544-mashq. Quyidagi tasviriy ifodalarni daftaringizga ko„chirib yozing
va ularga izoh bering.
Bu mashqni bajarishda o„quvchilarning mustaqil fikrlashi va og„zaki nutqini
rivojlantirish maqsadida dastlab ulardan og„zaki so„raymiz, shuningdek, yozma
nutqini ham rivojlantirish maqsadida daftarlariga yozadi.
Mo„yqalam sohibi ─
Salomatlik posbonlari ─
Charm qo„lqop ustasi ─
G‟azal mulkining sultoni ─
Hayotimiz qomusi ─
Mo„yqalam sohibi tasviriy ifodasiga ─ Mo„yqalam nima? Undan qachon va
kimlar foydalanadi ? kabi savollar berishimiz mumkin.
O„quvchilar mo„yqalam rasm chizadigan asbob, undan rasm chizayotganda va
rassomlar foydalanishini aytib, mo„yqalam sohibi rassom ekanligini topishadi.
Qolgan tasviriy ifodalarni ham savollar berish orqali qaysi so„zga teng
kelishini topib, ma‟nosini izohlatamiz.
Mo„yqalam sohibi ─ rassom;
Salomatlik posbonlari ─ shifokorlar;
Charm qo„lqop ustasi ─ bokschi;
G‟azal mulkining sultoni ─ Alisher Navoiy;
Hayotimiz qomusi ─ konstitutsiya;
62
Bu mashqni bajarish orqali o„quvchilar tasviriy ifodalar haqida yana
qo„shimcha ma‟lumotlar olib, savollar berish orqali tasviriy ifodalarni topish,
ma‟nosini izohlash ko„nikmalarini o„zlarida shakllantiradilar.
O„quvchilarga 545-546- mashqlarni shartlari o„xshash bo„lganligi sababli
birgalikda bajartirishimiz mumkin.
Dostları ilə paylaş: | 
