Ədəbiyyatda qadın hərəkatının əsas problemi – yaradıcılıq azadlığıdır. Rusiya,
Ukrayna və
Belarusiyanın yazıçı-qadınlarının məqalələri toplanmış kitabı məhz belə adlandırılmışdı: «Qadınlar:
azadlıq və azad yaradıcılıq». Bu yaranmış yaradıcı qrupun bir növ manifesti idi. Kitabın tərtibatçısı
Rusiya Yazıçılar İttifaqının katibi və məşhur nasir S.Vasilenko idi. Bu kitaba qadın yazıçıları birinci
beynəlxalq konfransının iştirakçıları müəllif qismində daxil oldular. Bu görüş çoxdan hazırlanırdı. Onun
əvvəlini qoyan qadın yazıçıların ilk ədəbi qrupu olan «Yeni amazonkalar» oldu. Onların səyi ilə yuxarıda
adları gedən məcmuələr hazırlanır, qadınların ədəbi yaradıcılıqda kişilərlə bərabər olmaq hüququ
müdafiə olunur. Bu başlanğıc qərb qadın cəmiyyətlərindən olan həmkarlarının diqqətini cəlb etdi. Onları
ap etməyə başladılar, lakin buna qədər, hətta yenidənqurmadan sonra da qadın nəsri diskriminasiyaya
məruz qalırdı.
Beləliklə, ikinci minilliyin sonuna doğru qadın nəsri gur səslə özünü təqdim etdi. Qadın yazıçıların
özləri bu prosesə «Böyük lalın dil açması» adını qoymuşdular və «böyük lal» deyərkən minillərlə susan
qadınlar nəzərdə tutulurdu. Qadın ədəbiyyatının dünya ədəbiyyatında yer tutan ayrı-ayrı gözəl
nümunələrinə baxmayaraq, ancaq XX əsrin sonunda rus qadın-yazıçıları unikal bir hadisə kimi qəbul
edilmələrinə, qadın ədəbiyyatının zaman və məkan tələbiylə mövcud olan zərurət kimi qəbul edilməsinə,
Qərbdə olduğu kimi öyrənilməsinə hüququ olduğunu qəbuluna iddiaçı idilər. Bununla da Rusiyadan
feminist tənqidin əsasını qoydular, halbuki bu iş Sovet dövründə yeddi qapı arxasında idi. Və bu
tənqidin qarşısında bir sıra problemlər çıxdı ki, onlar həm elmi işlərdə, həm də qadın yazııların bədii
təcrübəsində həll olunurdu.
Feminist tənqidi maraqlandıran problemlərdən biri dil və qadın yazıçının qarşılıqlı münasibətləri
problemidir. Bu da ondan ibarətdir ki, maskulin (kişi) ədəbi dilinin nominal və qrammatik strukturları
qadın müəllifləri öz əsərlərinə verdikləri fikri (məna) məzmuna uyğun gəlmir, şəxsi hiss və həyəcanların
bir çox çalarları əsasən maskulin dünyasının reallıqlarını əks edir.
Qadın nəsrinin müstəqil yaradıcılığı və qender estetik həqiqiliyi üçün əsas şərt onun öz daxili
köklərinə qayıtmağı, «ana» dilini (maskulin «ata» dilindən fərqli olaraq) ekspressiv vasitələrdən
təmizləməsidir. Bir çox qadın, yazıçı vasitələrdən təmizlənməlidir. Bir çox qadın yazıçı ata dilinin ideoloji
və mədəni möhüru vurulmuş söz konstruksiyalarından və bədii üsullarından uzaq durmağa üstünlük
verirlər. Onlar daha tez-tez üstüörtülü və axıra qədər deyilməmiş fikirlərin poetikasından istifadə edirlər.
Ayrı-ayrı qadın yazıçılar «öz söz dünyalarını»22 qururlar. T.Tolstoyanın metaforik dili mətnin daha
mürəkkəb səviyyəsinə qalxmaq deməkdir. N.Narbikovanın poetikası isə – fikri daha aydın ifadə etmək
üçün yeni birləşmələrin axtarışı, dilin daxili enercisinin azad edilməsinə cəhddir.
Müasir qadın nəsrinin mərkəzində qadın durur. S.Vasilenko qadın nəsrində obyekt seçimini belə
izah edir: «müasir dünyanın bütün ağrı-acısını özündən keçirən traqik fiqur qadını hesab edirəm».23 Bu
nəsrdə qadın obrazı özünüinkardan yaranır, lakin bu Turgenev qızı, Soneçka Marmeladova kimi ənənəvi
təxəyyülün məhsulu olan quraşdırmalardakı qadın obrazının inkarına qətiyyət bənzəmir.
Qadın nəsri əsərlərinin çoxu birinci şəxsin avtobioqrafik cizgilər və ya şəxsi təcrübə iştirak edir.
Məsələn: L.Vaneyeva, L.Fomenko, M.Arbatova, N.Qorlanova və başqalar.
Üçüncü şəxsin adından yazılmış əsərlər belə naməlum qorxu, şübhələrlə dolu eyni vəziyyəti əks
etdirir, qadının özü üçün nəhs olan obrazını yaradır ki, bu obrazda özünü realizə edə bilməmək hissi çox
güclü duyulur. Lakin bu obrazlar «ata» ədəbiyyatının patriarxal qadın qəhrəmanlarının qalereyasının
davamı deyil. Burada yaradıcılığın subyekti obyektlə birləşir və N.Narbikovanın dediyi kimi, «səndən»
«mənə» qaçırsan, ikinci şəxsdən birinci şəxsə qeyri-adi səyahət edirsən».24 Bu birləşmə bəzən qadın
nəsrini lirik hekayətə çevirir.
Özünüidentsifikasiya prosesi həm müəllif, həm də qəhrəmanlar tərəfindən enyi dərəcəli həyəcanla
keçirilir və bütün qadın ədəbi yaradıcılığında əsas məqsədlərdən biri olur. Feminist tənqidin fikrinə görə,
bir çox müəlliflər belə hesab edirlər ki, cəmiyyət qəsdən onları daxili harmoniya və müstəqillik
vəziyyətindən məhrum edərək, feminist terminologiyasına görə qadını «zombiləşdirir». Bu, cəmiyyət
tərəfindən qadına şəxsi günah hissini aşılamaq vasitəsiylə həyata keçirilir. M.Arbatova buna «xristian
günah kompleksi vasitəsilə fars səviyyəsinə çatdırmaq adını verir.25
Belə əsərlərin günahlarını dərk edən qadın qəhrəmanları öz həyatlarını onu təmizləməyə həsr edirlər.
Məsələn, L.Polişukun «Vida simfoniyası», E.Tarasovanın «Pisliyi unudanlar» hekayələrinin qəhrəmanları
öz günahlarından əzab çəkir və sanki bundan ləzzət alırlar. Amma onların bəziləri belə bir nəticəyə
gəlirlər ki, onların günahı çox «şişirdilib» (L.Vaneeva). o azadlığın yolunu «günahın çeynənməsində
görür.26
Beləlilkə, qadın nasirlərin yaradıcılıq refleksi qadın və kişilərin xarakterinə dərin iz qoyaraq, bədii
ədəbiyyat və publisistikada adekvat əks olunmayan sosial və ümummədəni inflyasiyanın zonalarını
görməyə imkan verir.
Müəllif qadın nəsrinin böhranlı özüdərketməsi problematikanın xarakterini hadisənin yerini
müəyyən edir. Tənqid dəfələrlə qeyd etmişdir ki, qadın müəlliflər bazarların, kommunal mənzillərin,
xəstəxanaların təsvirinə olan meylləri ilə seçilirlər və bu yerlərlə əlaqədar qaldırılan problemlər demək
olar ki, hər qadın nasirin yaradıcılığında sabit olaraq var. Bu təsadüfi deyil. Bunların hamısı cisimlərin
vıə mentallığın sərhədlərini pozan sosial anomallığın zonalarıdır. Qadın özünü real dünyanın sərt
reallığında görür ki, burada «barak iyi verən» doğum evi, abortxana, uşaq evi, yetimxana olur, xəstəxana
isə elə bir yeganə yer olur ki, orada qadın özü kimiləriylə görüşüb ağrılı-acılı dərdlərini müzakirə etsin.
Hadisələrin baş verdiyi bu yerlər qadın qəhrəmanların tənhalığını, həyatını nizama sala bilməməsini
daha qabarıq göstərərək, hekayələrin faciəli xarakterini müəyyən edir. M.Paley qadın nəsrinin belə
yerlərə, xüsusən də xəstəxanalara meylini belə izah edir: «Bu müəssisənin ekzistensial təbiəti həyatın və
ölümün əsasını dəhşətli bir sadəliklə açıb göstərir və ordu kazarmasına, həbsxana kamerasına, kosmik
gəmi bölməsinə, konslaqer barakına oxşayır».
9
Qadın nasirlərin tez-tez müraciət etdikləri yerlərdən biri Evdir ki, buradan qadının əbədi və
sarsılmaz varlığının zaman və məkan koordinatları keçir. L.Umiskayanın «Medeya və onun uşaqları»
hekayəsində məhz belə bir evin obrazı yaradılıb. Lakin M.Paleyin «Rəhmət duası» povestində və
L.Petruşevskayanın «Qızlar evi» hekayəsində «öz evini» qurmaq cəhdləri əbəsdir, ona görə ki, ev
anlayışının əsas substansiyaları olan məhəbbət və hörmət burada yoxdur. Və yenidən biganəlik,
nizamsızlıq metaforası kimi kommunal mənzillərin, barak və yataqxanaların təsviri gəlir.
Ənənəvi olaraq, insanlara kömək və mudafiə etməyə hazır olan insan və qüvvələrə qarşı
müqavimətin motivləri qadın nəsrinə xüsusi dramatizm verir. Bu, bir çox kitabların konfliktini müəyyən
edir. Çox vaxt danışan qadının opponenti onun yaxın adamı olur. L.Vaneevanın «Saturn və Uran
arasında» hekayəsinin qəhrəmanı İrina-yazıçıdır. Onun əri isə özünü Piqmalion rolunda hiss edir. Bu rol
ənənəvi olaraq, kişi rolu kimi nəzərdə tutulur. Özünü buna uyğun aparan ər İrina ilə bağlı hər şeyi –
xarici görkəmindən tutmuş yaradıcılığına kimi, nəzarət etməyə çalışır. O inanmır ki, qadın dəyərli,
diqqətəlayiq bir şey yarada bilər. O arvadının yaradıcı şəxsiyyət kimi inkişafında əsas əngəldir. Arvadı
ondan bir çox parametrlərə: dünyanı daha ustalıqla tanıması və qavraması, yaradıcılıq mayasının
olmasına görə üstün olmasına baxmayaraq, ər arvadına deyir: «Yoqa ilə məşğul olmağa icazə verərəm,
amma ədəbiyyatla heç vaxt!» Ayırılıq artıq qaçılmazdır. Amma faciə qadının yaxın adamından
ayrılmasında deyil, Faciə kişinin baxışlarını təmsil etdiyi dünya ilə qadına onun necə olması, nə ilə
məşğul olması nə keyfiyyətlərə malik olması haqqında fikirlərini diktə edən dünyadan ayrılmasıdır. Və
İrinanın həyatı ona güclə sırınmış stereotip-obrazla mübarizəyə dönür. Bir çox qadın hekayələrində
vurğu qadının ədəbiyyata gedən yolunda durmuş məişət problemlərinə qoyulur. Onlar onun bütün
vaxtını və qüvvəsini alırlar, ancaq ictimai-xeyirli işlər şkalasında qeydə alınmırlar. S.Vasilyevanın «Pisliyi
unudan qadın» hekayəsinin qəhrəmanı belə deyir: «… gecə yazmaq lazımdır, sonra paltar yumaq,
bişirmək, növbələrdə durmaq, Permdə tikiləcək AES-qarşı imza toplamaq, qeyri-formalların görüşünə
getmək, qızlarımla şəkil çəkmək lazımdır». Eyni situasiya S.Vasilyevanın «Qarşı tərəfdəkilər»
hekayəsində təsvir olunub. Ətraf aləmlə mübarizə qadını yorur və çox vaxt «susmağa» məcbur olur,
özünü realizə etməkdən imtina edir.
Beləliklə demək olar ki, müasir rus qadın nasirlərinin yaradıcılığı ideya-bədii vasitələrin zənginliyi ilə
seçilir, qadın nasirlər onların köməyi ilə müasir dünyanın rəngli palitrasını ən müxtəlif rakurslarda
göstərirlər, qadın ədəbiyyatı dünya və klassik ədəbiyyatda dominantlıq edən maskulin ictimai və estetik
ideologiyaya qarşı «özgə» kimi təşəkkül tapır. L.Vaneyeva, V.Nabikova, M.Paley, M.Arbatova və bir çox
başqa yazıçılar qadın ədəbi məkanında xüsusi mentallıq və estetika yaratmaq yolundadırlar. Onları
dərindən düşünmək qabiliyyəti, öz «mən»lərinin səmimiliyi birləşdirir. Bu da feminist şüura uyğun
gələn söz ifadələrinin verə bilən əlavə dil ehtiyatlarını axtarıb tapmaqla müşayiət olunur. Yazıçı qadınlar
öz yaradıcılıqları ilə sübut edirlər ki, maskulin mədəni, estetik təcrübəyə alternativ olan mədəni, estetik
təcrübənin femin ifadəsi insan varlığının bütün sferalarını əhatə edən mədəniyyəti daha dəyərli edir.
9
Палей М. Новые амазонки