|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 41/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
Mənə qələm verən elim deyibdi:
Ana südün kimi halalın olsun!
Şairlər şerini qınasın bir az,
Borcludu önündə o saf niyyətin.
Dahilər yerini tanısın bir az,
Anadı dahisi əbədiyyətin…
ANA SÜDÜ
Haçansa
Kəhkəşan parçası kimi,
Süd buğumlu əkin havası kimi
İçmişəm onu.
Durna qatarının qəribsayağı
Harayları kimi, avazı kimi,
Dənli zəmilərin laylası kimi
İçmişəm onu.
Bir döş giləsində-
Həyat qönçəsi,
Ömür addımları, zülmət qırımı.
Ağ süd-
Ürəyimin ağ şəlaləsi,
Ağ süd-
Ürəyimin ağ ildırımı!
Süd- ilkin sevincim, ilkin qubarım,
Süd- körpə ömrümün dümağ yelkəni.
O nur qanadlarım, süd qanadlarım
Süd rəngli yollara çağırıb məni.
Laylanın ağ rəngli barmaqlarıyla
Kədərli dünyamı soyunmuşam mən.
Ana döşlərinin şırnaqlarıyla
Uşaq yuxusundan oyanmışam mən.
O süd günəş olub göydə alışır,
O süd çaya dönüb çıxır qarşıma.
O süd günə hopur, ilə qarışır
Ömür anları tək yağır başıma.
Mənim yaddaşımdan min öyüd axır,
Туркестанская Библиотека - www.turklib.ru – Turkistan Library
Yox, özgə oduna yanmaqmı olar?!
Mənim damarımdan dümağ süd axır,
Eh, ana südünü danmaqmı olar?!
ÇİNGİZ ƏLİOĞLU
ANA
Bir ana borcunu qaytarmaq üçün
Bir ömür yaşamaq az imiş demək…
Bir ana borcunu qaytarmaq üçün
Taledən beş ömür alasan gərək!
Saçımda yaşayır ana sığalı,
Qulağım sözündən tana, sırğalı,
Bir nağıl bilirəm, ana nağılı-
Ana nəvazişli, ana qayğılı.
O nağılın gözəl - gözəl qız gəlini, qız gəlini…
O nağılın əl - ayağı düz gəlini, düz gəlini…
O nağılda gözəllərin gözəli də öz anamdır,
O nağılın şeri də, qəzəli də öz anamdır!
O nağılda küləklərə, tufanlara sinə gərən,
O nağılda kirpiyilə od götürən, qor götürən,
Min əzabla oğul - uşaq, bar yetirən
Mənim anam, mənim anam, öz anamdır…
Boyum da uzundur boyundan sənin,
Bəs niyə sən məndən ucasan, ana?
Bütün səhərlərin sən ən cavanı,
Bütün gecələrdən qocasan, ana!
Ay ana, əlini çəksən torpağa,
Torpağın qarışı qızıla dönər.
Atsan örpəyini quru budağa,
Ağac çiçəkləyər, budaq göyərər…
…Bir ana borcunu qaytarmaq üçün
Bir ömür yaşamaq az imiş demək…
Bir ana borcunu qaytarmaq üçün
Taledən beş ömür alasan gərək!
Туркестанская Библиотека - www.turklib.ru – Turkistan Library
ANAMA
Yanağından sürüşən
O bir gilə göz yaşı
Uçur ardımca mənim.
Payızda, qışda, yazda,
Toyda - düyündə, yasda
Tapır məni göz yaşın.
Kirpiyimə qonur o…
Ay ana, göz yaşınla
Ağlayıram, gülürəm…
O bir gilə yaşı mən
Bu dünyada hər şeydən
Güclü, qadir bilirəm…
RÖVZƏT
ANA
Onun ciyərparası
gözündən uzaq olsa,
könlündən uzaq olmaz.
Ana yenə anadır,
hamıya uzaq olsa,
balaya uzaq olmaz.
Unutmaz övladını,
Övladı unutsa da.
Ana atmaz övladı,
övlad onu atsa da.
Ana tuş olsa əgər
balanın bəlasına,
Yenə ömründən kəsib,
bağışlar balasına.
Çətinə, dara düşsən,
halına yanan olar,
sənə bir yanan olsa,
o da ki, anan olar.
Əyilib beşik üstə
gecələr keşik çəkən,
bu günündən əl çəkib,
Dostları ilə paylaş: |
|
|