189
XV fəsil. Təbiətin qəzəbi
Bütün gecəni “qanlı vadi“y güclü leysan yağışı yağdı.
Yer kürəsinin bu hissəsində sanki qıcıqlanma baş vermişdi.
Şimşək çaxır, ildırım qopur, güclü külək əsir, ağacların
şaqqıltısı böyük bir xaotik səs çıxardırdı. Elə bil qış
yenidən bu diyara təşrif buyurmuşdu. And dağlarından
gələn soyuq bütün ətrafda hərarətin kəskin surətdə aşağı
düşməsinə səbəb oldu.
Yarıçılpaq olan araukanlar leysan yağışın ucbatından,
soyuqdan qorunmaq üçün tonqal qalamaqdan da məhrum
oldular. Onlar qızınmaq üçün meşənin içində də tonqal
qalaya bilmirdilər. Lakin konkistadorların da vəziyyəti heç
də ürəkaçan deyildi. Qızınmaq üçün onlar kəndlərdəki
evlərdə tonqal qalamağa müvəffəq olmuşdular. Amma bir-
iki saatdan sonra “qanlı vadi“də şiddətli külək başlayanda
demək olar ki, bütün evlərin damları uçulmuş və tonqallar
leysan yağışların nəticəsində sönmüşdü. Yalnız iki evdə
dam örtüyü uçulmamışdı. Polkovnik Alonsonun göstərişi
ila ağır yaralıların hamısı məhz həmin evlərdə yerləşdirildi.
Bütün qayğı və nəvaziş həmin yaralılara qarşı yönəldil-
mişdir. İsti yeməklər hazırlanmışdı ki, birdən gecənin
ortasında şərq tərəfdəki dağın ətəyindən güclü sel axını baş
verdi. Hələ bu azmış kimi meşə tərəfdən də kənd selə
190
məruz qaldı. Kəndin içərisindən keçən yol ani surətdə selin
altında yoxa çıxdı. Daşqın güclü olduğundan konkistadorlar
evlərin yanında bitən möhkəm
ağacların yanında mövqe
tutmağa başladılar. Kəndin üçdə-iki hissəsi
güclü selin
daşqınına məruz qalmışdı. Hətta iradələri möhkəm
olan
araukanlar məcburiyyət qarşısında qalıb, kəndin mühasirə-
sini yarımçıq qoyub “qanlı vadi“nin mərkəzindəki kəndlərə
çəkildilər.
Hər iki tərəf təbii fəlakətdən yaxa qurtarmağa çalışırdı.
Kəndin şimal tərəfində mövqe tutan araukanlar, xüsusilə
möhkəm zərər çəkdilər. Onların bir neçə nəfəri hətta selin
ağuşuna düşərək boğulub ölmüşdülər.
Axşamdan peyda olan duman küləyin və yağışın təsirin-
dən yoxa çıxmışdı. Polkovnik əvvəlcədən planlaşdırmışdı
ki, hava qaralandan sonra dağın yuxarısında qalmış yaralı-
ları oradan çıxarmaq üçün 7-8 nəfərdən ibarət bir dəstə
göndərsin. Lakin havanın kəskin surətdə dəyişməsindən
bunu etmək mümkün olmadı. Hərə indi öz hayında idi.
Hamı təbii fəlakətlə mübarizə aparırdı. Kəndə hücum edən
güclü sel konkistadorların tutduqları mövqelərə sarsıdıcı
zərbələr endirirdi. Bir çox yerlərdə ağaclar güclü küləyin
təzyiqinə tab gətirməyib, kökündən qoparaq hara gəldi
yıxılırdı. Bir sözlə, “qanlı vadi“də tufan tüğyan edirdi.
Həmin tufanın da nə vaxt səngiməsi bilinmirdi. Araukani-
191
yadakı müharibə müvəqqəti olaraq, təbii fəlakətlə əvəz
olunmuşdu.
Sabahın necə açılması demək olar ki, bilinmədi.
Hamının başı təbii fəlakətlə olan mübarizəyə qarışmışdı.
Necə ki, dünən, eləcə də bu gün göydəki topa buludlar
günəşin boylanmasına imkan vermirdilər. Buludların yeni
heyəti cənub tərəfdən Araukaniyaya doğru şığıyırdı. Çox
güman ki, bu gün yağışların ardı-arası kəsilməyəcək. Bu
belə olan halda, bu gün döyüş əməliyyatlarını davam
etdirmək mümkün olmayacaq. Sadəcə olaraq, bunun üçün
bütün imkanlar məhdudlaşmadı. Dünənki döyüş vaxtı hər
iki tərəfdən çoxsaylı yaralananlar vardı və hər iki tərəf
yaralıları yağışdan və küləkdən qorumağa çalışırdılar.
Konkistadorların işi lap mürəkkəbləşmişdi. Dünənki
döyüşdən sonra kəndə gətirdikləri silahdaşlarının meyit-
lərini gecə ikən sel yuyub aparmışdı. Yalnız iki meyit
kənddə ilişib qalmışdı. Düzdür, hazırda Alonsonu meyitlər
yox, buradakı yaralılar və araukanların məxfi halda
tuqduqları mövqelər maraqlandırırdı. Bundan əlavə o,
fikirləşirdi ki, kapitan Karlın və kapitan Markosun başçılıq
etdiyi dəstələr belə bir hava şəraitində „qanlı vadi“yə
yaxınlaşa biliblər, ya yox? Çox güman ki, onların irəliləyişi
dayanmışdı. Araukaniyanın hər tərəfində tüğyan edən güclü
tufan Anqud körfəzində lövbər salmış gəmilərə də sarsıdıcı
192
zərbələr endirmiş olardı. Gəmilər belə bir havada naməlum
sahillərə qeyri-ixtiyari dəyərək, qəzaya uğraya bilərdilər.
Belə bir havada gəmiləri salamat halda saxlamaq çox
müşkül bir iş sayılırdı. Şübhə yox ki, körfəzin şimal
sahilində bünövrəsi yenicə qoyulmuş hərbi fortun tikintisi
yarımçıq qalmışdır. Belə bir hava şəraitində işləmək qeyri-
mümkün idi.
Ümumiyyətlə, havanın belə bir şəkildə dəyişilməsi
nəinki konkistadorlar üçün, hətta araukanlar üçün də
gözlənilməz idi. Sanki təbiət öz qəzəbi ilə Araukaniyada
başlanan ədalətsiz müharibənin gedişatına son qoymaq
istəyirdi. Qüvvələr isə verilən həyəcan təbilini anlamaq
istəmirdilər. Hamının ürəyi qəzəblə, gözləri isə nifrət
baxışları ilə dolu idi.
Artıq 13-14 saat idi ki, burada güclü yağış yağırdı. Hələ
bilinmirdi yağış nə vaxt dayanacaq. Çünki göyə baxıb bunu
ayırd etmək çox çətin idi. Göydəki cürbəcür formalı bulud-
lar bir-biriləri ilə toqquşaraq, gərgin mübarizəyə girişmiş-
dilər.
Yalnız havanın qaralmasına az qalmış yağışın ardı
kəsildi. Lakin kuləyin gücü heç də zəifləməmişdi. Soyuqluq
hələ də özünü büruzə verirdi. Göydəki buludlar yenə də öz
hegemonluğunu nümayiş elətdirirdilər. Bu o demək idi ki,
yağışın bir daha yağması labüd idi. Sadəcə olaraq yağışdan
Dostları ilə paylaş: |