181
Bu təklif Alonsonun təəccübünə səbəb oldu. Görəsən, o
bir nəfər kimdir ki, araukanlar həmin adamı məhv etmək
istəyirlər? Şübhə yoxdur ki, hindular əsir aldıqları
konkistadorları məhv etməyəcəklər. Həmin əsirlər bir çox
güzəştlər əldə edilməsi üçün araukanlara vacib lazım idi.
Buna baxmayaraq, kənddə müdafiəyə keçmiş ispanların heç
birisi təslim olmaq fikrində deyildilər. Bu məsələ pol-
kovniki maraqlandırdığı üçün o, həmin konkistadorun
kimliyini öyrənməkdən ötrü Koroya sual ilə müraciət etdi.
Koro da əli ilə Migeli göstərərək ikrah hissi
ilə dedi:
- Bu müharibədə kim də əfv edilsə, Migelə aman
verilməyəcək. Bizim tərəfdən onun dərisi soyulacaq. O,
onlarla mənim ən bacarıqlı və təcrübəli döyüşçümü qılınc-
dan keçirib. Onun nəinki üst-başı, hətta sir-sifəti də bizim
döyüşçülərin qanına batıb. Migelin öldürülməsi hər bir
araukana tapşırılıb. Nə qədər mənim ürəyim döyünürsə, o
bu ölkədən sağ-salamat çıxmayacaq. Odur ki, xoşluqla onu
bizə təhvil ver.
- Migel, mənim şagirdim olub. - deyə Alonso tərəddüd
etmədən dilləndi. - Mən onun xətrini həddindən
artıq çox
istəyirəm. Qoymaram ki, onun başından bir dənə də tük
əskik olsun. Migel mənim dəstəmin ən təcrübəli və baca-
rıqlı döyüşçülərindən biri sayılır. O, hələ öz
işini burada
başa çatdırmayıb.
182
- Onun badına hamınız gedəcəksiniz. - deyə Koro öz
qəzəbini gizlədə bilmədi. - Bir adam belə bu kənddən
salamat çıxmayacaq. Hamınızı məhv
edəcəyik.
- Mən bura kifayət qədər qoşun ilə gəlmişəm ki,
Araukaniyadakı müharibəni birdəfəlik başa çatdırım. - deyə
Alonso qürurla dilləndi. - Artıq Araukaniyanın hər bir
guşəsi mənim əsgərlərim tərəfindən zəbt edilib.
- Sənin əsgərlərinin harada olduqlarından mənim yaxşı
xəbərim var. - deyə istehza ilə dillənən Koro çiyinlərini
çəkdi. - İşğalçıların bir hissəsi böyük sahilin yuxarı
tərəfindədir, bir hissəsi əzəmətli dağların ətəyindədir,
üçüncü bir hissəsi
isə burdadır. Hər bir hissə
ayrı-ayrılıqda
darmadağın ediləcəkdir. Birinci qırğın burdakıların başına
gələcək. Sonra isə növbə o biri dəstələrə çatacaq. Heç kim
bu torpaqdan salamat çıxmayacaq.
Koro elə danışırdı ki, polkovnikin yerinə kim olsaydı,
bəlkə də ruhdan düşərək qəm-qüssə aləminə qərq olardı.
Lakin Alonso iradəsi möhkəm bir adamdır və daxilində hər
bir şeyi sürətlə gotür-qoy etməyə qadirdir. Koro konkista-
dorların fəaliyyətindən tam hali idi. Məhz buna görə də o,
ispanların burdakı dəstəsini darmadağın etmək üçün, bütün
qüvvəsini bu kəndin ətrafına cəmləşdirmişdi. Araukanlar
Araukaniyada iki hissəyə bölünmüşdü əsas hissəsi burda
idi, cüzi hissəsi isə Lyankiue gölü istiqamətində yerləşən
183
istehkamlı kənddə mövqe tutmuşdu. Lakin gözlənilmədən
konkistadorlar həmin kəndə
hücum etməyərək cənub
ərazilərinə soxulmuşdular.
Coğrafi adlardan məhrum olan Koro Anqud körfəzinin
şimal sahilini, böyük sahilin yuxarı tərəfi, əzəmətli dağlar
isə - And dağlarını adlandırırdı. Onu başa düşmək çətin
deyildi. Alonso düşmən üzərində psixoloji üstünlüyü alə
almaqdan ötrü ciddi halda dedi:
- Öz qoşunumu üç hissəyə
təsadüfən bölməmişəm. Əzə-
mətli dağlarda olan konkistadorlar hazırda şimalda
yerləşdirilən döyüşçülərinizi məhv
etməklə məşğuldurlar.
Bəlkə də istehkam qurulduğu kənd mənim döyüşçülərimin
nəzarəti altındadır. Vaxt gələcək burdakı qüvvələr də
darmadağın ediləcək.
Alonso bu sözlərlə Koronun beynində çaşqınlıq
yaratmaq istəyirdi. Yalan məlumat verməklə o, düşmənini
əmin etmək istəyirdi ki, konkistadorların başqa bir dəstəsi
əks istiqamətdə döyüşür. Halbuki Koro burda bəyan etdi ki,
o, ispanların başqa dəstələrinin fəaliyyətindən xəbərdardır.
Buna baxmayaraq bu xəbər Koronu düşündürməyə vadar
etdi. Əgər, Alonsonun sözlərində yalan yox idisə, deməli
araukanların şimaldakı qüvvələri də konkistadorların hücu-
muna məruz qalmışdı. İspanlar bütün cəbhə boyu hücuma
keçərək strateji üstünlüyü ələ almaq arzusunda idilər.
184
Amma Alonsonun buradakı dəstəsinin başı hücuma elə
qarışmışdı ki, onlar özləri düşmənin əhatəsində mühasirəyə
düşmüşdülər. Koro bu fürsəti əldən vermək istəməyirdi. O,
tezliklə mühasirəyə düşmüş konkistadorların darmadağın
edilməsini arzulayırdı. Bunun üçun onun ixtiyarında lazımi
qədər döyüşçülər də vardı. Sadəcə olaraq, Koro naməlum
səbəblərə görə hücumun vaxtını uzatmaq istəyirdi. Halbuki
iki-üç saatdan sonra Araukaniya işıqlı havadan məhrum
olacaqdı. Çox güman ki, Koro konkistadorlara qarşı hücum
tətbiq etmədən onları əsir almaq istəyirdi. Lakin o, bu
dəfəki ispanların iradəsinə yaxşı baləd deyildi. Burdakı
döyuşçülər polkovnik Alonsonun başçılığı altında hansı
vəziyyətə düşürlərsə-düşsünlər, heç də əsir düşmək fikrində
deyildilər.
Koro çöhrəsindəki ciddiliyi itirmədən əli ilə bir daha
Migeli göstərərək hiddətlə
dedi:
- Migel, heç vaxt bizim torpaqdan canını qurtara bilmə-
yəcək. Onun ölüm hökmu çoxdan verilib. Ancaq onunla
yanaşı burada nə qədər saqqallı adam varsa, hamısı məhv
ediləcək. Sağ qalmaq üçün hamınıza şans verilmişdi,
təəssüflər olsun ki, siz bu şansdan istifadə etmədiniz.
Hamınız öz torpaqınıza sağ-salamat qayıda bilərdiniz.
Doğmalarınıza hamınızın ölüm xəbəri gedib çıxacaq.
Dostları ilə paylaş: |