Ramiz Dəniz
Yüklə 3,47 Mb. Pdf görüntüsü
|
- Bu səhifədəki naviqasiya:
- VI fəsil. Asan olmayan keçid
85 Polkovnik Alonso həqiqətən də ağılabatan təklif verirdi. Hazırda araukanlar stress vəziyyətində idilər. Əks hücuma keçmək üçün onlar özlərinə gəlməliydilər. Çox güman ki, hindular müdafiədən başqa əlavə tədbirlərə əl atmayacaq- lar. İndi konkistadorlar Araukaniyanın bütün ərazisində döyüş əməliyyatları aparırdılar. Hələlik onların hücumla- rına tab gətirmək mümkün deyildi. Araukanlar yalnız pusqu qurmaqla kifayətlənirdilər. İş ondadır ki, həmin taktika onlara böyük xeyir gətirirdi. Çünki pusqu döyüşləri ilə onlar ispanların iti sürətli hücumlarının qarşısını almağa müəssər olurdular. Kapitan Xuan uşaqlıqdan davakar adam olub və düşmənə qarşı aparılan hərbi əməliyyatlarda həmişə radikal addımlar atmağı xoşlayırdı. Hər bir döyüşçüdən cəsarəti və inadkarlığı ilə fərqlənirdi. Lakin son zamanlar araukanlarla döyüşəndən sonra o, düşmən qarşısında ehtiyatlı olmağa və bütün tədbirlərdə ağıl ilə davranmağı üstün tuturdu. Aborigenlər öz cəsarətinə, şücaətinə və düşmənə qarşı tak- tiki döyüş tətbiq etməsinə görə, həqiqətən də heç bir hindu tayfasına oxşamırdılar. Onların döyüş üslubu vaxtı ilə alman barbarlarının Roma imperiyasının əsgərlərinə qarşı tətbiq etdikləri döyüş üslublarını xatırladırdı. Buna dair nümunələri çox sadalamaq olardı.
86 Alonso təcrübəli sərkərdə olduğu üçün hər bir məsələdə Xuan onunla razılaşmalı idi. Necə də olsa, Alonso da araukanlara dair çox məlumatlar toplanmışdı və onlara qarşı hansı döyüş taktikasını tətbiq etməyi polkovnik çox yaxşı bilirdi. Polkovnik bu müharibəyə çox ciddi hazırlaş- mış və vətənə qələbə ilə qayıtmaqı qarşısına məqsəd qoymuşdu. Bu ilin sonuna qədər araukan məsələsi bir- dəfəlik həll olunmalı idi. İspaniyanın əsarəti altında olan Amerika qitəsindəki sonuncu müqavimət ocağı əbədi söndürülməliydi.
VI fəsil. Asan olmayan keçid
Vadiyə yola düşməmişdən əvvəl kapitan Xuan qardaşına bildirdi ki, o salamat qalmış üç silahdaşı ilə birlikdə, süvari dəstəsinin köməyilə vadiyə getmək istəyir. Onun xahişini nəzərə alaraq, polkovnik Alonso qardaşını süvari dəstəsinin komandiri, kapitan Alonsonu isə Xuanın müavini təyin etdi. Leytenant Andre süvari dəstəsinə təhkim edilmiş 30 atıcının komandiri təyin edildi. Migel, Dias Duarte atıcılar
87 siyahısına daxil oldular. Başqalarından fərqli olaraq onlar odlu silahdan boyun qaçırtdılar. Günorta yeməyindən sonra süvari dəstəsi öz silahdaş- larından ayrılaraq cənub, cənub-qərb istiqamətində yola düşdü. Meşənin bu hissəsi çox nahamar idi. Dağların yamaclarındakı təpələr çox hündür idi. Ağaclar kobud halda bitdiyindən dəstə yalnız bir cərgə ilə hərəkət edirdi. Bir necə saat bundan əvvəl meşənin girəcəyində düşmən ilə döyüş getdiyindən konkistadorlar meşənin bu hissəsində ehtiyatlı olmalıydılar. Çünki araukanlar hələ də burada ola bilərdilər. Bunun üçün kapitan Xuan beş nəfərdən ibarət iyirmi-otuz metr qabaqda kəşfiyyatçı göndərdi. Onlar yol açandan sonra süvarilər irəliləyişlərini davam etdirirdilər. Araukanlar hər kolun, hər ağacın arxasında konkistadorlara pusqu qura bilərdilər. Hər ehtimala qarşı artıq döyüşçülər atlardan aşağı enib piyada hərəkət edirdilər. Çünki pusquya düşən kimi məhz onlar ilk döyüşü öz üzərilərinə götürməliydilər. Xoşbəxtlikdən hava quraqlıq idi. Atlar rahat halda xəzəl ilə örtülmüş təpələrə qalxır və enirdi. Bəzi yerlərdə təpələrin ətəyi dik uçurumla əhatə olunurdu. Belə olan halda dəstə geri dönməli olurdu. Onlar xeyli getmişdilər ki, birdən qarşılarına ensiz düzənlik çıxdı. Həmin düzənlik dağların arasında yerləşirdi. Düzənlikdən o tərəfdə daha bir
88 dərə vardı və həmin dərədən eni 40-50 metr olan çay keçirdi. Meşənin bu sərhədindən çaya çatmaq üçün təxminən yarım liq yol qət etmək lazım idi. Lakin çayın o biri tərəfindən yenə də meşə sərhədi başlayırdı. Uzaqdan görmək olurdu ki, qarşıdakı araukariya ağaclarından ibarət olan meşədir. Həmin meşədə süvari dəstəsi sərbəst hərəkət etmək iqtidarında idi. Çünki ölkədə bitən araukariya meşə- lərinə işıqlı meşələr deyirdilər. Orada ağaclar seyrək halda bitirdi və günəşin şüaları maneəsiz olaraq yerə çatırdı. Bu meşə hündür olmayan dağların ətəyində yerləşirdi. Sağ tərəfdə Anqud körfəzinə yaxın dağların hündurlüyü iki dəfə alçaq idi. Ümumiyyətlə, buradan Anqud körfəzinə qədər təxminən 1 liq məsafə vardı. Elə qarşıdakı çayın suları da həmin körfəzə tökülürdü. Kolluqlarla əhatə olunmuş düzən- lik hər tərəfdən nəzarət altında saxlanıla bilərdi. Kəsik- kəsik dərələrlə əhatə olunan bu torpaqda da araukanlar pusqu qura bilərdilər. Kapitan Xuan çox yaxşı bilirdi ki, onlar gizlin şəkildə bu düzənliyi qət edə bilməyəcəklər. Deməli, süvarilərin hərə- kətinin məxfiliyi aradan qaldırılırdı. Qorxmaz komandir atını qabağa sürərək dəstəni öz ardınca apardı. Onlar düz yox, yenə də cənub-qərb istiqamətində irəlilədilər. Kapitan istəyirdi ki, alçaq dağlara daxil olmaq üçün, çayı həmin səmtdə keçsin. Çayın kənarında ağaclar, düzənliyə nisbətən
Yüklə 3,47 Mb. Dostları ilə paylaş:
|