87
ZİVƏR BƏY ƏHMƏDBƏYOV PARKININ
AÇILIŞI MƏRASİMİ
26 may 2011-ci il
Mayın 26-da metronun «Nizami» stansiyasının qarşı-
sındakı Zivər bəy Əhmədbəyov parkı açılmışdır.
Azərbaycan Respublikasının Prezidenti İlham Əliyev məra-
simdə iştirak etmişdir.
Bakı Şəhər İcra Hakimiyyətinin başçısı Hacıbala Abutalıbov
görülən işlərlə bağlı dövlətimizin başçısına məlumat verdi.
Zivər bəy Əhmədbəyov 1918–1920-ci illərdə Bakının ilk
azərbaycanlı Baş memarı olub və şəhərin inkişafında mühüm
rol oynayıb. O öz layihələrində Qərbi Avropa və Şərq memarlıq
ənənələrini böyük məharətlə birləşdirib. Azərbaycan prezi-
dentinin sərəncamı ilə Zivər bəy Əhmədbəyovun adını daşıyan
park salınmış və burada onun abidəsi ucaldılmışdır.
Parkla üzbəüz bina Zivər bəy Əhmədbəyovun layihəsi əsa-
sında inşa edilib. Bildirildi ki, parkın ətrafında olan binaların
tarixi memarlıq üslubu saxlanılmaqla fasadları təmir edi-
ləcəkdir.
Görülmüş işlərlə tanış olan prezident İlham Əliyev müvafiq
tapşırıqlarını verdi.
88
RUSİYA FEDERASİYASI HÖKUMƏTİNİN
SƏDR MÜAVİNİ, RUSİYA FEDERASİYASI
OLİMPİYA KOMİTƏSİNİN PREZİDENTİ
ALEKSANDR JUKOV İLƏ GÖRÜŞ
Prezident sarayı
27 may 2011-ci il
Azərbaycan Respublikasının Prezidenti İlham Əliyev mayın
27-də Rusiya Federasiyası Hökumətinin sədr müavini, Rusiya
Federasiyası Olimpiya Komitəsinin prezidenti Aleksandr Jukovu
qəbul etmişdir.
Rusiya Federasiyası Hökumətinin sədr müavini, Olimpiya
Komitəsinin prezidenti Aleksandr Jukov Rusiya Federasiyasının
Prezidenti Dmitri Medvedevin və Baş nazir Vladimir Putinin
salamlarını dövlətimizin başçısına çatdırdı.
Görüşdə Azərbaycan Respublikası ilə Rusiya Federasiyası
arasında ikitərəfli münasibətlərin müxtəlif istiqamətlərdə, o cüm-
lədən iqtisadi sahədə uğurla inkişaf etdiyi vurğulandı, əlaqələ-
rimizin bundan sonra da genişlənəcəyinə əminlik ifadə olundu.
Görüşdə, həmçinin beynəlxalq olimpiya hərəkatında Azərbaycan
Milli Olimpiya Komitəsi ilə Rusiya Olimpiya Komitəsi arasında
yüksək səviyyədə əməkdaşlığın həyata keçirildiyi qeyd olundu.
Dövlətimizin başçısı Rusiya Federasiyasının Prezidenti Dmitri
Medvedevin və Baş nazir Vladimir Putinin salamlarına görə
minnətdarlığını bildirdi, onun da salamlarını Rusiya Federa-
siyasının Prezidentinə və Baş nazirinə çatdırmağı xahiş etdi.
90
28 MAY – RESPUBLİKA GÜNÜ MÜNASİBƏTİLƏ
RƏSMİ QƏBUL
«Buta» sarayı
27 may 2011-ci il
Mayın 27-də «Buta» sarayında 28 May – Respublika
gününə həsr olunmuş rəsmi qəbul təşkil edilmişdir.
Azərbaycan Respublikasının Prezidenti İlham Əliyev rəsmi
qəbulda iştirak etmişdir.
Salona toplaşanlar prezident İlham Əliyevi hərarətlə
qarşıladılar.
Azərbaycanın Dövlət himni səsləndi.
Dövlətimizin başçısı rəsmi qəbulda nitq söylədi.
Azərbaycan prezidenti İlham Əliyevin nitqi
Hörmətli xanımlar və cənablar!
Əziz dostlar!
Mən sizi və bütün Azərbaycan xalqını qarşıdan gələn
Respublika günü münasibətilə ürəkdən təbrik edirəm, bütün
Azərbaycan xalqına xoşbəxtlik, yeni-yeni uğurlar arzulayıram.
Azərbaycan Xalq Cümhuriyyətinin yaradılması tarixi hadisə
idi. Həm bizim xalqımız üçün, həm dünya miqyasında bu
hadisənin çox böyük tarixi əhəmiyyəti var idi. Xalqımız üçün
əhəmiyyəti ondan ibarət idi ki, əsrlər boyu müstəqillik arzusu
ilə yaşamış Azərbaycan xalqı müstəqilliyə qovuşmuş, müstəqil
dövlətini qurmuşdu. Dünya miqyasında əhəmiyyəti ondan ibarət
idi ki, dünya tarixində ilk dəfə olaraq müsəlman Şərqində
demokratik respublika yaradılmışdı. Azərbaycan dövləti və
Azərbaycan xalqı Azərbaycan Xalq Cümhuriyyətinin qurucularının