14
qəzalarımızla barışıq əldə etmək məcburiyyətində qalmışdılar. Ağbaba və Çıldır
Milli Şuraları ilə 8 maddəlik müqaviləni Hacı Abbas oğlu Kərbəlayı Məhəmməd
bəy və Qocaoğlu Məhəmməd bəy imzalamışdılar. Müqavilənin şərtləri belə idi:
1. Arpaçay, Çıldır və Ağbaba qəzalarına ermənilər məmur göndərməyəcək.
2. Bu qəzaların xalqından əsgər istəməyəcəklər.
3. Tacirlər türk parası ilə sərbəstcə alış-veriş yapacaqlar.
4. Bu qəzaların xalqı Gümrüdən istədikləri üç nəfəri girov alacaqlar.
5. Ermənilər bu müqaviləyə əməl edilməsi üçün üç nəfəri girov alacaqlar.
6. Bu girovlar Hacı Abbas oğlu Mahmud, Əhməd oğlu Murtaza və İsgəndər
ağalar olacaqlar.
7. Bunun müqabilində 3 erməni taciri Bağdasarov, Arslanov və Ağasi girov
olaraq türklərə veriləcək.
8. Bu müqaviləyə hər iki tərəf riayət edəcək.
F. Ərdoğanın yazdığına görə bu müqaviləyə 1920-ci ilin oktyabr ayının 30-
dək əməl edilmişdir. Qarsın türk qoşunları tərəfindən azad edilməsini eşidən
Gümrü valisi Qaroyan Çıldır və Ağbaba Milli Şuraları ilə bağlanan müqaviləyə
əsasən Gümrüdə girov saxlanan üç nəfəri yanına çağıraraq: «Artıq türk ordusu
gəlir, sizinlə bizim aramızda düşmənçilik ediləcək bir məsələ qalmadı, qüvvət
türklərin əlindədir» - demiş və 8 atlı ilə onları Ağbabaya göndərmiş, bunun
müqabilində üç erməni girovunu Gümrüyə gətirmişdilər.
Lakin digər mənbələr göstərir ki, ermənilər heç də bu sazişə əməl
etməmişdilər. Xüsusən, 1919-cu ilin axırı, 1920-ci ilin yanvar-fevral aylarında
ermənilər dəfələrlə Ağbaba və Çıldıra hücuma keçmişdilər. 1921-ci ildə Kazım
Qarabəkir paşanın dərc etdiyi «1919 və 1920-də Kafkazda İslamlara karşı yapılan
Erməni Mezalimi» kitabında göstərilir: «Ermənilər Ağbaba bucağına 1919-cu ilin
sonlarından başlayır, 1920-ci il içində lap çox zərər və ziyan verərək: bir çox
köyləri yandıraraq, əhalisini Gürcüstana qaçıb sığınmaya və Türkiyəyə köçməyə
zorlamışdılar». Daha sonra Kazım Qarabəkir paşa yazır: «1920-ci il yanvarın 26-da
erməni komandalarından Baratov və Marzmanovun top və tüfənglərlə silahlanmış
əsgərləri Şörəyelin əksər kəndlərini viran qoyduğu kimi, Ağbabanın da Gümrüyə
yaxın aran kəndlərindən - Orçoğluda 150, Qaraməmməddə 20, kiçik Qızıldaşda
100, Qaraçantada 150, Güllübulaqda 300 İslam evini yandırıb mallarını və
əşyalarını qarət edib, əhalisindən çoxunu qırıb, öldürmüşdülər». Ağbaba
nahiyəsinin dağlıq hissəsi Qars vilayətində yeganə bölgə idi ki, ermənilər axıradək
ora girə bilməmişdilər. Ona görə də İrəvan quberniyasından 25 mindən artıq qaçqın
Ağbaba və qonşu Zərdaş nahiyələrinə sığınmışdılar. Lakin ərzaq və dava-dərman
çatışmadığından və tif xəstəliyindən hər gün azı 40-50 nəfər ölmüşdü. Beləliklə,
Ağbaba Milli Şurasının gecəli-gündüzlü gərgin əməyi nəticəsində Ağbabanın dağ
kəndləri erməni qırğınlarından xilas ola bilmişdi. Türk qoşunları 1920-ci ilin
oktyabrında Qarsı azad etdikdən sonra Hacı Abbas oğlu Kərbəlayi Məhəmməd
ağanın 700 nəfərlik süvari alayı 9-cu türk diviziyasının tərkibinə qatılaraq
15
Gümrünün azad edilməsində iştirak etmiş və hərbin sonunda ön cəbhədə
vuruşmuşdu.
1921-ci il Moskva və Qars müqavilələrinə əsasən Türkiyə tərəfi Arpaçay
rayonunda blokhauzlar (çöldə tikilən hərbi istehkamlar) Gümrü-İrəvan dəmir yol
xəttindən 8 verst (1 verst=l,7 km) məsafədən geri çəkildiyindən və sərhəd xətti
Ağbaba dağlarından müəyyən edildiyindən Ağbabanın Köhnə İbiş, Bəzigan,
Dələver, Köhnə Qızıldaş, Cəbəci kəndləri Türkiyə tərəfdə qalmış, qalan ərazilər
Ermənistana qatılmışdı. Ağbaba nahiyəsinin 594,75 kv. verst ərazisindən 450 kv.
verst ərazisi Ermənistana birləşdirilmişdir. Qars müqaviləsinin 13-cü maddəsinə
əsasən Ermənistanın təbəəliyini qəbul etməyən əhaliyə 6 ay müddətində köçməyə
icazə verilmişdi. Bundan sonra Ağbabanın Sınız, Mumuxan, Təzə Qızıldaş,
Mustuqlu, Baxçalı, Söyüdlü, Seldağılan, Ördəkli, Baxçalı kəndlərinin türkləri
elliklə Türkiyəyə köçmüşdülər.
Erməni mətbuatı CQQR-in və milli şuraların fəaliyyətini olduqca səthi və
yanlış işıqlandırmışdır. Onlar qeyd edirlər ki, guya «bir neçə həftə mövcud olan»
Qars Müsəlman Respublikasını ingilislər qurmuşdular.
Türkiyə mətbuatında da Ağbaba Şurasının fəaliyyəti ilə bağlı bəzi
yanlışlıqlara yol verilmişdir. Esin Dayı «Elviye-Selasede Milli Təşkilatlanma»
doktorluq işində
Y.Haşımoğlunun xatirələrinə əsaslanaraq göstərir ki, Ağbaba
Milli Şurası Cənubi-Qərbi Qafqaz hökuməti dağıldıqdan sonra Ağbabaya gedən
Hacı Abbas oğlu Kərbəlayı Məhəmməd bəy tərəfindən qurulmuşdur. Lakin
həqiqətdə isə Kərbəlayı Məhəmməd ağa ömrü boyu Ağbabada yaşamış, Ağbabanın
Rusiyanın tərkibində olduğu dövrdə Təpəköy dairəsinin rəisi olmuşdu. 1921-ci il
sərhəd kəsimindən sonra o, doğulduğu Köhnə İbiş kəndindən köçüb Türkiyə
tərəfində qalan Bəzigah kəndinə getmiş və ömrünün sonunadək orada yaşamışdı.
Ümumiyyətlə, XX əsrin əvvəllərində tariximizə parlaq qəhrəmanlıq səhifələri
yazmış milli şuraların fəaliyyəti araşdırılmamışdır».
Nazim Mustafanın bu qeydlərindən həmin dövrün nə dərəcə mürəkkəb bir
zaman kəsiyi olduğu aydın görünür. Bir çoxları Azərbaycan Demokratik
Cümhuriyyətinin banisi Məhəmməd Əmin Rəsulzadəni və onun silahdaşlarını
qınayaraq deyir ki, onlar o zaman gərək indiki Ermənistan adlanan türk
torpaqlarını, xüsusən də qədim şəhərimiz İrəvanı ermənilərə verməyəydi. Bəs
əslində o zaman vəziyyət necə idi?
Bolşeviklərlə Almaniya arasında bağlamış Brest-Litovsk sülhü /1918-ci 27
avqust/ Azərbaycanın varlığının üstündən qara bir xətt çəkmişdi. Bakı neftinin
dörddə birini Almaniyaya verməklə Lenin həm almanlardan canını qurtarırdı, həm
də Azərbaycanın müstəqilliyini tanımırdı. Qonşu Gürcüstanın müstəqilliyini
tanıyan Almaniya Leninlə əlbir olub Azərbaycanı yenidən bölüşdürmək istəyirdi.
Hamısı da neftin ucbatından!
Özü də ən pisi o idi ki, həmin bədnam müqavilə üçüncü dövlətin - /əslində
Osmanlı dövlətinin/ qoşununun Qafqazda, daha çox isə Azərbaycanda olmasına