|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 40/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
Qoy ağ çiçəkləri düzüm saçına,
Qarışsın saçının ağı güllərə.
Ana gözlərində bulud görməyim,
Qəmi yaza dönsün, ahı güllərə.
Təkcə analar ağlamasın,
Zirvəmdi, qoymayın onu çən alsın.
Al- qumaş geysə də ona yaraşmaz,
Ananın paltarı sevincdən olsun.
Təkcə analar ağlamasın,
Ana kədərinə dözə bilmirəm…
ANAMIN DUASI
Orda, zirvələrin qonşuluğunda,
Duman işığında, ay işığında,
İnamdan yuxarı, dindən yuxarı,
Arzumdan yuxarı, məndən yuxarı
Anam od üstündə dua oxuyur,
Anam su üstündə dua oxuyur.
Məni tilsimləyir bu uzaqlıqdan,
Onun pıçıltısı haraydı, ahdı.
Xəstələnmək olmur, dərd çəkmək olmur,
Ürəyinə damar, vallah, günahdı…
Daha səfərlərə çıxan deyiləm,
Yollarım anamın ömür yumağı.
Ömrünü dünyaya səpələmişəm.
Soyuq ürəklərin nazına dözüb
Ana ürəyinə köz ələmişəm.
Dünya yollarına su çiləməkdən
Mənim ağ buludum yağışa dönür.
Anam tanrıya da dua oxuyur,
Anam özü boyda alqışa dönür.
Çölün çiçəyi də ana payıdır,
Zirvədə ağaran qar- qışındandır.
Qürbət yollarında rahatlıq görsən,
İnan ki, ananın alqışındandır.
Tanrı təkliyilə öyünə bilməz,
O özü tanrımı qoşa yaratmış.
Туркестанская Библиотека - www.turklib.ru – Turkistan Library
Gözə görünməkdən məhrum olan kəs
Dünyaya anamın cildində gəlmiş…
Mənim ayaqlarım yollarda qabar,
Qabarlı əliylə corab toxuyur.
Xəyanət odundan, böhtan selindən,
Hava yollarından, su yollarından
Bizi qorumağa, hifz eləməyə
Anam yer üzünə dua oxuyur,
Anam göy üzünə dua oxuyur.
Dünyaya bir dəstə oğul- qız verən
Təkcə, öz- özünə, dua oxuyur…
SƏYAVUŞ SƏRXANLI
ANA
Vuruldum Vətənə ana adında,
Ömrümün gecəsi- gündüzü ana!
Həyat dediyimiz kainatın da
İlk sözü anadı,son sözü ana.
Ana- ilk məhəbbət sözü kimidir,
Safdır hər niyyəti, hər arzusu da.
Ana- təbiətin özü kimidir,
Bir əli oddadır, bir əli suda.
Ana məktəbini keçməyən həyat
Özünə bir ömür qazana bilməz.
Bir ana kölgəsi düşməyən həyət
Yüz ocaq yansa da, qızına bilməz.
Ata- əkinçisə, anadı- torpaq,
Sinəsi güllüdü, gülüstanlıdı.
Köçər nağıllara o çıraq- çıraq,
Hər aylı gecəsi yüz dastanlıdı.
Çəmənlə yeriyən çaylarla axan
Ana nəfəsidi, ana nəfəsi.
Hərbin top- tüfəngli gözündən baxan
Ana naləsidi, ana naləsi.
Çəkər yuxusuna savaşlar kimi
Qəbri qürbət eldə itənləri o.
Yollar qırağında ağaclar kimi
Туркестанская Библиотека - www.turklib.ru – Turkistan Library
Göyərib gözləyər gedənləri o.
Səbri ondan alıb dağım- daşım da,
Can verib yurdumun ocaqlarına.
O, sac qırağında, təndir başında
Qəlbini bölübdü qonaqlarına.
Laylaya güvənib çətində- darda,
Beşiyi bəşərin şah əsəridir.
Bütün muğamlar da, simfoniyalar da
Layla ağacının meyvələridir!
Yer üzü, göy üzü borana düşsə,
Həyatın közərən közüdü ana.
Göylərin güləyən gözü günəşsə,
Yerlərin ağlağan gözüdü ana.
Bir dünya asılıb hər ağ telindən,
Yeri göz üstündə görünməlidir.
Bəşər ömür alıb ana əlindən,
Ana əhdinə də bürünməlidir.
Odur ər arxası, min ev dirəyi,
Hər arzu, əməli günəşə baxar.
Yüz xəzan gəlsə də, ana ürəyi
Həmişəbahardı, həmişəbahar!
Qızlar eşq badəsi içməzdən əvvəl
Ana əllərindən su içsin gərək.
Bir evdən bir evə köçməzdən əvvəl
Öyüddən- öyüdə yol keçsin gərək.
Səpər sovqatını bağça- bağ kimi,
Günəşdi evlərin yaxasında o.
Qocalıb, əssə də bir yarpaq kimi,
Dağdı dünyamızın arxasında o!
Bir canlı tarixdi, bir canlı əsər,
Qızıldan qiymətli hər kəlməsidir.
İnsanlıq yolunda oğullar- əsgər,
Ana- sərkərdələr sərkərdəsidir.
Bu sözü ən şirin dilim deyibdi,
Dayan qulluğunda, xoş halın olsun.
Dostları ilə paylaş: |
|
|