149
Konkistadorlar üçün gözlənilmədən, aborigenlər mütə-
şəkkil surətdə döyüş meydanını şimal istiqamətində tərk
etməyə başladılar. Onlar kənarda olan yaralıları özləri ilə
götürüb meşənin girəcəyində mövqe tutdular. Qəribə də
olsa, araukanlar yaxınlıqdakı kəndə yox, meşəyə tərəf
getmişdilər. Halbuki onlar heç bir təhlükə ilə üzləşmədən
kəndin özünə çəkilə bilərdilər. Deməli, onlar kəndi boş
qoymaqla hansısa hiyləgər bir fənd işlətmək istəyirdilər.
Kənd boşdursa, konkistadorlar müvəqqəti olaraq özlərinə
orada sığınacaq tapa bilərdilər.
Döyüş gözlənilmədən başa çatan kimi təəssuf içində
olan polkovik Alonso sağ qalan döyüşçülərə, göstərdikləri
şücaətə və qəhrəmanlığa görə öz minnətdarlığını bildirdi.
Xüsusən də süvarilərin göstərdikləri qəhrəmanlıq onun
tərəfindən hərarətlə qeyd edildi. Süvarilər köməyə gələn
kimi konkistadorlar vadinin ortasında olan düşmənin böyük
olan qüvvəsini darmadağın etmişdilər. Kapitan Alonsonun
taktiki gedişi polkovnikin lap ürəyindən olmuşdur.
Bu qələbə ilə biri-birilərini təbrik edən konkistadorların
sevinci yaralıların ah-naləsinə qarışmışdı. Hər bir yaralıya
kömək lazım idi. Xüsusi iradə lazım idi ki, onların
sifətlərində sezilən iztiraba, qışqırıqlarına və iniltisinə tab
gətirsin. Bununla da qələbəyə doğru gedən yolun ağır
olduğu bir daha sübut olundu.
150
XII fəsil. Verilən itkilərin ayırd edilməsi
Çoxları sevinsə də, polkovnik Alonsonun sifətində ağır
bir gərginlik hiss olunurdu. Sanki o, qəmli baxışları ilə
ölənlərin və yaralananların arasında kimi isə axtarırdı.
Onun yaxınlığında olan Migel işin nə yerdə olduğunu çox
yaxşı anladı. Necə olsa da, onun oğlanları bu döyüşdən sağ
çıxmışdılar. Təkcə Kamaço belindən və sağ qolundan yara-
lanmışdı, Buna baxmayaraq, Alonso heç də yaralı olan
oğluna yaxınlaşıb onun vəziyyətinin necə olduğunu soruş-
mamışdı. Çoxları tanınmış sərkərdənin oğluna qarşı olan bu
cür laqeyd davranışına mat-məətəl qalmışdılar. Nədənsə,
heç kim ona yaxınlaşmağa cürət etmirdi. Onu başa düşmək
olardı. Alonso məğrur ispan sərkərdəsi idi. O, ölüm-dirim
mübarizəsindən sağ çıxmış övladlarına xüsusi qayğı göstər-
mək istəmirdi. Hamı bu döyüşdə özunun bütün qüvvəsini
sərf edərək, düşmənə qarşı yüksək səviyyədə döyüşmüşdür.
Polkovnik döyüşçülər arasında ayrıseçkilik etmək istəmirdi.
Onsuz da o, hər bir döyüşçünü öz övladı kimi çox istəyirdi.
Hər bir itirilən ispan əsgərinə görə o, kədərlənə bilərdi.
Alonso oğluna yaxınlaşmadan Migeli yanına çağırıb astaca:
- Migel, nədənsə Xuan gözümə dəymir? Onu harada
vurdular?
151
- Bura gələn zaman elə birinci çayı keçəndə onu ox ilə
vurdular. - deyə Migel eyni qaydada cavab verdi.
Bu sözlərdən sonra polkovnikin qanı lap qaraldı. Başı
solğun halda sinəsinin üstünə endi. Sanki ümidi hər yerdən
qırılmışdı. Son anda söz soruşmaq üçün o, özündə qüvvə
taparaq Migelə nəzər salmadan qeyri-müəyyən tərzdə:
- Meyidini götürməyə imkan yox idi?
- Kapitan Xuan öldürulməyib ki, meyidi döyüş meyda-
nında qalsın. - deyə Migel çiyinlərini dartaraq sönük halda
dilləndi.
Bu cavab elə bil polkovniki yuxudan ayıltdı və onun
əhval-ruhiyyəsi dərhal dəyişdi. Alonsonun çöhrəsində
sevinc cizgiləri yarandı. O, növbəti ümidverici cavabları
cavan zadəganın gözlərində axtarmağa başladı. Migel də öz
növbəsində bu məsələyə aydınlıq gətirmək üçün aludəliklə
sözünü davam etdirdi:
- Kapitan Xuan yaralı halda, baxın o dağın (əli ilə həmin
yeri göstərdi) üstündədir. Ümumiyyətlə, orda bizim on dörd
yaralı silahdaşlarımız var. Hərbi əməliyyat vadidə başa
çatana qədər onlar orada olmalıdırlar.
Məhz bundan sonra cuşa gələn polkovnik Alonso
qarşısındakı keçmiş şagirdini ehtirasla qucaqaladı. Onun
sevinməyinə böyük əsas vardı. Kənarda dayanan konkista-
152
dorlar tanınmış sərkərdənin Migeli nəyə görə qucaqalama-
sının səbəbini anlaya bilmədilər.
Kamaçonun başının üstündə dayanan kapitan Filipp
Odovaldonu da qardaşının həyatı maraqlandırırdı. Polkov-
nik işarələrlə vəziyyətin nə yerdə olduğunu ona başa saldı.
Döyüşün dayandırılması müvəqqəti xarakter daşıyırdı.
Araukanlar hər an konkistadorların üzərinə hücum edə
bilərdilər. Təcili tədbir görmək üçün polkovnik Alonso
bütün zabitləri yanına çağırdı. İlk növbədə yaralı konkista-
dorlara əlüstü tibbi yardım göstərmək üçün sərəncam
verildi. Döyüşün dayanmasına baxmayaraq, bütün konkis-
tadorlar hazırlıqlı vəziyyətə gətirilmişdi. Necə olsa da,
onlarla araukanlar arasındakı məsafə 700-800 metrdən çox
deyildi. Bu döyüşdə hər iki tərəfdən nə qədər itki verilməsi,
bütün zabitləri maraqlandırdığından bu iş bilavasitə Andreə
həvalə edildi. Bütün tapşırılan işlər sürətlə görülməliydi.
Polkovnik üzünü zabitlərə tərəf tutub ehtiramla dedi:
- Vəziyyət gördüyünüz kimi heç də ürəkaçan deyil.
Araukanlar əlavə qüvvə toplamamış biz qəti tədbirlərə əl
atmalıyıq. Yoxsa, biz əlimizdə olan qələbəni düşmənə
təhvil verməli olacağıq. Mən öz fikrimi axırda söyləyəcəm.
- Möhtərəm sinyorlar, bir daha sizi əldə etdiyimiz qələbə
ilə təbrik edirəm! - deyə Alonsonun qardaşı kapitan Filipp
ehtirasla dilləndi. - Krallığımızın qatı cinayətkarları olan
Dostları ilə paylaş: |