Ramiz Dəniz
Yüklə 3,47 Mb. Pdf görüntüsü
|
193 müdafiə olunmaq üçün indidən hazırlıq işləri görmək lazım idi. Lakin güclü külək onların bu fəaliyyətinə ciddi maneəçilik göstərirdi. Ağır müharibəyə gələn konkistador- lar bütün əzab-əziyyətlərə tab gətirərək, bu vəziyyətdən çıxmağı bacarmalıydılar. Onların içərisində böyük həyat təcrübəsinə malik olan döyüşçülər çox idi və həmin döyüşçülər nə edəcəklərini çox yaxşı bilirdilər. Düzdür, bütün konkistadorlar üçün döyüş meydanında düşmənə qar- şı döyüşmək, təbiətlə mübarizə aparmaqdan çox asan idi. Havanın bu cür kəskin surətdə pisləşməsindən narahat olan qraf Xuan, kapitan Filipp və leytenant Karlos ekspedi- siya başçısına tövsiyyə etdilər ki, dağın başında qalan yaralı silahdaşlarının səhhəti pisləşməsin deyə, onları bu kəndə gətirmək lazımdır. Əks təqdirdə yaralılar təbiətin göstərdiyi ədasına tab gətirməyib məhv olacaqlar. Polkovnik da sərt cavab verməklə bildirdi ki, belə bir havada uzun bir məsafəni qət etmək qeyri-mümkündür. Kömək yalnız hava sakitləşəndən sonra göndərilə bilər. Hər bir çətinliyə sinə gərən qorxmaz Migel zabitlərin tələbini eşidəndən sonra, təklikdə polkovnikə yaxınlaşaraq öz köməyini təklif etdi. Əlbəttə, bu təklif Alonso üçün gözlənilməz idi. O, üzünü Migelə tərəf tuqtaraq maraqla soruşdu: - Məgər, belə bir havada sən o qədər məsafəni qət edə bilərsən?
194 - Nə qədər yağış yağmırsa, mən bu işin öhdəsindən gələ
bilərəm. - deyə Migel tərəddüd etmədən dilləndi. - Axı, bütün vadi dizə qədər palçığa dönüb. Bir çox yerlərdə dərin gölməçələr əmələ gəlib. - Mən demirəm ki, bunu etmək asandır. - deyə Migel israr etdi. - Ağır da olsa, çətin də olsa, mən bu işin öhdəsin- dən gəlməyə çalışacağam. - Migel, oradakı silahdaşlarımıza gedib tonqal qalasan və yağışdan qorumaq üçün dam örtükləri düzəltsən, fərz elə ki, onları ölümün pəncəsindən qurtarmısan. Onlar yalnız ərzaq məsələsində çətinlik çəkəcəklər. Bu işlərin yerinə yetirilməsi üçün mən sənə iki nəfər də köməkçi verərəm. - Köməkçilərə görə çox sağ olun. - deyə Migel təvazö- karlıqla dilləndi. Migel öz xahişi ilə Lope İnyeslə, Xulio Menendesi həmin əməliyyata götürdü. Artıq dağ keçidlərindən sonra cavan zadəgan peşəkar arbalyotçularla yaxından tanış olmuşdur. Həm də o, çox yaxşı bilirdi ki, öz dostları sayılan Luisi görməkdən ötrü onlar bərk darıxırlar. İndi belə bir imkan onlar üçün yaranmışdı.
195
Hava qaralmağa başlayanda üç atlı, düşmən tərəfindən nəzarətsiz qalan kəndi cənub-qərb istiqamətində tərk etdi. Bütün torpaq qalın palçığa dönmüşdü. Atlar sanki bataqlıq ilə hərəkət edirdi. Onlar həddindən artıq gec irəliləyirdilər. Palçıq heyvanların ayağını sovurub özünə tərəf çəkəndə, atlar qorxudan və ya əziyyətdən kişnəməyə başlayırdılar. Qaranlıqda onların səsi daha uzaqlara yayılırdı. Necə ki, gündüz günəşin qarşısı, eləcə də qaranlıqda ulduzların və ayın qarşısı qalın buludlar tərəfindən kəsilmişdir. Belə bir havada, belə bir mühitdə palçıqlı yer ilə hərəkət etmək həddindən artıq çətin idi. Göz-gözü demək olar ki, görmürdü. Atlılar maneələrlə rastlaşmasalar belə, bu qaranlıqda gedib yaralıların qaldıqları yeri tapa bilməyəcəklər. Çıxılmaz vəziyyətdə qalan atlılar nəhayət kəndə qayıtmağa məcbur oldular. Geri qayıtdıqlarına görə polkovnik onları günahlandırmadı. Lakin başqaları yox, məhz Migel qraf Xuan, kapitan Filipp və leytenant Karlos tərəfindən tənqidə məruz qaldı. Hətta onlar cürət edərək Migeli qorxaqlıqda ittiham etdilər. Əlbəttə, onlar bunu cavan zadəganı qıcıqlandırmaqdan ötrü etmişdilər. Polkov- nik araya girməsəydi, bəlkə də onların arasında silahlı
196 münaqişə yarana bilərdi. Məcburiyyət qarşısında qalan Migel birtəhər həmin ittihamları özündən rədd etdi. İş ondadır ki, Migelgilin kəndə qayıtmaları düzgün qərar idi. Heç bir saat keçməmiş „qanlı vadi” güclü yağışın qəzəbinə tuş gəldi. Yenə də yernən-göy bir-birinə qarışdı. Havanın hərarəti daha da aşağı düşdü. Güclü küləyin əsmə- si, şiddətli yağışın yağması və havanın soyuması kənddə mövqe tutan konkistadorları demək olar ki, keyitmişdi. Səhərin açılmasına az qalmış yağış dayandı. Amma dağlardan gələn sel hələ də daşmaqda davam edirdi. Nəinki konkistadorların mövqe tutduqları kəndin aşağı hissəsi, hətta „qanlı vadi“nin çökək yerləri su ilə dolmuşdu. Belə bir şəraitdə istənilən manevrləri etmək qeyri-mümkün idi. Geniş miqyaslı hərəkətlər nəzərə çarpacaq dərəcədə məhdudlaşırdı. Nəinki And dağlarının hündür zirvələri, hətta bura yaxın olan bəzi çılpaq dağların başı qarla örtül- müşdü. Həmin dağlardan əsən küləklər „qanlı vadi“yə ətürpərdici soyuq gətirirdi. Lakin get-gedə küləyin sürəti də azalmağa başlayırdı. Şimal tərəfdə göyün üzü buludlardan xeyli təmizlənmişdi. Şimal və şərq tərəfdən şığıyan topa buludlar cənub-qərb istiqamətində Araukaniyadan uzaqla- şırdı. Günortaya yaxın hava yavaş-yavaş istiləşməyə başladı. Halbuki günəş hələ
də öz qüdrətini tam şəkildə nümayiş Yüklə 3,47 Mb. Dostları ilə paylaş:
|