2.2.
XIX-XXI əsrlərdə sosial iş sahəsində Şərq və Qərb əlaqəliliyi
XIX əsrin II yarısı – XX əsrin əvvəllərindəki tarixi-sosioloji,
statistik, sosial-iqtisadi tədqiqatlar bir daha sübut edir ki, ictimai şüurda
məöişət problemləri prioritet yer tutmaqla, qlobal məsələlər sırasına
daxil olaraq, iqtisadi, siyasi və sosiomədəni proseslərin inkişafına nəzərə
çarpacaq təsir göstərir.
İlk növbədə ictimai həyatın urbanizasiya hadisəsini qeyd etmək
lazımdır. Çünki məhz bu proses, o dövrdə intensiv sənaye inkişafının
əsasını qoymaqla, kənd əhalisinin kütləvi surətdə şəhərə axınına təkan
vermiş oldu. Bütün bunların məntiqi nəticəsi olaraq, cəmiyyətdə
marginal təbəqələrin nisbəti, xüsusilə də şəhər şəraitinə zəif uyğunlaşmış
birinci və ikinci nəsil şəhərlilərin sayı artmağa başladı.
İctimai hadisə kimi, üasir sosial iş sisteminin formalaşmasına təsir
göstərən önəmli amillərdən biri kimi XIX əsrdə zəhmətkeşlərin öz
hüquqları uğrunda apardıqları mübarizədir. İri şəhərlərdə və sənaye
müəssisələrində işçilərin sayının və sıxlığının artması, fəhlə hərəkatının
və həmkarların təsisatlanma prosesini gücləndirməklə, həm burjua
hökumətləri, həm də iri sahibkarlar qarşısında sosial işin müxtəlif
formalarının tətbiqinin dəstəklənməsi zərurətini tələb kimi qoydu. Bu
tələblərə diqqətin yetirilməməsi onunla nəticələnə bilərdi ki, onsuz da
vüsət almaqda olan tətil və hərbi toqquşmalar dalğası alovlana bilərdi.
XX əsrdə proletar inqilabının alovları bəzi ölkələrdə, o cümlədən
Rusiyada alovlandı. Bu inqilabın dağıdıcı xarakteri,
mütərəqqi
ictimaiyyəti
daha ədalətli ictimai quruluşa keçidin təkamül yolarını
axtarmağa, mövcud və yaranmaqda olan sosial problemlərin həlli
istiqamətində daha çevik mexanizmlərinin işlənib hazırlanmasına
məcbur etdi.
Qərb ölkələrinin inkişafını müşayiət edən iqtisadi tərəqqi onlar
üçün sosial problemlərin kəskinləşməsinə dönürdü. Onun pik nöqtəsi
sənaye çevrilişindən sonrakı dövrə təsadüf etmişdir. Bu dövrdən
34
xeyriyyə fəaliyyəti və ehtiyacı olanlara dövlət yardımı eyni zamanda
mövcud olmağa başladı. Bu iki mənbəyin birləşməsi sosial işin peşə
kimi yaranmasına gətirib çıxarmışdı. İkinci Dünya müharibəsindən
əvvəl tamamlanmış bu peşənin təşəkkülü demək olar ki, Şərq ölkələrinə
toxunmamışdır. Bu ölkələrin iqtisadiyyatında dövlət mülkiyyəti
üstünhlük təşkil edirdi, sosial sahə isə ciddi sarsılmalardan (daimi siyasi
qeyri-sabitlik şəraitində icma münasibətlərinin sarsılmazlığı sayəsində)
çəkinirdi. Qədim yunanların artıq imtina etdikləri ənənələrə qeyd-şərtsiz
riayət, bu ölkələrdə onların qərbin təsiri obyektlərinə çevrilməsinə qədər
dəyişməz qalmışdı. Bu təsirin nəticələrindən biri sosial problemlərin
kəskinləşməsi olmuşdur. Bu, yalnız xüsusi mülkiyyətin inkişaf etməsi ilə
deyil, həm də insanlarr üçün onların həyat tərzinin sabitliyinin təminatı
qismində çıxış edən ənənəvi icma əlaqələrinin zəifləməsi ilə bağlı idi.
Təəccüblü deyil ki, XX əsrin 30-cu illərində sosial iş Şərq ölkələrində
(əvvəlcə müasir İsrailin ərazisində, sonra isə Hindistanda və Misdirdə)
yaranmışdır.
Qərbi Avropa ölkələrində ilkin müharibədən sonrakı onillik həm
iqtisadi, həm də bir çox digər sahələrdə Amerika təsiri altına düşmüşdür.
Bu təsir xüsusilə İkinci Dünya Müharibəsinin nəticələrinin aradan
qaldırılmasında mühü rol oynamış sosial işi əhatə edirdi. Müxtəlif
ölkələrin sosial işçiləri arasında müharibə nəticəsində qırılmış əlaqələr
bərpa olunurdu. Bunun nəticəsində sosial işçilərin beynəlxalq
federasiyasının yaranması dururdu. Bununla da ehtiyacı olanlara
yardıma yönəldilmiş peşə fəaliyyətinin inkişafının ikinci mərhələsi başa
çatdı.
Sosial işin inkişafında son dörd onillik xüsusi yer tutur. Şübhəsiz
ki, buna 1956-cı ildə yaradılmış Sosial İşçilərin Beynəlxalq
Federasiyasının fəaliyyəti səbəb olmuşdur. Digər tərəfdən, həmin ildə
sosializm binasının özülü dağılmağa başlamışdı (Sov. İKP-nin XX
qurultayı və Macarıstanda üsyan). Onun böyüməsi XX əsrin 80-ci
illərinin sonları, 90-cı illərinin əvvəllərində SSRİ-nin dağılmasına gətirib
çıxarmışdır.
Sosial işin inkişafında dövlət, həmçinin ehtiyacı olanlara yardım
etməklə məşğul olan ictimai və özəl təşkilatlar üstünlük təşkil edə bilər.
Birinci halda sosial işin paternalist modeli, ikinci halda isə liberal
35
modeli haqqında danışmaq olar. Belə ki, Böyük Britaniyada, sosial iş,
əsasən, dövlət agentlikləri, Amerika Birləşmiş Ştatlarında isə qeyri-
dövlət təşkilatları tərəfindən həyata keçirilir. Rusiyanın formalaşmış
ənənələri əsasında orada sosial işin inkişafını müəyyən edən başlıca amil
dövlətdir. Rusiya məhz dövlət sosial təminat sistemi əsasında sosial işçi
peşəsinin daxiledilmə təşəbbüsünü irəli sürmüşdür. Dövlət agentlikləri
ilə yanaşı, ictimai və özəl agentliklər də yaranmış, lakin onların ehtiiyacı
olanlara peşəkar yardımın inkişafında əməkləri az olmuşdur.
Əhalinin sosial rifahının yüksəldilməsi və yoxsulluğun azaldılması
səyləri həmişəki kimi ümumbəşəri bir vəzifədir. Əgər əvvəllər yoxsulluq
əsasən ailə gəlirlərinin səviyyəsi və onun ərzaqla təminatı vəziyyəti ilə
ölçülürdüsə, bu məfhum getdikcə daha geniş məna daşımağa başladı.
Müasir dövrdə yoxsulluğun azaldılması, həm də hər kəsin təhsil almaq,
səhiyyə xidmətlərindən istifadə etmək, kişilərlə qadınların hüquq
bərabərliyinə nail olmaq, infrastruktur və kommunal xidmətlərə olan
ehtiyacı tam ödəmək, torpaqda, su ehtiyatlarından istifadə, ətraf mühitin
yaxşılaşdırılması, bir sözlə, insan üçün layiqli həyat səviyyəsini təmin
etmək deməkdir.
Azərbaycan dövlətinin bu sosial öhdəlikləri qarşıya qoyub onlara
doğru irəliləmək səyləri heç də asan başa gəlməmişdir. 1988-ci ildən
etibarən Ermənistanın hərbi təcavüzü nəticəsində ölkəmizdə əhalinin
tkcə sosial rifah halı yox, bütövlükdə təhlükəsizliyi real qorxu altında
qalmışdır. Müharibənin coğrafiyasının genişlənməsi nəticəsində zərər
dəymiş, 1 milyon insan qaçqın və məcburi köçkün vəziyyətinə düşmüş,
iqtisaiyyatımızın güclü tənəzzülü başlamışdı. SSRİ dağıldıqdan sonra
MDB məkanında böhran halları gündən-günə dərinləşdiyindən,
dövlətçiliyimizin
varlığı
belə
təhlükələrlə
üz-üzə
qalmış,
həmvətənlərimizin haqq və hüquqlarının kütləvi şəkildə pozulması,
həyat səviyyəsinin görünməmiş dərəcədə pisləşməsi meylləri adi hal
almışdı.
Belə bir mürəkkəb şəraitdə, güclü xarici və daxili maneələrə,
təxribatlara baxmayaraq, Ümummilli Lidder Heydər Əliyevin xalqın
təkidli tələbi ilə yenidən hakimiyyətə qayıtması həyati əhəmiyyəti kəsb
edir. Onun məqsədyönlü səyləri ilə qısa vaxt ərzində ölkəmizdə sabitlik
36
və birlik bərqərar oldu, vətəndaşların təhlükəsiz həyat şəraitini təmin
etmək sahəsində təxirəsalınmaz tədbirlər həyata keçirildi.
XX əsrin 90-cı illərdə yaşanan məlum mürəkkəb və gərgin
problemlərə baxmayaraq, son Minilliyin Bəyannaməsinə ilk imza atan
ölkə rəhbərlərindən biri də Ümummilli liderimiz, Azərbaycan
Respublikiasının Prezidenti Heydər Əliyev oldu.
Strateji baxımdan Minilliyin İnkişaf Məqsədlərinə qoşulan bir ölkə
kimi, bu sənədlə bağlı son illər həyata keçirilmiş tədbirlərin bazasında
yeni fəaliyyət sahələri ön plana çıxarılır. İlkin mərhələ olaraq, müəyyən
edilən öhdəliklərin ölkə şəraitinə uyğun həyata keçirilməsini təmin
etmək məqsədilə Azərbaycan Respublikasının Prezidenti Heydər
Əliyevin 20n fevral 2003-cü il tarixli 854 nömrəli Fərmanı ilə ―2003-
2005-ci illər üçün Azərbaycan Respublikasında yoxsulluğun azaldılması
və iqtisadi inkişaf üzrə Dövlət Proqramı‖ təsdiq edildi.
2003-cü ilin oktyabr ayında Azərbaycan Respublikasının
Prezidenti İlham Əliyevin təşkilatçılıq və idarəetmə bacarığı sayəsində
bu mühüm vəzifə uğurla həyata keçirilir. Ölkəmizdə ümumi
makroiqtisadi sabitlik nəinki qorunub saxlanıldı, əksinə, dinamik iqtisadi
artımın davamlılığı daha etibarlı şəkildə təmin edildi, inflyasiya
səviyyəsi tənzimləndi. Bütün bunlar ölkənin maliyyə imkanlarını
hərəkətə gətirdi, mövcud olan sosia gərginliyin, o cümlədən, sosial
sahənin irəliləyişinin və yoxsulluq probleminin həlli istiqamətində təsirli
tədbirlərin həyata keçirilməsinə imkan yaratdı.
Respublika Prezidenti İlham Əliyev 15 sentyabr 2008-ci ildə geniş
əhəmiyyət daşıyan bir sənədi – ―2008-2015-ci illərdə Azərbaycan
Respublikasında yoxsulluğun azaldılması və davamlı inkişaf Dövlət
Proqramı‖nı təsdiq etdi. Sərəncamda deyilir: ―Ölkəmizdə sosial
problemləri, o cümlədən yoxsulluq probleminin həlli istiqamətində
Azərbaycan Respublikası Prezidentinin 20 fevral 2003-cü il tarixli
Fərmanı ilə təsdiq edilmiş ―2003-2005-ci illər üçün Azərbaycan
Respublikasında yoxsulluğun azaldılması və iqtisadi inkişaf üzrə Dövlət
Proqramının həyata keçirilməsi nəticəsində 2005-ci ildə yoxsulluq
səviyyəsi 2002-ci illə müqayisədə 46,7 faizdən 29,3 faizə endirilmişdir.
Sonrakı illər bu istiqamətdə nailiyyətlər daha da artırılmış və 2007-ci ilin
37
axırına yoxsulluq səviyyəsi 15,8 faiz təşkil etmişdir‖. 2014-cü il üçün bu
göstərici 5 faizdir.
Yeni Dövlət Proqramının respublikamız üçün önə çıxardığı strateji
məqsədlər ciddi olduğu qədər də həyati əhəmiyyət daşıyır:
-makroiqtisadi sabitliyi saxlamaqla və qeyri-neft sektorunu tarazlı
inkişaf etdirməklə davamlı iqtisadi artımın təmin edilməsi;
-əhalinin gəlir əldə etmək imkanlarının genişləndirilməsi, yoxsul
əhalinin sayının əhəmiyyətli dərəcədə azaldılmasına nail olunması;
-səmərəli sosial müdafiə sistemini inkişaf etdirməklə yaşlı əhalinin,
aztəminatlı ailələrin və sosial cəhətdən xüsusilə həssas qrupların riskinin
azaldılması;
-qaçqın və məcburi köçkünlərin həyat şəraitinin yaxşılaşdırılması
tədbirlərinin sistemli şəkildə davam etdirilməsi;
-təhsil və səhiyyə sahəsində əsas xidmətlərin keyfiyyətinin
yüksəldilməsi və onları əldə etmək üçün bərabər imkanların yaradılması;
-sosial infrastrukturun inkişaf etdirilməsi, kommunal xidmətlər
sisteminin təkmilləşdirilməsi;
-ekoloji vəziyyətin yaxşılaşdırılması, ətraf mühitin davamlı idarə
olunmasının təmin edilməsi;
-gender bərabərliyinin dəstəklənməsi;
-institusional
islahatların
davam
etdirilməsi
və
dövlət
idarəetməsinin təkmilləşdirilməsi.
Sosial
siyasət-yoxsulluğun
azaldılmasına,
rifah
halının
yüksəldilməsinə xidmət edən geniş bir anlayışdır. Sosial müdafiənin
konkret mənada məqsədi ondan ibarətdir ki, o, yoxsulluğu aradan
qaldırsın, insan tələbatının və həyat səviyyəsinin normal durumunun
ödənilməsinə yönəlsin. Hər kəs yaşayış üçün kifayət edəcək minimum
vəsait əldə edə bilsin, fərdin məşğulluğuna və istirahətinə, sağlamlığının
qorunmasına, mənzil təminatına, xəstəlik baş verdikdə, qocaldıqda, ailə
başçısını itirdikdə öhdəsində olan uşaqları tərbiyə etmək üçün zəmanət
verəcək ilkin hüquqların təmin olunması reallaşa bilsin.
38
Daha geniş mənada isə sosial müdafiə anlayışı aztəminatlı əhali
qruplarının məcmu gəlirlərinin yaşayış minimumundan aşağı olmasına
imkan verməyi, dövlətin öz vətəndaşlarının yalnız cari gəlirlərinə deyil,
həm də onların pul əmanətlərinin, əmlak yığımlarının da qorunmasına
zəmanət verməyi özündə ehtiva edir.
Mühüm olan Beynəlxalq sənədi – İqtisadi, Sosial, Mədəni
Hüquqlar Haqqında Paketi yada salaq. Sənədin 11-ci maddəsi bütün
ölkələrdə insanlar arasında həyat səviyyəsini müəyyən edə biləcək
hüququnu təmin etməyə çalışır. Bu sənədin əhəmiyyəti ondadır ki, o,
Sosial Təminat Haqqında Konvensiyada və İnsan Hüquqlarının Ümumi
Bəyannaməsində göstərilən sosial təminat hüquqlarına (tibbi xidmət,
xəstəliyə görə müavinət, işsizliyə görə müavinət, yaş üzrə müavinət,
əmək və istehsalat zədələrinə görə müavinət, ailə və analıq müavinətləri,
əlilliyə görə müavinətlər, ailə başçısının itirilməsi ilə əlaqədar
müavinətlər) əlavə olaraq aşağıdakı vacib hüquqları təsbit edir. Bununla
da sosial təminat anlayışının dairəsini xeyli genişləndirir:
• Kifayət qədər qidalanma hüququ;
• Sağlamlıq hüququ;
• Kifayət qədər paltara (geyimə) malik olmaq hüququ;
• Mənzildə yaşamaq hüququ;
• İş tapmaq və işləmək hüququ;
• Təhsil almaq, intellektual hüququ və s.
Hazırda ölkəmizdə sosial müavinətlərin ayrılmasını, sosial
xidmətlərin göstərilməsini tənzimləyən vacib qanunvericilik aktları
mövcuddur:
• ―Vətəndaşların pensiya təminatı haqqında‖ Azərbaycan
Respublikasının Qanunu;
• ―Əlilliyin qarşısının alınması, əlilliyin reabilitasiyası və sosial
müdafiəsi haqqında‖ Azərbaycan Respublikasının Qanunu;
• ―Ahıllara sosial xidmət haqqında‖ Azərbaycan Respublikasının
Qanunu;
• ―Məşğulluq haqqında‖ Azərbaycan Respublikasının Qanunu;
39
• ―Veteranlar haqqında‖ Azərbaycan Respublikasının Qanunu;
• ―Şəhid adının əbədiləşdirilməsi və şəhid ailələrinə edilən
güzəştlərin tətbiqi qaydaları haqqında‖ Azərbaycan Respublikasının
Qanunu;
• ―Valideynlərini itirmiş və valideyn himayəsindən məhrum olmuş
uşaqların sosial müdafiəsi haqqında‖ Azərbaycan Respublikasnın
Qanunu;
• ―Aztəminatlı ailələrin uşaqlarına müavinətlərin təyin edilməsi və
verilməsi qaydaları haqqında‖ təlimat.
Ünvanlı sosial yardımların ayrılması və təyin olunması üçün bütün
normativ-hüquqi sənədlər hazırlandıqdan sonra respublikanın Əmək və
Əhalinin Sosial Müdafiəsi Nazirliyi tərəfindən qısa müddət ərzində
lazımi təşkilati-metodiki tədbirlər görülmüş, 12 iyul 2006-cı il tarixdən
bu vacib kompaniyaya start verilmişdir.
Qanun müəyyən edir ki, Ünvanlı Sosial Yardım (ÜSY) hüququna
orta aylıq gəəliri onlardan asılı olmayan səbəblərdən, yəni ailə üzvlərinin
əmək qabiliyyətini itirmiş olması, ailənin əmək qabiliyyəti üzvünün
müvafiq icra hakimiyyəti orqanında işsiz kimi qeydə alınması, vəfat
etməsi, məhkəmə tərəfindən itkin düşmüş və yaxud vəfat etmiş hesab
edilməsi, azadlıqdan məhrum edilməsi, ailə üzvünün olduğu yerin
məlum olmaması və s. səbəblərdən hər bir ailə üzvü üçün ehtiyac
meyarının məcmusundan aşağı olan aztəminatlı ailələr malikdirlər.
Göründüyü kimi, ÜSY ancaq ailəyə verilir, ayrı-ayrı fərdlərə yox.
Ehtiyac meyarı-əhalinin əsas sosial-demoqrafik qrupları üzrə
yaşayış minimumundan asılı olaraq ünvanlı dövlət sosial yardımının
təyin olunması əqsədilə dövlət büdcəsi ilə birgə hər il üçün təsdiq edilən
həddir.
Sosial yardımın məbləği-ailənin orta aylıq gəliri ilə hər bir ailə
üzvü üçün ehtiyac meyarının məcmusu arasında yaranan fərq nisbətinə
hesablanıb tapılır.
Bəzən ünvanlı dövlət sosial yardımını digər sosial xidmət və
yardımlarla – pensiyalarla, ailə başçısını itirməyə görə, işsizliyə, uşağın
doğulmasına görə ödənilən yardım və müavinətlərlə səhv salırlar. Yadda
40
saxlamaq lazımdır ki, Ünvanlı Dövlət Sosial Yardımı-aztəminatlı
ailələrə dövlət tərəfindən göstərilən pul yardımıdır. Dövlət bu yardımı
göstərməklə, aztəminatlı ailələrin sosial müdafiəsini təmin etmək,
onların ən sadə ehtiyacını ödəmək, aclıqdan, yoxsulluqdan və səfalətdən
xilas etmək məqsədini daşıyır.
―Uşaq hüquqları haqqında‖ Azərbaycan Respublikası Qanununun
4-cü maddəsinə uyğun olaraq, Azərbaycan Respublikasında uşaq
hüquqlarının müdafiəsinə mandatlı agentliklər daxildir:
• Məhkəmə və prokurorluq orqanları;
• Yetkinlik yaşına çatmayanların işləri və hüquqlarının müdafiəsi
üzrə komissiyalar;
• Bələdiyyələr;
• İctimai birliklər.
Uşaq müdafiəsi sistemində mühüm yeri olan bir sıra qurumlar
mövcuddur ki, bunlardan aşağıda qeyd olunanları göstərmək olar:
•Əhalinin Əmək və Sosial Müdafiəsi Nazirliyi;
• Ailə, Qadın və Uşaq Problemləri üzrə Dövlət Komitəsi;
• Yetkinlik yaşına çatmayanların sosial reabilitasiyası müəssisələri;
• Uşaq evləri;
• Təhsil idarələri və təhsil müəssisələri; açııq və qapalı tip təhsil
müəssisələri;
• Səhiyyə idarələri və səhiyyə müəssisələri;
• Tibbi-pedaqoji komissiyalar;
• Qəyyumluq və övladlığa götürməyə dair komissiyalar;
•Yetkinlik yaşına çatmayanların işlərinə dair daxili işlər
orqanlarının şöbələri.
Azərbaycanda uşaq müdafiəsi sahəsində çalışan mütəxəssislərin
əsasən aşağıdakı problemlərlə üzləşməsinə rast gəlinir:
41
• Bir çox terminlərin dəqiq tərifi yoxdur (məsələn, ―risk qrupuna
aid uşaqlar‖). Bununla əlaqədar, uşağın gələcək həyatı üçün vacib
qərarların qəbulu subyektiv xarakter daşıya bilər.
•Konkret hansı növ böhran vəziyyətinin ailənin və uşağı risk
vəziyyətinə məruz qoymasını müəyyənləşdirmək üçün birmənalı
meyarlar yoxdur.
• Ailəyə dəstək üçün yönəlmiş profilaktik işlər yetərincə
koordinasiya olunmamışdır və s.
Dostları ilə paylaş: |