Sənaye müəssisələrinin layihələndirilməsini iki (layihə tapşırığı və işçi
çertyojlar) və ya üç mərhələdə (layihə tapşırığı, texniki layihə və işçi çertyojlar)
həyata keçirmək olar.
Üç mərhələdə layihələndirmə yeni, öyrənilməmiş istehsallara və ya mürəkkəb
texnoloji proseslərə malik müəssisələr üçün vacibdir.
Layihə və çertyojlar, standartlara və normativlərə müvafiq şərti işarələri tətbiq
etməklə aydın və dəqiq tərtib edilməlidir. İzahat yazıları aydın və dəqiq
formalaşdırılmaqla müxtəsər və qısa olmalı, illüstrasiyalar (şəkillər), qrafiklər və
bütün digər vacib hesabatlarla təchiz olunmalıdır.
Bütün layihələndirmələr, sifarişçidən daxil olan tapşırıqdan başlanır.
Verilən müəssisənin bu və ya digər rayonda tikilməsinin iqtisadi
məqsədəuyğunluğunu əsaslandıran iqtisadi araşdırmalar, layihələndirmənin növbəti
mərhələsi hesab olunur.
Yeni sənaye müəssisəsi tikintisinin iqtisadi əsaslandırılmasına aşağıdakı
bölmələr daxil edilir:
1. Layihələndirilən müəssisənin tikilmə vacibliyini təyin edən mülahizələr;
2. Tikinti yerinin seçilməsinin əsaslandırılması;
3. Müəssisənin gücünün və illik iş rejiminin əsaslandırılması;
4. İstehsalın texnoloji sxeminin seçilməsi;
5. Müəssisənin rentabelliyi haqqında mülahizələr.
Bir halda ki, iqtisadi araşdırmalar əsasında layihələndirmə tapşırığı
formalaşdırılır, deməli iqtisadi araşdırmalar əsas etibarilə layihələndirməni
qabaqlayır. Lakin uyğun texniki araşdırmalar nəticəsində tikinti meydançasının
seçilməsi həyata keçirilən halda, bəzən ilkin iqtisadi hesabatlarda düzəlişlər aparmaq
vacibliyi meydana çıxır.
Tikinti yerində aparılan iqtisadi araşdırmalar texniki araşdırmalarla bir-birinə
uyğunlaşdırılır. Məsələn, əgər suyun şəhər su kəmərindən və ya enerjinin rayon
elektrik stansiyasından alınma imkanı müəyyən olunmuşdursa, onda dərhal 1m
3
suyun və ya 1kvt·saat elektrik enerjisinin buraxılış qiyməti təyin edilir.
4
Texniki araşdırmalar hər zaman gələcək tikinti yerində aparılmalıdır və onlar
tikintinin mümkünlüyünü təsdiq etməlidir.
Qeyd etmək lazımdır ki, tikinti sahəsinin seçilməsi nəinki layihənin
müvəffəqiyyətli yaradılmasını, habelə gələcək müəssisənin müvəffəqiyyətli
istismarını təyin edən işin vacib mərhələsi hesab edilir.
Texniki araşdırmalardan sonra, birinci mərhələsi layihə tapşırığının işlənilməsi
olan xüsusi layihələndirməyə keçirlər.
Tapşırığın məqsədi – gələcək tikintinin texniki imkanı və iqtisadi
səmərəliliyini üzə çıxarmaq, layihələndirilən müəssisənin xammal, su, elektrik
enerjisi və yanacaqla təchizat mənbələrini düzgün seçməkdir. əsas texnokimyəvi
göstəriciləri təyin etmək və tikintinin dəyərini müəyyənləşdirmək də vacib sayılan
amillərdəndir.
Tikinti layihə – layihə tapşırığı əsasında üçmərhələli layihələndirmə zamanı
işlənilir. Texniki layihəni tərtib edərkən layihə tapşırığında qəbul edilən istehsalın
öyrənilməmiş yeni növ obyektlərə görə texnoloji proseslərini işləyirlər.
İşçi çertyojları, təsdiq edilmiş layihə tapşırığına və ya texniki layihəyə
(üçmərhələli layihələndirmə zamanı) əsasən, sifariş verilən avadanlıqların texniki
məlumatları nəzərə alınmaqla işləyirlər. İşçi çertyojlara görə tikinti və montaj işləri
həyata keçirilir, ona görə da bu işlər daha dəqiqliklə yerinə yetirilməlidir.
5
MÖVZU 2. MÜƏSSİSƏLƏRİN LAYİHƏLƏNDİRİLMƏSİNİN
İLKİN TEXNİKİ – İQTİSADİ ŞƏRTLƏRİ
Bu hissə müəssisələrdə istehsal təcrübəsi mərhələsində toplanan materiallar
əsasında işlənib hazırlanır və öz həcminə görə iqtisadi əsaslandırmanın yalnız bir
hissəsini təşkil edir.
Bu hissəyə müəssisə tikiləcək rayonun coğrafi xülasəsi, yəni sahilin,
körpülərin, nəqliyyat yollarının xüsusiyyətləri, əhali və iqlim haqqında, habelə
rayonun iqtisadiyyatı haqqında (ümumi və balıq sənayesi haqqında) məlumatlar
daxil edilir.
Tikinti işlərini aparmaq üçün tikinti meydançaları seçilərkən hər şeydən
əvvəl şərti olaraq aşağıda göstərilənləri nəzərə alırlar:
1. sahil xətlərinin və nəqliyyat yollarının (avtomobil, dəmiryol və s.)
yaxınlıqda olmasını;
2. tikintinin yanacaqla, elektrik enerjisi ilə, su ilə, tikinti materialları ilə
təminatlandırılması və lazım olan hər bir materialın çatdırılma imkanı;
3. tikinti və gələcəkdə istehsal prosesi üçün lazım olan işçi qüvvəsinin
mövcudluğunu;
4. xammalların fiziki – kimyəvi xüsusiyyətlərini (təcrübə materiallarına,
dərsliklərə, mühazirə materiallarına, internetin müxtəlif uyğun
mənbələrindən əldə edilən məlumatlar, elmi – tədqiqat müəssisələrinin
məlumatlarına əsasən).
Bu hissədə gələcək müəssisənin layihə gücünün təyin olunmasına xüsusi
diqqət yetirilir.
Müəssisənin layihə gücünün müəyyənləşdirilməsi
Balıq sənayesinin mövsümi istehsal xüsusiyyətlərinə malik olması, onun
əsas xassəsi sayılır ki, bu da il ərzində balıq ovunun miqdarca qeyri – bərabərliyi
ilə izah olunur. Bu, müəssisənin layihə gücünün müəyyənləşdirilməsi metodikasını
xeyli mürəkkəbləşdirir.
Sənaye məqsədləri üçün layihələndirilmədə olduğu kimi tədris məqsədləri
üçün layihələndirilmədə də balıq – xammalın və ya yarımfabrikatın planlaşdırılan
qəbul dinamikasını tərtib etmək üçün fəaliyyətdə olan eyni tipli müəssisəyə son üç
il ərzində balıq – xammalın və ya yarımfabrikatın qəbulu üzrə hesabat
məlumatlarından istifadə edirlər.
Bu məlumatlar əsasında hesabat illəri üçün aylar və ya ongünlüklərə və üç
ilə görə orta arifmetrik qiymətə əsasən balıq – xammalın və ya yarımfabrikatın
qəbul dinamikası qurulur.
Hər ay (ongünlük) ərzində xammal və ya yarımfabrikatın qəbul edilməsinin
orta miqdarı, il ərzində qəbul edilən miqdara nəzərən faizlə ifadə olunur.
Sonra, tikinti nəzərdə tutulan yerdə rayonun perspektiv inkişafı nəzərə
alınmaqla xammalın (yarımfabrikatın) layihələndirilən müəssisəyə qəbul olunma
dinamikası planlaşdırılır. Bu zaman əvvəlki hesabatda alınan xammalın illik qəbul
və orta aylıq qəbul miqdarı haqqında məlumatlar mütləq nəzərə alınmalıdır.
Böyük həcmdə xammal və yarımfabrikatlar emal edən müəssisələr
(duzlanmış siyənək balığı yarımfabrikatını tam emal edən zavodlar, piy – un
zavodları, duzlama zavodları və s.) üçün sutkalıq və ya növbəlik layihə gücü aylara
(ongünlüklərə) görə, xammalın maksimum qəbul edilməsi və bu aylarda üç növbəli
iş rejimi nəzərə alınmaqla müəyyənləşdirilir.
Müəssisənin hesabat nəticəsində alınan gücü əsas texnoloji avadanlıqların
istehsal (məhsuldarlığı) gücü nəzərə alınmaqla dəqiqləşdirilə bilər.
Qəbul olunmuş layihə gücü üçün sonra bir il ərzində zavodun işinin təqvim
qrafiki tərtib edilir (hər təqvim ayında iş növbələrinin sayı müəyyənləşdirilir, təmir
vaxtı dəqiqləşdirilir).
Öyrənilməmiş rayonlar üçün balıq emalı müəssisələri layihələndirilərkən
güc müəyyənləşdirilən zaman elmi təşkilatların (Elm – İstehsal Birlikləri, Elmi –
Tədqiqat İnstitutları və s.) tikinti planlaşdırılan rayonda balıq ehtiyatları və balığın
mövsümi ovlanması haqqında elmi məlumatlarından istifadə edirlər.
İl ərzində balıq – xammalın qəbul olunmasının qeyri – bərabərliyi açıq su
hövzələrində aktiv balıq ovunun və xammalın maksimum qəbul edildiyi
2
Dostları ilə paylaş: |