Ramiz Dəniz
Yüklə 3,47 Mb. Pdf görüntüsü
|
117 ayaqlarından tutmağa heç bir ehtiyac yoxdur. Bu ağrıya dözməyə onda möhkəm iradə var. Migel ilə Andre onu azad etdilər, lakin ağzına taxta qoydular ki, Xuan ağrıyanda qışqırmasın. Xulio lansetinin ucu ilə yaranı deşdi və əli ilə yaranın kənarlarını sıxmağa başladı ki, bütün irinlər oradan çıxsın. Ağrıdan Xuan yumruqlarını sıxaraq qollarını əsdir- məyə başladı. Sanki o, Xulionu vurmaq istəyirdi. Nənayət yaradan təmiz qan axmağa başlayanda Lope ucu qızarmış lanseti tonqaldan götürüb, zərgər dəqiqliyi ilə 5 sm-ə kimi yaranın içinə basdı. Bir anın içində “türkəçarə- lərin” burnuna yanmış ət iyi dəydi. Ağrıya tab gətirə bilməyən Xuan tez Lopenin qolundan tutdu. Lakin artıq gec idi. Lope öz işini böyük ustalıqla qurtarıb başa çatdırmışdı. Xulio tez yaranı ağ tənziflə örtdü ki, qanaxmanın qarşısı alınsın. Kapitan Alonsonun gözləri bu cərrahiyyə əməliyya- tından bərələ qalmışdı. Lakin buna baxmayaraq, kapitan Xuanın üzərində aparılan cərrahiyyə əməliyyatı çox uğurla başa çatmışdı. Bundan sonra Xuan dərindən nəfəsini alaraq rahatca gözlərini yumdu. Sanki o, uzun müddət idi ki, yuxusuz qalmışdı. Sanki o, ağır əzablardan qurtulmuşdu. Belə bir cərrahiyyə əməliyyatları, yarası irinlənmiş hər bir yaralının üzərində aparıldı. Yaralıların problemi tam da olmasa, amma həll olunmuşdu. Ağrıdan iztirab çəkməsinlər
118 deyə, onların hamısına çoxlu həcmdə şərab verildi. Növbəti şərab payı isə gecə veriləcəkdi. Qarşıda və ümumiyyətlə, ətrafda qoyulan keşikçilərdən alınan məlumata görə yaxınlıqda bir nəfər də olsun, hindu görünmürdü. Sanki onlar konkistadorların bura gəlişindən xəbərsiz idilər. Lakin araukanlar döyüşən hindu tayfası olduğundan belə zənn etmək olar ki, onlar yaxınlıqda, gözəgörünməz bir yerdə gizlənərək konkistadorların fəaliyyətini izləyirlər. İndi kapitan Alonsonu bir şey maraqlandırırdı; işdir, polkovnik Alonso öz dəstəsi ilə vadiyə daxil oldu və orada araukanların ciddi müqavimətilə üzləşdi, onda necə olsun? Axı, süvari dəstəsi dərhal onların köməyinə çatmalıdır. Lakin onların dəstəsində yaralılar olduğu halda süvarilər vadidə iti sürətli hərəkətlər və manevrlər edə bilməyəcəklər. Bu işdə yaralılar onlara böyük maneəçilik törədəcəklər. İndi kapitan bilmirdi yaralılarla nə etsin, burada qoysun, yoxsa özü ilə əməliyyata aparsın. Özü ilə əməliyyata aparsa, söz yox ki, süvarilər sürətli manevrlərdən məhrum olacaqlar. Lakin yaralıları burda təkbaşına qoyub döyüşə yollanmaq da təhlükəli idi. Yaxınlıqda olan araukanlar yaralıların köməksizliyini görüb dərhal onların üzərinə hücum edəcəklər. Kapitan Alonso yaralıların təhlükəsiz- liyini təmin etmək üçün süvarilərdən bir adam da ayırmaq
119 fikrində deyildi. Çünki hərbi əməliyyatlarda ona hər bir süvari hava-su kimi lazım idi. Hər bir çətin vəziyyətdən çıxış yolu tapmaq mümkün idi. Nəzərə almaq lazımdır ki, yaralılardan bir neçə nəfəri hələ də qılıncdan istifadə edə bilərdi. Amma Alonsonun başına yaxşı bir fikir gəldi. O, yaralıların hamısına odlu silah verməyi qərara aldı. Belə olan halda yaralılar özlərini hər bir düşməndən qoruya bilərlər. Lakin nədənsə, kapitan Alonsonun daxilində böyük ümidsizlik yaranmışdı. O, narahat halda gah bu tərəfə, gah da o tərəfə gedir və ürəyində nə isə fikirləşirdi Tez-tez Migelin oturduğu yerə gəlib oradan “qanlı vadiyə” mənalı nəzər salırdı. Elə Migelin də fikri həmin vadiyə yönəlmişdi. Bu “qanlı vadidə” həm konkistadorların, həm də hinduların müqəddəratı həll olunmalıydı. Konkistadorlar burda baş verəcək həlledici döyüşdə qalib gəlsələr, birdəfəlik Araukaniyada başlanan 45 illik müharibəyə son qoyacaq və vətənə qalib kimi qayıdacaqlar. İşdir, məğlub olsalar, onda yenidən qüvvə toplayaraq müharibəni davam etdirməli olacaqlar. Araukanlar isə məğlub olsalar, bundan sonra birdəfəlik öz azadlıqlarını və ölkələrinin ərazi bütövlük- lərini itirəcəklər. Ondan sonra isə əlinə silah almış hər bir araukan İspaniyanın inkvizisiyası tərəfindən sərt üsullarla cəzalanacaqdır. Ümumiyyətlə, ölkələrinin əksər hissəsi
120 dağlıq ərazidən ibarət olduğu halda, aborigenlər münbit torpaqlardan məhrum olacaqlar. Əgər, onlar bu döyüşdə qalib gəlsələr onda ispanların təşkil edəcəkləri növbəti ekspedisiyanın gəlişini gözləməli olacaqlar. Necə ki, ispan- lar, eləcə də araukanlar həlledici döyüşə çox ciddi hazırlaşırdılar. Bu döyüşdə hər iki tərəfin ölüm-dirim məsə- ləsi həll olunurdu. İspanlardan çox bu qələbə hindulara hava-su kimi lazım idi. Məğlub olduqları təqdirdə araukanlar əbədilik azad hindu tayfası kimi yer üzündən silinəcəklər. Çünki onlar çox yaxşı bilirdilər ki, bütün bu müharibələr ərzində Araukaniyada həddindən çox konkista- dor məhv edilibdir. İspanlar isə bu itkiləri heç vaxt araukanlara bağışlamayaçaqlar. Şəxsən Migel özü arzulayırdı ki, Araukaniyada başlanan müharibə yalnız silahdaşlarının qələbəsi ilə başa çatsın və o, tezliklə İspaniyaya öz sevimlisi Floridanın yanına qayıtsın. O, yaxşı bilirdi ki, Florida səbirsizliklə öz istədiyi- nin yolunu gözləyir və iztirab içində Seviliyada yalnız darıxdırıçı günlər keçirir. Migel özü isə həmişə döyüş qabağı sinəsindəki medalyonu çıxardıb sevigilisinin çöhrə- sinə yalvarıcı nəzər salırdı, sanki medalyondakı şəkilin canlanması üçün ürəyində and-aman edirdi. Uzunmüddətli döyüş gedəndə o, həmin an Floridanı xatirəsindən istər- istəməz silirdi. Həmin an Migelin ürəyi, İspaniyanın şan-
Yüklə 3,47 Mb. Dostları ilə paylaş:
|