O‘zbekiston republikasi oliy va o‘rta maxsus ta’lim vazirligi ulug‘bek hamdamov, abdug‘opir qosimov jahon adabiyoti

Mavzu bo‘yicha nazorat savollari:
1. Nima uchun Avstraliya, Okeaniya, Afrika va Kanada kabi
mamlakatlar adabiyoti o‘rganilishi kerak?
2. Avstraliya adabiyotining umumiy manzarasi haqida tushun-
cha bering.
3. Okeaniya mamlakatlari adabiyotining o‘tmishi va bugungi
holi haqida so‘zlang.
4. Afrika mamlakatlari adabiyotining Ovrupa adabiyotidan qa-
ysi jihatlariga ko‘ra ajralib turadi?
5. Kanada adabiyoti qaysi xalqlar adabiyotidan tashkil topgan
va ularning o‘ziga xos xususiyatlari nimalardan iborat?
Adabiyotlar:
1. Internet materiallari: www. Vikipediya.
2. Jahon adabiyoti. 2014, № 1; 2014, № 8.
3. Hamdam U. Ruhni uyg‘otguvchi so‘z. (Avstraliya yozuvchi-
si Natalya Krofts bilan suhbat). – Toshkent: Turon zamin ziyo, 2017.

298
XX ASR AQSH VA LOTIN AMERIKASI ADABIYOTI

REJA:
1. AQSh adabiyoti:
a) T.Drayzer ijodi;
b) Folkner ijodi;
c) E. Xeminguey ijodi;
d) R.Ellison, J.Selinjer, U.Stayron ijodi. 
2. Lotin Amerikasi adabiyoti:
a) X.L.Borxes ijodi;
b) Pablo Neruda ijodi;
c) X.Kortasar ijodi;
d) G.Markes ijodi;
e) P.Koelo ijodi. 
Tayanch so‘z va iboralar: T.Drayzer: “Amerika fojeasi”; Folkner;
E.Xeminguey: “yo‘qotilgan avlod”, “Chol va dengiz”, J.Selinjer, 
R. Ellison, U.Stayron, X.L.Borxes, Pablo Neruda, X.Kortasar, 
G.Markes: “Yolg‘izlikning yuz yili”, “maftunkor realizm”, P.Koelo:
“Alkimyogar”. 
AQSh adabiyoti
XX asr G‘arb adabiyoti ikki asosiy bosqichni bosib o‘tdi. Birin-
chi bosqich imperializmning so‘nggi davrlariga mos keladi. Bu as-
rning birinchi yarmi, aniqrog‘i 1945-yilgacha bo‘lgan davri bo‘lib,
ilm-fanning rivojlanishi natijasida madaniyatning yangi shakllari –
radio va kinematograf paydo bo‘ldi. Ikkinchi bosqich – 1945-yildan
keyingi davr bo‘lib, burjua jamiyatida chuqur qayta qurilishlar sodir
bo‘ldi: radikal demokratiyaning zamonaviy tizimlari paydo bo‘ldi,
“iste’molchilar jamiyati” shakllandi, jahon iqtisodiyotida global-
lashish jarayonlari jadallashdi.

299
XX asrda adabiy jarayon ham tezlashdi, ko‘plab yangi yo‘nalishlar

paydo bo‘ldi, dabdabali murojaatnomalar qabul qilindi, yangi mak-
tablar paydo bo‘ldi.
XX asr Amerika adabiyoti boy, rang-barang, shu bilan birga, zid-
diyatli va murakkabdir. Dunyodagi eng yosh adabiyotlardani biri
bo‘lgan AQSh adabiyotining tarixi 400 yildan oshmaydi.Ushbu ho-
lat bu adabiyotni o‘ziga xos tarzda rivojlanishiga ta’sirini o‘tkazdi.
Ovrupa adabiyotiga nisbatan XIX asrda ancha ortda qolish va XX
asrda jadal sur’atda rivojlanish, romantizm maktabining kech rivoj
topishi va realizmning jadal rivojlanishi Amerika adabiyotigagina
xos xususiyatlardir
XX asrning birinchi yarmida AQSh adabiyotida katta umumlash-
malarga intilish kuchaydi, buni T.Drayzerning “Amerika fojeasi”
romani misolida kuzatish mumkin. Tanqidiy realizm yo‘nalishida
G.Spenser falsafiy qarashlarining ta’siri sezilarli ekanligi ko‘zga
tashlandi. Spenser evolyusionizmining ta’siri T.Drayzerning “Istak
trilogiyasi” va J.Londonning bir qancha asarlarida o‘z aksini topdi.
AQSh adabiyotida novella janri XIX asrdagi mavqeyini yo‘qotdi.
Uning o‘rnini realistik roman egalladi. Shu bilan birga, bir qator yo-
zuvchilar faqat novella janrida ijod qildi. Shunday yozuvchilardan
biri O.Genri (Uilyam Sidni Porter) edi. U Amerika adabiyotida “hap-
py end”ning asoschisi bo‘ldi va novella janrining yangi yo‘nalishini
belgilab berdi.
1900-yili T.Drayzerning “Baxtiqaro Kerri” romani nashrdan
chiqdi. Yozuvchining bu yillarda yaratilgan boshqa romanlari kabi
ushbu asar ham naturalizm ta’sirida edi. “Yo‘qotilgan avlod” yozu-
vchilari (E.Xeminguey, F.S.Fitsjerald, G.Stayn, J.Steynbek) yaqin
bo‘lgan naturalizm bilan bir vaqtda Amerikaga Ovrupa modernizmi
ham kirib keldi, bu yo‘nalishning vakillari qatoriga Tomas Eliotni
kiritish mumkin. U Birinchi jahon urushi davrida adabiyotda yangi
she’riy yo‘nalishni ochdi. Shoirning 1917-yilda chop etilgan “Al-
fred Prufrokning sevgi qo‘shig‘i” to‘plami modernizmning mani-
festi sifatida e’tirof etildi.

300
Yigirmanchi yillardan boshlab hikoya tanqidchilar tomonidan

Amerika adabiyotiga xos janr sifatida qabul qilina boshlandi, uning
rivojlanishida jurnallarning ahamiyati beqiyos bo‘ldi.
XX asrda o‘nta amerikalik yozuvchi adabiyot sohasidagi Nobel
mukofotiga sazovor bo‘ldi. 1918-yildan boshlab Nyu-Yorkda, “kat-
ta adabiyotdagi” eng nufuzli mukofotlardan biriga aylangan badiiy
kitob uchun Pulitser mukofoti topshirib kelinmoqda.
Bolalar adabiyoti rivojlanishda davom etdi. Bolalar adabiyotining
klassigi L.Frenk Baumning asarlari butun dunyoda nashr ettirildi.
Detektiv janrida ijod qilgan adiblardan Deshil Xammet, Reymond
Chandler, Jeyms Keynlarning asarlari mashhur bo‘ldi. 1949-yilda
Nobel mukofotiga sazovor bo‘lgan U.Folkner, XX asrning birinchi
yarmida ijod qilgan AQShning eng yirik yozuvchilaridan biri edi.
50-yillar adabiyotida Jerom Selinjerning “Javdardagi tik jarlik us-
tida” romani alohida o‘ringa ega. 1951-yili chop etilgan bu asar, ay-
niqsa yoshlar o‘rtasida mashhur bo‘ldi. Kitoblarda ilgari ta’qiqlangan
mavzular ko‘tarib chiqila boshlandi (taniqli shoira Elizabet Bishop,
yozuvchi Trumen Kapote). 50-yillar AQSh dramaturgiyasida Artur
Miller va Tennessi Uilyamslarning pyesalari ajralib turgan bo‘lsa,
60-yillarda Edvard Olbining pyesalari (“Zooparkdagi hodisa”, “Bes-
si Smitning o‘limi”, “Kim Virjiniya Vulfdan qo‘rqadi?”, “Barchasi
bog‘da”) teatr sahnalaridan tushmadi.
Amerika adabiyotidagi rang-baranglik bir yo‘nalishni ikkin-
chi yo‘nalish tomonidan to‘liq siqib chiqarishga yo‘l qo‘ymaydi,
50–60-yillarda barakali ijod qilgan Jek Keruak, Lourens Ferlingetti,
Gregori Korso, Allen Ginzberglar o‘rnini, postmodernizm vakillari
(masalan, Pol Olster, Tomas Pinchon) egalladilar. Keyingi yillarda
postmodernchi adib Don Delilloning asarlari mashhur bo‘ldi.
AQShda ilmiy fantastika (bu yo‘nalishning birinchi to‘lqini va-
killari Edgar Rays, Berrouz, Myurrey Leynster, Edmond Gamilton,
Genri Katter asarlarida asosan kosmosga yetib borgan ilk sayyohlarn-
ing sarguzashtlari haqida hikoya qilingan), asr o‘rtalariga kelib mu-
rakkabroq fantastika ustunlik qila boshladi. Amerikalik fantast-yo-
zuvchilar Rey Bredberi, Robert Xaylayn, Frenk Xerbert, Ayzek Azi-

301
mov, Andre Norton, Klifford Saymak, Robert Sheklilarning nomi

butun dunyoga ma’lum. XX asrning ikkinchi yarmidan esa fentezi
adabiyoti keng rivojlandi. Amerika fentezisining gullab-yashnashi
1930-yillarda Robert Govardning ijodi bilan boshlandi. XX asrn-
ing ikkinchi yarmida bu janr Rodjer Jelyazni, Pol Uilyam Anderson,
Ursula Le Guin kabi yozuvchilar tomonidan rivojlantirildi. Fentezi
yo‘nalishining XXI asrdagi eng taniqli vakili Jorj R.R.Martin bo‘lib,
u hayolida yaratgan o‘rta asrlar haqidagi “ Taxtlar o‘yini” kvazireal-
istik tarixiy romanining muallifi.
XX asrning so‘nggi choragi – jahon adabiyoti tarixida yyyetarli
darajada murakkab davr: bir tomondan ko‘plab yozuvchilar bizning
zamondoshlarimiz bo‘lib, adabiy oqim “guruchni kurmakdan” ajrat-
gani yo‘q, qaysi asarlar adabiyotning oltin fondga kiradi, qay bir-
lari “o‘tkinchi” bo‘lib, tez orada unutilib ketadi, buni vaqt sinovdan
o‘tkazadi.