31
Qədimdə Şərqdə onun tarixinin sonrakı dövrlərində əhəmiyyətli
dəyişikliklərə məruz qalmayan sosial yardım mexanizmi formalaşmışdır.
Yer kürəsinin ―üçüncü dünya‖ya aid edilən bir çox regionlarında isə,
onlar indi də qüvvədədir: hər bir insan özünün mənsub olduğu ənənəvi
strukturların mühafizəsi altında olmaqdan ibarət idi. Həmin strukturlara
ilk növbədə ənənəvi olaraq öz üzvlərinə kömək edən ailə və icma daxil
idi. İnsan rifahına təhlükə olan əmtəə-pul münasibətlərinin inkişafı ilə
sosial yardım subyektləri sırasına peşə əsasında yaranan müxtəlif
korporasiyalar daxil olmuşdur. Belə ki, öz ehramları ilə məşhur olan
Qədim Misirdə son dərəcə qapalılıqla fərqlənən daşyonanların birlikləri,
ittifaqları mövcud idi. Dövlətin sosial yardımın
həyata keçirilməsində
rolu – onun hüquqi forma almağa başlayan ənənəvi əsaslarının
saxlanmasından ibarət idi. Başqa sözlə, qədim Şərqdə formalaşmış
ehtiyacı olanlara yardım mexanizminin hissələrindən biri dövlətin
fəaliyyəti ilə bağlı olan sosial qanunvericilik olmuşdur.
Sosial yardımın antik dövrdə qazanılmış sinfi xarakteri onun
obyektini yalnız cəmiyyətin tamhüquqlu üzvləri hesab olunan ehtiyaclı
şəxslər kateqoriyası ilə məhdudlaşırdı. Birinci minillyin əvvəllərində
sosial yardıma kəskin şəkildə duyulan tələbat və onun reallaşmasının
məhdud imkanları arasında ziddiyyət öz xeyriyyəçilik anlayışını təklif
etmiş xristianlıqda aradan qaldırılmışdır. Yəhudilikdə ehtiyacı
olanlara
yardım zərurəti Allahın hökmü ilə, induizm, buddizm və konfusiçilikdə
isə
dünya
harmoniyasını
dərk
etməli
olan
şəxsiyyətin
özünütəkmilləşdirmə tələbləri ilə əlaqələndirilirdi. Həmin harmoniyanın
insanlara münasibətdə bədxahlığın müxtəlif təzahürlərinə nifrət bəsləyən
dünyanın ilkin vəziyyəti kimi mövcud olması şərq adətlərində nəzərdə
tutulurdu.
Xristianlığın dünya dininə çevrilməsi I minilliyin yarısında, onun
Roma imperiyasının hüdudlarından kənara çıxdığı andan başlamışdır.
Xristianlığın min ildən artıq davam edən yayılma prosesi çoxsaylı
nəticələrə gətirib çıxarmışdır. Onlardan ikisi diqqətə layiqdir: birincisi o
idi ki, xristian kilsəsi ehtiyacı olanlara yardımda fəal iştirak etmirdi, həm
də uzun müddət ərzində orada əsas rolu oynayırdı. Bundan başqa,
mərhəmətin xristian ideyası həm ictimai təşkilatların, həm də xüsusi
şəxslərin xeyriyyəçilik fəaliyyətinin əsası kimi çıxış edirdi. Yalnız
İntibah dövründən – Avropada humanizm ideyalarının geniş şəkildə
32
yayıldığı andan ictimai və xüsusi xeyriyyəçilikdə dini motivlərlə yanaşı,
dünyəvi motivlər də sezilməyə başlamışdır.
Tarixə ―humanizm‖ adı altında daxil olan mədəni hərəkat XIV
əsrdə İtaliyanın iqtisadi mərkəzi olmuş Florensiyada yaranmışdır. İki
yüzillikdən
sonra humanizm Almaniya, Fransa və digər Avropa
ölkələrinə yayıldı. Onun tərəfdarları hesab edirdilər ki, hər bir insanda
hədsiz imkanlar mövcuddur ki, onların da inkişafı insan ömrünün bütün
məqsədini təşkil edir. Bu inkişaf ritorika, qrammatika, poeziya, tarix və
mənəvi fəlsəfədən ibarət olan humanist məşğələlər vasitəsilə həyata
keçirilir. İnsanı öz tədqiqatlarının predmeti edərək,
humanistlər dini
deyil, dünyəvi xarakter daşıyan yeni dünyagörüşü yaratdılar. Bu
dünyagörüşünün yaranması xeyriyyəçilik fəaliyyətinin əsaslarının
dəyişilməsinə gətirib çıxardı: əgər xristianlıqda o, Allahın hökmünə
əsaslanırdısa, humanistlərdə insanın ən ali dəyər kimi tanınmasına
əsaslanırdı.
Xeyriyyəçilik problemləri ilə məşğul olan ən məşhur humanist
Vives idi. O, 1526cı ildə ehtiyacı olanlara yardım planını işləyib
hazırlamışdı ki, bu da reformasiyanın ümumavropa hərəkatı fonunda
Almaniyada baş vermiş kəndli müharibəsinin bitməsi ilə əlaqədar son
dərəcə aktual oldu. Bu plan kasıb insanların qeydə alınması,
onlara
yardım göstərilməsi üçün şəxsi ianələrin yığılması, eləcə də onlardan
sağlam olan şəxslərin işlə təmin olunmasından ibarət idi. Ehtiyacı
olanlara yardıma dair Vivesin ideyaları sosial qanunvericiliyin gələcək
inkişafına böyük təsir göstərmişdir. Onun ayrılmaz hissəsi XVI əsrdən
başlayaraq İngiltərə və onun Şimali Amerikadakı koloniyalarında
qüvvədə olan yoxsullar haqqında qanun olmuşdur.
Sosial işin tarixi zəminləri haqqında danışarkən, ilk növbədə öz
kökləri ilə qədim zamanlara söykənən xeyriyyə fəaliyyətini qeyd etmək
lazımdır. Xeyriyyəçiliyin mövcud olduğu tarixi formaların xülasəsi
sübut edir ki, hissələrə bölünməyən insan mədəniyyətinin ayrılmaz
elementi olmuşdur. Ehtiyacı olanlara yardım
kimi başa düşülən
xeyriyyəçilik müasir cəmiyyətin həyatının bir hissəsi olmuşdur.
Bəşəriyyətin gələcəyini onsuz təsəvvür etmək çətindir.
Sosial tarix və sosial işin tarixi üzrə əksər mütəxəssislərin yekdil
fikri ondan ibarətdir ki, müasir ictimai hadisə kimi sosial işin yaranma
33
tarixi, onun nəzəri əsaslarının yaranma tarixi ilə eyni vaxta – yəni XIX
əsrin ikinci yarısına təsadüf edir.
Dostları ilə paylaş: