4 Xəzan 22- il. (2 oktyabr 2000).
TİKAN ÜSTƏ YERİMƏK
(Haray)
Əski, bəlkə də əzəli (və əbədi?) qayğıymış!.. Budda öz Övladları — öyrənciləri
haqqında deyir: “Hətta indi, mən hələ həyatda ikən bhikkhular bir-birinə sayğı
göstərmirlər, mən bu dünyanı tərk edəndən sonra onlar nə işlərdən
çıxacaqlar?!” (“Kəklik haqqında söyləm” — cataka-pritça).
***
Asif Atanın Mütləqə İnam Ocağında — Tikan üstə yeriyən kimiyəm, çünki
burada hamı bir-birini sancır. Bu sancının ağrısıyla qarnım doludur.
***
Ocaq öz içindən idarə olunmasa, qıraqdan idarə olunacaq — gözə görünmədən
və ya görünməklə.
***
Özündən idarə olunmaq — yaşamaqdır; qıraqdan idarə olunmaq — ən yaxşı
halda mövcud olmaqdır — imperiya içindəki Azərbaycan kimi.
***
Asif Atanın Mütləqə İnam Ocağında Soylu — Göylərə doğru can atır, böyüyür;
Ötkün — dərinlərə doğru can atır, böyüyür; “İşıq” Ailəsi —
üfüqlərə doğru can
atır, böyüyür.
***
_________________Milli Kitabxana
________________
111
Hər üç yönümüz — Sonsuzluğa doğrudur.
***
Mütləqə İnamın Atasına: 1) Soylunun baxışı — dinçilik qətiyyəti çalarındadır;
2) Ötkünün baxışı — ruhani-fəlsəfi çalardadır; 3) “İşıq” Ailəsinin baxışı —
qarışıq çalardadır — dinçiliklə elmçilik arasında.
***
Ruhani o şəxsdir ki, əli ətəklərdən üzülsə də, öz ətəyindən əlləri kəsmir.
***
Soyluya (Amaldaşa) qarşı söz demək — Ocağa qarşı söz deməkdir.
***
“Soyluya (Amaldaşa) tapınıram” demək Ocağa qarşı söz deməkdir. Soylunun
(Amaldaşın) əlini öpmək — Ocağa qarşı yeriməkdir.
***
Amaldaşa əlini öpdürmək — Ataya qarşı, Ocağa qarşı çıxmaqdır.
***
Ötkünə (Amaldaşa) qarşı söz demək — Ocağa qarşı söz deməkdir.
***
Ötkünə (Amaldaşa) tapınmaq — Ocağa qarşı tövr almaqdır. Ötkünün
(Amaldaşın) ağzından asılı qalmaq, əlini ağdan qaraya vurmamaq —
Ocaqçılığını itirməkdir.
***
Tapınağımız birdir, bircədir və O — İnam Atadır (Asif Atadır) — əzəli, əbədi.
***
Ataya ortaqlar qoşmaq — Ocaqdan ayrılmaqdır.
***
“İşıq” Ailəsinə qarşı söz demək — Ocağa qarşı söz deməkdir.
***
Dəstəbazlıq — Ocaq əməli deyil. Böyüyü eşitməmək — başıpozuqluq
becərməkdir. Başıpozuqlar yığnağı “dəstə” adlana bilər, “Ocaq” adlana bilməz.
***
Daim “özgəni”, başqasını döymək varsa — Özüylədöyüş yoxdur. (Hər üç
yönümüzə aiddir).
***
“Özgədə”, başqasında özünü görməmək varsa — ruhani, insani gözlülük
yoxdur. (Hər üç yönümüzə aiddir).
***
Suçu öldürə bilməmək — ruhani iqtidarsızlıqdır.
***
Suçun ölümünə inamsızlıq varsa — insana inam yoxdur.
***
Suça güzəşt — ruhani təslimçilikdir. Ancaq həm də: