4
- dəmir yolu, hava və dəniz nəqliyyatına dövlət himayəsi;
-ölkə miqyaslı fövqaladə halların və təbii fəlakətlərinin nəticələrinin aradan
qaldırılması;
- kosmik fəzanın tədqiqatı və istifadə edilməsi;
-dövlət mülkiyyətində və ya Azərbaycan Respublikasının dövlət hakimiyyəti
orqanlarının tabeliyində olan idarələrin saxlanması;
- dövlət mülkiyyətinin formalaşdırılması xərcləri;
- Azərbaycan Respublikasının dövlət borcunun ödənilməsi və ona xidmət
edilməsi;
- Azərbaycan Respublikasının qanunvericiliyinə əsasən təyin edilmiş dövlət
pensiya və müavinətlərin, digər sosial ödənişlərin həyata keçirilməsi üzrə
büdcədənkənar dövlət fondlarına kompensasiyalar;
- dövlət material ehtiyatlarının , qiymətli metal və qiymətli daşlar üzrə dövlət
ehtiyatının artırılması;
- Azərbaycan Respublikasında seçkilərin və ümumxalq səsverməsinin ,
referendumların keçirilməsi;
- digər səviyyəli büdcələrin gəlirlərinin azaldılmasına və xərclərin
artırılmasına gətirən Azərbaycan Respublikasının dövlət hakimiyyəti
orqanlarının qərarlarının həyata keçirilməsinin təmin edilməsi;
- hakimiyyətin digər səviyyəsinə verilən ayrı- ayrı dövlət səlahiyyətlərinin
həyata keçirilməsinin təmin edilməsi;
- bələdiyyələrə maliyyə yardımı;
- sair dövlət əhəmiyyətli xərclər.
Yerli büdcələrdən aşağıdakı funksional növlü xərclər maliyyələşdirilir:
- yerli özünüidarəetmə orqanlarının saxlanması;
- bələdiyyə mülkiyyətinin formalaşdırılması və onun idarə edilməsi;
- yerli özünüidarəetmə orqanlarının tabeliyində və bələdiyyə mülkiyyətində
olan təhsil, səliyyə, mədəniyyət, bədən tərbiyəsi və idman, kütləvi informasiya
və digər idarələrin təşkili, saxlanması və inkişafı;
- bələdiyyə ictimai asayışınin mühafizəsi orqanlarının saxlanılması ;
-bələdiyyə mənzil- kommunal təsərrüfatının təşkili, saxlanması və inkişafı;
KitabYurdu.az
80
5
- bələdiyyə ərazilərinin abadlaşdırılması və yaxşılaşdırılması;
- məişət tullantılarının ləğv edilməsi və yenidən emal edilməsinin təşkili;
- bələdiyyə orqanlarının tabeliyində olan dəfn xidməti yerlərinin saxlanması;
- yerli özünüidarəetmə orqanlarının tabeliyində və bələdiyyə mülkiyyətində
olan idarələrin və əhalinin nəqliyyat xidmətinin təşkili;
- yanğından mühafizənin təşkili;
- bələdiyyələrin ərazisində ətraf mühitin mühafizəsi;
- yerli özünüidarəetmə orqanları tərəfindən qəbul edilən ərazi məqsədli
proqramların həyata keçirilməsinin təmin edilməsi;
- bələdiyyə borclarının ödənilməsi və onlara xidmət edilməsi;
- bələdiyyə aktivlərinin saxlanması;
-bələdiyyə seçkilərinin və yerli ümüumxalq səsvermələrinin keçirilməsi;
- sari yerli əhəmiyyətli xərclərin maliyyələşdirilməsi.
Büdcədən
maliyyələşdirilən
xərclərin
planlaşdırılması
və
maliyyələşdirilməsi.
Büdcə təşkilatı – büdcə smetası əsasında fəaliyyəti tamamilə və ya qismən
büdcə vəsaiti hesabına maliyyələşdirilən, hesablaşma hesabı olmayan qeyri-
kommersiya təşkilatıdır. Bu təşkilatlara vəsaitlərin ayrılması büdcə
planlaşdırılması vasitəsilə həyata keçirilir.
Büdcə xərclərinin planlaşdırılmasının əsas üsulları bunlardır:
-
proqramlı – məqsədli;
-
normativli.
Büdcə xərclərinin planlaşdırılmasının proqramlı – məqsədli üsulu.
Iqtisadi və sosial problemlərin həyata keçirilməsi üçün təsdiq edilmiş
məqsədli proqramlara uyğun olaraq ayrılan büdcə vəsaitlərinin sistemli
planlaşdırılmasıdır. Maliyyə vəsaitlərinin planlaşdırılmasının bu üsulu konkret
və layihələr əsasında maliyyə ehtiyatlarının səmərəli bölgüsü üçün vəsaitlərin
cəmləşdirilməsinə və məqsədli istifadəsinə, nəzarətin yaxşılaşdırılmasına
yardım edir. Bütün bunlar vəsaitlərin səmərəli mənimsənilməsinin səviyyəsinə
artırır.
KitabYurdu.az
81
6
Tədbirlərin və layihələrin həyata keçirilməsi üçün ayrılan vəsaitlərin həcmi
planlaşdırmanı və maliyyələşdirməni smeta qaydası əsasında müəyyən edir.
Büdcə təşkilatlarının smetaları üzrə xərclərin hesablanmasının əsasını onların
fəaliyyət göstəricilərinin ( məsələn, təhsil üzrə şagirdlərin, qrupların, siniflərin
sayı və s.) həcmi, təşkilatın fəaliyyət müddəti və maliyyə normaları təşkil edir.
Əhalinin sosial müdafiəsi üzrə tədbirlərin ( pensiya, müavinət) planlaşdırılması
zamanı bu vəsaitləri alanların sayı və ödənişlərin müəyyən edilmiş normaları
nəzərə alınır.
Xərclərin və ödənişlərin planlaşdırılmasının normativ üsulu- əsasən büdcə
təşkilatlarının maliyyələşdirilməsi üçün onların smetasının tərtibi zamanı
istifadə olunur. Normalar qanunvericilik aktları əsasında müəyyən olunur və
aşağıdakı növlərə ayrılır:
- sosial tələblərin təmin olunmasının natural göstəricilərinin pulla ifadəsindən
ibarət olan maliyyə normaları ( məsələn, büdcə təşkilatlarında əhalini qida ilə,
dərman vasitələri ilə, yumşaq inventarla təmin olunması xərclərinin normaları);
- fərdi ödəniş normaları ( məsələn, əmək haqqı dərəcəsi, müavinət, təqaüd və s.
normaları);
- orta statistik göstəricilər əsasında əvvəlki bir neçə il , eyni zamanda konkret
dövrdə cəmiyətin maddi- maliyyə imkanları üzrə götürülmüş normaları (
məsələn, binanın saxlanması , tədris xərcləri və s. normaları);
Normalar mütləq ( hökumət və ya yerli icra orqanları tərəfindən tətbiq
olunur) və ya fakultativ ( nazirlik, baş idarələr tərəfindən tətbiq olunur) ola
bilər.
Büdcə normaları fərdi ( ayrı – ayrı xərc növləri üzrə ) və birləşdirilmiş
(məcmu xərclər və ya təşkilatlar üzrə bütövlükdə ) ola bilər.
Natural göstəricilər ( xidmət edən işçilərin sayı və binanın ölçüsü və s. ) və
maliyyə normaları əsasında xərclərin büdcə smetası tərtib olunur və aşağıdakı
kimi ola bilər:
- fərdi – ayrı- ayrı təşkilatlar və ya tədbirlər üçün tərtib olunur;
- ümumi – eyni tipli təşkilatlar və ya tədbirlər üçün tərtib olunur;
KitabYurdu.az
82
Dostları ilə paylaş: |