173
yoxdur ki, dəstəni sürətlə “qanlı vadi”yə çatdırsın. Lakin
həmin işi mən “Destino” gəmisinin kapitanı Manuel Mar-
kosa həvalə etmişəm. O, 40 nəfər döyüşçü ilə bura gələcək.
Həmin döyüşçülərin tərkibində leytenant Mişel Düranın
başçılıq etdiyi 18 nəfərdən ibarət olan ehtiyat dəstəsi də
olacaq. Bir sözlə, ekspedisiyanın bütün döyüşən əsgərləri
burada gedən döyüş əməliyyatlarında öz qüvvələrini
nümayiş etdirəcəklər.
- İşdir, birdən qasidlər deyilən yerlərə gedib çıxmadılar,
onda necə olacaq? - deyə qraf Xuan ehtiyatla dilləndi. -
Kömək olmasa, biz çətinliklə düşmənin hücumuna tab
gətirəcəyik.
- Don Xuan, siz ispan idalqosusunuz, - deyə vəcdə gələn
polkovnik Alonso bezikmiş halda dilləndi. - İspan idalqosu
həmişə öz qətiyyətli addımları, qətiyyətli hərəkətləri və
qətiyyətli fikirləri ilə hamıdan fərqlənibdir. Sizin isə
daxilinizdə böyük inamsızlıq kök salıb. Tam arxayın ola
bilərsiniz, işdir biz bu meydanda köməksiz qalsaq, düşmənə
layiqli cavab verəcəyik.
174
XIV fəsil. Koro mühasirəyə düşən
konkistadorları təslim olmağa çaığrır
Cənub tərəfdən kəndə yaxınlaşan araukanlar yavaş-yavaş
yaşayış məntəqəsini dövrəyə almağa başladılar. Kənd özü
hündür dağlar arasında şimal tərəfdən vadiyə gələn yolun
üstündə yerləşirdi. Bir qədər yüksəklikdə salınan kəndin
bütün sahəsi nahamar yerdən ibarət idi və buradakı evlər
həm yuxarıda, həm də aşağıda tikilmişdi. Şərq hissəsində
yerləşən bəzi evlər hündür dağın ətəyində tikilmişdi.
Oradan kəndə basqın etmək çox asan idi. Şimaldan cənuba
tərəf gələn yol kəndin qərb sərhədindən bir qədər içəriyə
keçirdi. Yolun sol tərəfindəki seyrək evlər, hətta qərb
tərəfdən kəndə bitişik olan meşənin sərhədində tikilmişdi.
Düşmən tərəfindən təhlükəni duyan konkistadorlar yolun
sağ tərəfindəki evlərdə mövqe tutmuşdular. Araukanlar isə
kiçik dəstələrlə kəndin qərb sərhədindəki evlərə də daxil
olmuşdular. Mühasirənin, məhz həmin hissəsində konkista-
dorlarla aborigenlərin arasındakı məsafə həddindən artıq az
idi. Həm şimal, həm
də ki, cənub tərəfdə cəmləşən
araukanlar kənddən bir qədər uzaqda mövqe tutmuşdular.
Hər iki tərəfdən kəndə yaxınlaşmaq üçün təxminən 150-170
metr məsafəni qət etmək lazım idi. Yalnız şərq tərəfdə o da
ki, dağın yamacında araukanların sayı həddindən
artıq çox
175
az idi. Lakin hindular həmin dağın zirvəsini nəzarət altına
almışdılar. İspanların bütün fəaliyyəti göz qabağında idi.
Konkistadorların sayı bəlli idi, onlar da araukanların
təxmini də olsa, sayını müəyyənləşdirmək istəyirdilər.
Polkovnikə çatdırdılar ki, kəndin ətrafına toplaşan
hinduların sayı 450 nəfərdən çox olmaz. Araukanlar bu
kəndin alınmasına çox ciddi hazırlaşmışdılar. Çünki “qanlı
vadi”nin mərkəzində yerləşən istehkamlı kəndin mühafizə-
sində 50 nəfərə yaxın döyüşçü saxlamışdılar. Hamı bura
cəlb olunmuşdu. Hətta araukanların sıralarında on altı
nəfərdən ibarət atlı da vardı. Onların hamısı nizə ilə silah-
lanmışdılar. Atlılar kəndin cənub sərhəddində dayanaraq,
oradan qarşıdakı konkistadorların mövqelərini nəzərdən
keçirirdilər.
Gündüz saat 4 olsa da günəş hələ
də buludların əhatə-
sindən çıxa bilmirdi. Qarşıdakı dağlardan başqa And dağ-
ları buludların arasında yoxa çıxmışdı. Araukaniyaya bas-
qın edən buludlar bununla kifayətlənməyib, Sakit okeana
da yaxınlaşırdılar. Başındakı qarlarla bütün ətrafa şüa salan
möhtəşəm Osorno vulkanı bu dəfə də öz vücudunu gizlət-
məli olmuşdu. “Qanlı vadi”dən başqa bütün yüksəkliklər
buludların əmələ gətirdiyi qalın duman altında yoxa
çıxmışdı. Artıq buradakı ağaclar, dağlar tərəfdən yaranmış
külək hücumundan qərb tərəfə baş əyməyə başladılar. Həm
176
küləyin, həm də dumanın təsirindən havanın hərarəti kəskin
surətdə soyumuşdu. Lakin hələlik
buraya yağış yağmırdı.
And dağlarının üzərində göy guruldayır, şimşək çaxır,
güclü leysan yağışı yağırdı. Həmin yerdə yerlə-göy alt-üst
olmuşdu. “Qanlı vadi”nin gözəl mənzərəsi solqunlaşmış və
bir çox əlvan rənglərdən məhrum olmuşdu. Bütün torpaq
demək olar ki, böz rəngə boyanmışdı.
Bir neçə dəqiqə keçmiş birdən polkovnikə xəbər verdilər
ki, araukanlar kəndin sol tərəfini ayıran yolun ağzına
gələrək, danışıq aparmaq istəyirlər. Həqiqətən də iki atlı
kəndin cənub-qərb çıxacağından bir qədər yuxarıda, yolun
o biri tərəfində dayanmışdı. Məsafə uzaq olsa da, Migel
atlının birini tanıdı, o, Koro idi. Koro takid edirdi ki,
dəstənin rəisi danışığa gəlsin. Polkovnik çox məmnuniyyət-
lə danışıqda iştirak etməyə öz razılıqını bildirdi. Lakin
zabitlər onu tək buraxmaq fikrində deyildilər. Polkovnikə
yaxınlaşan Migel ona izah etdi ki, danışığa gələn hindu-
lardan biri çox təhlükəlidir və həmin
adam kamandan çox
məharətlə istifadə edir. Əlbəttə Alonso danışıqda tək iştirak
etməyəcəkdi. O, özü ilə elə bir adam götürmək istəyirdi ki,
danışıq vaxtı həmin adam ona maneəçilik törətməsin. Məhz
buna görə də o, Migeli özü ilə götürməyi qərara aldı. Bu
qərar hamı üçün gözlənilməz olsa da, heç kim öz etirazını
bildirməyə cürət etmədi.
Dostları ilə paylaş: |