____________________________________________
492
yəndələrindən, yeni dövr alman ədəbiyyatının banilərindəndir. Höte yaradıcılığının
şah əsəri olan "Faust" faciəsində Avropada Maarifçilik ideyalarının inkişafına yekun
vurulmuşdur. - 173.
126. Əziz Şərif, Şərifzadə Əziz Qurbanəli oğlu (1895- 1988) - Azərbaycan
ədəbiyyatşünası, tərcüməçi. XIX-XX əsrlər Azərbaycan ədəbiyyatına, ədəbi əlaqələrə,
teatra və tərcümə problemlərinə dair əsərlərin, ədəbi-tənqidi məqalələrin
müəllifidir. - 174.
127. Ramiz Rövşən, Əliyev Ramiz Məmmədəli oğlu (d.1946) - Azərbaycan
şairi, kino-dramaturq.- 175.
128. Çörçill, Uinston Leonard Spenser (1874-1965) - Böyük Britaniyanın
görkəmli dövlət, siyasi və hərbi xadimi, 1940-45, 1951-55-ci illərdə Böyük Britani-
yanın Baş naziri. Çörçill 2-ci dünya müharibəsi zamanı Britaniya xalqının "mətanət"
rəmzi, ABŞ və SSRİ ilə antihitler koalisiyasının təşəbbüsçülərindən biri olmuşdur.
Çörçill bir sıra publisistik əsərlərin və memuarların müəllifidir. Ədəbiyyat üzrə
Nobel mükafatı laureatıdır. - 179,180.
129. Kərim Kərimov, Kərim Abbasəli oğlu Kərimov (1917-2003) -
Azərbaycanın görkəmli hərbi xadimi - general-leytenant. 25 il ərzində Kosmik
Uçuşlar üzrə Dövlət Komissiyasına başçılıq etmiş K.Kərimovun adı keçmiş SSRİ-də
kosmosun öyrənilməsi, bir çox nadir elmi-texniki layihələrin həyata keçirilməsi ilə sıx
bağlı olmuşdur. O, Azərbaycan Milli Elmlər Akademiyasının fəxri üzvü, Sosialist
Əməyi Qəhrəmanı, Lenin və SSRİ Dövlət mükafatları laureatı adlarına layiq
görülmüş. Azərbaycan Respublikasının "Şöhrət" ordeni ilə təltif edilmişdir. - 176.
130. Terri Devid Adamc (1938) - görkəmli ingilis mühəndis-neftçi, geoloq.
Əmək fəaliyyətinə 1963-cü ildə başlamışdır. 1969-cu ildən "Britiş Petroleum"
şirkətinin bir çox ölkələrdə nümayəndəsi olmuşdur.
1994-1998-ci illərdə Azərbaycan Beynəlxalq Neft Konsorsiumunun ilk prezidenti
olmuşdur.
Azərbaycanda səmərəli fəaliyyətinə görə 1997-ci ildə Britaniya krallığının
" Müqəddəs Mixail və Georgi", 1998-ci ildə isə Azərbaycan Respublikasının "Şöhrət"
ordenləri ilə təltif olunmuşdur. - 179,190,197.
131. Azərbaycan Respublikası Dövlət Neft Şirkəti - Respublikada neft və
qazın kəşfıyyatına, çıxarılmasına və emal edilməsinə rəhbərlik edən qurum.
1991-ci ildə təşkil edilmişdir. Şirkət neft və qaz quyularının qazılması və
istifadəyə verilməsi, nəql edilməsi və s. məqsədilə dünyanın bir sıra ölkələrinin
iri neft şirkətləri ilə sazişlər, müqavilələr bağlamışdır. - 181,182,231,253,417,
426,429,430.
____________________________________________
493
132. ABƏŞ, Azərbaycan Beynəlxalq Əməliyyat Şirkəti - Bakıda fəaliyyət
göstərən neft şirkətlərindən biri. 1994-cü ilin axırlarında yaradılmışdır. "Xəzərin
Azərbaycan sektorunda neft yataqlarının müştərək işlədilməsi və istifadəyə verilməsi"
haqqında Azərbaycan Respublikası Dövlət Neft Şirkətinin və dünyanın bir neçə
böyük neft şirkətləri ilə imzalanmış müqavilənin payçıları adından onun şərtlərini
həyata keçirmək məqsədilə yaradılmış əməliyyat şirkətidir. Buraya 7 ölkəni
(B.Britaniya, ABŞ, Yaponiya, Norveç, Rusiya, Türkiyə və Səudiyyə Ərəbistanı)
təmsil edən 11 iri neft şirkəti daxildir.- 182,190,197,200.
133. "Britiş Petroleum" (Bi-Pi) - dünyanın ən iri neft şirkətlərindən biri. 1909-
cu ildən bir çox ölkələrdə neftin kəşfiyyatı, çıxarılması və emalı ilə məşğuldur. Bi-Pi
1994-cü ildən Azərbaycanda fəaliyyət göstərir. Hazırda ABƏŞ-in əsas operatorudur. -
181.
134. "
Neft Daşları" - Abşeron yarımadasından 42 km cənub-şərqdə, açıq
dənizdə, polad dirəklər üzərində salınmış neft "şəhəri". Bu ərazi oradakı daşların (təqr.
20 ədəd) bəzilərində neft-qaz nişanələrinin olması ilə əlaqədar Neft Daşları
adlandırılmışdır. Neft Daşları rayonunda geoloji kəşfiyyat işlərinə 1946-cı ildən
başlanılmışdır. Çıxarılan neft həm tankerlər, həm də boru kəmərləri vasitəsilə sahələrə
nəql edilir. - 183,186,187,417,419,428,429,464.
135. İpək Yolu, Böyuk İpək Yo1u - beynəlxalq tarixi tranzit-ticarət yolu;
eramızdan əvvəl 2-ci əsrin sonlarından eramızın 16-cı əsrinədək fəaliyyət göstərmiş,
Çindən Şimali Afrika və İspaniyaya qədər uzanaraq, ayrı-ayrı qolları ilə o zaman
dünyanın məlum olan, demək olar ki, bütün ölkələrini birləşdirmişdir.
Əlverişli coğrafi mövqedə yerləşməsi və zəngin maddi sərvətlərə malik olması
sayəsində Azərbaycan qədim zamanlardan dünya ölkələri arasında iqtisadi və mənəvi
əlaqələrdə mühüm yer tutmuşdur.
20-ci əsrin sonunda Azərbaycan RespublikasınınPrezidenti Heydər Əliyevin
Böyük İpək Yolunun yenidən dircəldilməsi ideyasını irəli sürməsi bütün dünyada,
xüsusilə də Böyük İpək Yolu üstündə yerləşən ölkələrdə böyük maraqla qarşılandı.
Bu məqsədlə 1998-ci ilin sentyabrında Bakıda 33 dövlətin və Avropa Birliyinin
iştirakı ilə beynəlxalq konfrans keçirildi. TRASEKA proqramı çərçivəsində nəzərdə
tutulan Asiya-Avropa ticarət dəhlizinin - Böyük İpək Yolunun bərpasının və onun
imkanlarından hamılıqla bəhrələnməyin vacibliyi qeyd olundu. - 194.
136. "AMOKO" - dünyanın ən böyük neft və qaz istehsalçılarından biri. 1989-cu
ildə yaradılmışdır. Müxtəlif ölkələrdə 42.000 işçisi var. "AMOKO" Şimali
Amerikada ən böyük təbii qaz istehsalçısıdır. Şirkət energetika, neft və qaz emalı,
kimya və neft-kimya sahələrində də fəaliyyət göstərir. - 181.