Azərbaycan respublikasının dövlət müstəqilliyini tanıdı, 1992-ci il
martın 12-də diplomatik münasibətlər qurdu.
İranla münasibətlər Azərbaycan dövlətinin xarici siyasətinin
mübahisəli məsələlərindən birinə çevrildi. Əslində bu məsələyə
münasibətdə Şimali Azərbaycanda iki xətt var idi. Birinci xəttin
tərəfdarları Cənubi Azərbaycandakı azərbaycanlıların vəziyyətini və
bölünmüş Azərbaycan amilini əsas götürərək İrana qarşı kəskin xətt
yeritməyi təklif edirlər. Lakin Azərbaycanın düşdüyü vəziyyət,
xüsusən, Rusiyadan edilən aramsız təzyiqlər, şimal dəmir yolunun
işləməməsi və Ermənistanın işğalçılıq siyasəti nəticəsində yaranmış
şərait bu xəttin tərəfdarlarının istəklərini və praktik fəaliyyətini heçə
endirdi.
İkinci xəttin tərəfdarları Ermənistanın təcavüzü nəticəsində
Azərbaycanın düşdüyü real vəziyyətdən çıxış edərək İranla məhriban
qonşuluq və əməkdaşlıq münasibətlərinin inkşaf etdirilməsini vacib
sayırdılar. Real vəziyyətdə bu xətt tədricən Azərbaycan dövlətinin
İrana münasibətdə rəsmi xəttinə çevrildi.
İranda 20 milyon nəfərdən çox soydaşlarımızın vəziyyəti iki
ölkə arasındakı münasibətlərə bu və ya başqa dərəcədə təsir göstərir.
İranda Azərbaycanın dövlət müstəqilliyinə birmənalı
münasibət mövcud deyildi. Azərbaycanın dövlət müstəqilliyinə
təhlükə kimi baxan İranın bəzi rəsmi dairələri onu tanımaqda çətinlik
çəkirdilər. Türkiyə, Rumıniya, Pakistan, Monqolustan, Litva,
Əfqanistan, İsveçrə kimi dövlətlərin Azərbaycanın dövlət
müstəqilliyini artıq tanımalarına baxmayaraq, İran hələ də tərəddüd
edirdi. İran İslam Respublikasının xarici işlər naziri Ə.Ə. Vilayəti
1991-ci ilin noyabrında Moskvaya səfəri zamanı keçirdiyi
danışıqlardan sonra “Moskvanın səsi” radiostansiyasına verdiyi
müsahibəsində birmənalı şəkildə bildirdi: “Biz Azərbaycanın
müstəqilliyini tanımaq niyyətində deyilik. Bu respublika ilə
münasibətlərimiz Sovet İttifaqı çərçivəsində inkişaf etdiriləcəkdir.”
İranın bu rəsmi mövqeyi tarixi ənənələrə söykənirdi. İki ölkə arasında
diplomatik münasibətlərin tarixindən məlumdur ki, hələ 1918-ci il
noyabrın 16-da Azərbaycanın xarici işlər naziri Ə. Topçubaşovla
İstanbuldakı görüşündə İran elçisi Mirzə Mahmud xan deyirdi: “Siz
dövlətinizi “Azərbaycan” adlandırırsınız. Bu, nə deməkdir? Bu, İran
hüdudlarında yerləşən indiki Azərbaycana iddialarınız deməkdirmi?
(Topçubaşov A.A. Diplomatiçeskiye besedı v Stanbule (1918-1919).
99
Baku, 1994, s. 53). İran elçisi Şimali Azərbaycanda, Qafqazda və
İranda türklərin yaşamasını da inkar edərək hamını fars adlandırırdı. O
deyirdi ki, “siz özünüzü Azərbaycan türkləri hesab edirsiniz. Amma
bilməlisiniz ki, nəinki Azərbaycanda, habelə Qafqazda, Urmiyədə,
Təbrizdə türk yoxdur, hər yerdə türk axtarmaq siyasətçilərin,
Türkiyənin işidir və indiki xadimlərin planlarına daxildir. Sizin
atalarınız, babalarınız hamısı farsdırlar. Sizdə sivilizasiya, mədəniyət,
adət-ənənə, hətta kostyum da farslarındır. Mən özüm türkofil olsam
da, İrana xidmət edirəm, onun mənafelərini qoruyuram.”
Ə.Topçubaşovun 1919-cu il yanvarın 9-da İstanbulda İranın
xarici işlər naziri Müşaverel Məmalək Əli Qulu xanla görüşündə İran
tərəfi Azərbaycan məsələsinin həllini İranla birləşməkdə görürdü.
Göstərirdi ki, sizin Azərbaycan haqqında məsələni İranla ittifaqda və
birlikdə sizin xeyrinizə həll etmək olar. Sizin Azərbaycan, əlbəttə,
daxili muxtariyyətini qoruyacaqdır. Birləşmək indi bizə lazımdır.
Yoxsa, ruslar əvvəlcə sizi, sonra da bizi yeyəcəklər.
Sonrakı danışıqlarda da İran belə iddiaları irəli sürürdü. Cənub
qonşumuzun 20-40-cı illərdəki siyasəti mahiyyətcə 1918-20-ci
illərdəkindən fərqlənmirdi. Həm birinci dəfə, həm də 90-cı illərdə İran
öz istəyinə çata bilmədi və Azərbaycanın dövlət müstəqilliyini
tanımağa məcbur oldu. Reallıq üstünlük qazandı, tarixin təkərini geri
döndərmək mümkün olmadı. Lakin diplomatik-siyasi manevrlər və
gizli niyyətlər bütün sonrakı illərdə hökm sürürdü.
İran tarixən Rusiya imperiyasına, sonra isə SSRİ-yə özünün
ərazi bütövlüyünə və müstəqillyinə təhlükə kimi baxmışdır. Lakin
yeni müstəqil dövlətlər meydana gəldikdən sonra İranın Şimal
sərhədlərində strateji vəziyyət dəyişmişdir. İran və Rusiya arasında
bufer zona yaranmışdır. Bu isə İran üçün bilavasitə təhlükəni aradan
qaldırmışdır. Bununla belə, Rusiya təhlükəsi aradan qalxmadığından,
İran Azərbaycanla mehriban olarsa, şimal tufanından özünü qorumaq
üçün yaxşı sipər qazana bilər. İran bir fövqəl dövlətlə deyil, bir neçə
yeni dövlətlə qonşudur. Onlar da İran üçün təhlükəli törətmirlər. İran
problemlərsiz də deyildir. Daxildə muxtariyyət meylləri əsəbiliklə
qarşılanır. İranda islam inqilabından sonra bu ölkənin yeritdiyi
siyasətə dünya ölkələri içərisində birmənalı münasibət mövcud
deyildir. Yeganə fövqəl dövlət kimi ABŞ İranı terrorizmi himayə
etməkdə, regionda vəziyyəti kəskinləşdirməkdə, islam
fundamentalizmini yaymaqda və s. təqsirləndirir, digər dövlətləri də
100
buna qarşı çıxmağa çağırır. Lakin ABŞ-ın bu hərəkətləri hətta Qərb
müttəfiqləri tərəfindən də dəstəklənmir, İran - Qərbi Avropa ölkələri
qarşılıqlı münasibətləri inkşaf edir.
Öz
növbəsində, İran ABŞ-ı dünya hegemonluğuna can
atmaqda təqsirləndirir və bütün müsəlman dövlətlərini islam
həmrəyliyi bayrağı altında ona qarşı mübarizədə birləşdirmək istəyir.
Lakin İranın da bu səyləri müsəlman ölkələri tərəfindən lazıiınca
müsbət qarşılanmır. Və bəzi ölkələr istisna olunsa, İran bu cəbhədə tək
qalır. İran Azərbaycan - ABŞ əməkdaşlığına, xüsusən, məlum neft
konsorsiumuna qarşı çıxır və ABŞ-ın Qafqaza nüfuz etməsini öz
mənafelərinə zərbə kimi qiymətləndirir.
İranın elan etdiyi prinsiplər və praktik xarici siyasət fəaliyyəti
də çoxlu suallar doğurur. Cənub qonşumuz özünü beynəlxalq aləmdə
bütün müsəlmanların müdafiəçisi elan etmişdir. Azərbaycan dövləti
isə demokratik, dünyəvi dövlət kimi beynəlxalq münasibətlərin dini
prinsiplər üzərində qurulmasının və xalqları dini etiqada görə
bölməyin əleyhinədir.
Əvvəla, İran bir tərəfdən Azərbaycanı İsrail və ABŞ-la yaxşı
münasibətlər qurmaqda və guya islam dininə xəyanət etməkdə
təqsirləndirir. Bunun əksinə olaraq, İranın özü Azərbaycan ərazilərinin
20 faizdən çoxunu işğal edən, 1 milyon 200 min nəfərdən çox
müsəlman azərbaycanlını qaçqına çevirən, islam dinin müqəddəs
yerlərini dağıdıb təhqir edərək silah anbarlarına çevirən Ermənistanla
hərtərəfli siyasi, iqtisadi, texniki, maliyyə və s. sahələrdə əməkdaşlıq
edir. Müsəlman çeçen xalqına qarşı soyqırımını həyata keçirən
Moskva ilə Tehran mehriban münasibətlər saxlayır və onlar strateji
müttəfiqə çevrilirlər.
Azərbaycan öz xarici siyasət fəaliyyətində hamılıqla qəbul
olunmuş normaları əsas götürür və dövlətimizin xarici və daxili
siyasəti islam prinsipləri əsasında qurulmur. İsrail və ABŞ isə
Azərbaycan torpaqlarını işğal etmişlər.
İranın digər müsəlman dövlətləri olan Misir, Səudiyyə
Ərəbistanı, İraq və başqa ölkələrlə münasibətlərində çətinliklər vardır.
İranın elan etdiyi prinsiplərin onun praktik fəaliyyəti ilə uyğun
gəlməməsinin səbəbləri nədir? Başlıca cavab budur: İranda yaşayan
xalqların vahid İran milləti, islam dini, ideologiya altında
birləşdirməklə İranın dövlət bütövlüyünü qorumaq.
101
Dostları ilə paylaş: |