Ramiz Dəniz
Yüklə 3,47 Mb. Pdf görüntüsü
|
161 gəlməyə bilər. Unutma ki, bu müharibədə bizdən başqa kral notariusu da iştirak edir. O, isə hər bir şeyi krala çatdırmağa məcburdur. - Əlahəzrət II Filipp məni ekspedisiya başında Yeni Dünya sahillərinə göndərəndə, İspaniyaya yalnız qaləbə ilə qayıtmağı tövsiyə edib. - deyə polkovnik sağ əlini qardaşı- nın sol çiyninə qoyaraq ciddi halda dilləndi. - Mən də onun tapşırığını
nəzərə alıb İspaniyaya yalnız və yalnız qələbə ilə qayıdacağam. Heç kimə dəxli yoxdur, mən həmin qələbəni hansı üsullarla əldə edəcəm. Düzdür, bu söz sizlərə şamil edilmir. Çünki siz döyüş əməliyyatlarında yaxından iştirak edirsiniz. - Don Alonso, aborigenlər sizin humanist addımınızı başqa cür başa düşəcəklər. - deyə qraf Xuan ehtiramla dilləndi. - Araukanların 131 nəfəri yaralıdır. Onlar sağal- salar böyük dəstə təşkil edə bilərlər. 131 nəfəri məğlub etmək üçün biz nə qədər döyüşçü itirməliyik. Heç şübnəsiz ki, onlar sağalandan sonra, yenidən silaha sarılaraq bizim üzərimizə hücum edəcəklər. - Biz ilk növbədə öz ümidimizi itirməməliyik. - polkov- nik soyuqqanlıqla dilləndi. - Əgər, biz onların həyatına toxunmuruqsa, deməli bizə qarşı olan nifrət hissi
aradan
qaldırılacaq. Çox güman ki, bizim humanist addımımız bütün Araukaniyaya yayıla bilər. Mülki əhalinin bizə qarşı
162 olan düşmənçilik münasibəti kəskin surətdə dəyişər. Yaralı araukanlara həyat verilməsi, bir çox dəyişikliklərə səbəb ola bilər. Kim bilir, bəlkə də onlar öz silahlarını yerə qoyub öz rəhbərlərindən müharibənin dayandırılmasını tələb edə- cəklər? Artıq bu məsələ üzrə bir çox işlər görülüb. Kapitan Alonso bura gələn kimi bir neçə araukan kəndindən keçərək, orada yaşayan mülki əhalini incitməmişdir. Mülki əhali bizimkilərdən belə bir xeyirxah addımı gözləmirdi. Çay keçidləri zamanı araukanlarla toqquşmalar olanda, qardaşım Xuanın göstərişi ilə bütün yaralılar əfv edilmişdir. - Araukanlar yaxşılıq qanan tayfa deyil. - deyə kapitan Filipp ikrah hissilə dilləndi və bir az tərəddüd edəndən sonra sözünə davam etdi. - Bəs, indi araukanların bu hərə- kətinə nə ad vermək olar? Görürsən ki, onlar hiddətlə bizim üstümüzə gəlirlər. - Kim bilir, bəlkə onlar döyüş meydanından öz silahdaş- larını götürmək üçün bura gəlirlər. - deyə Ernando Ramires polkovnikin fikrini dəstəkləməyə çalışdı. - Mən onlara sonuncu şansı verirəm. - deyə polkovnik qürurla dilləndi. - İstəyirəm ki, bu torpaqda yaşayan bütün əhalinin münasibəti bizə qarşı dəyişsin. Bəlkə, sonuncu qələbə əldə etmək üçün bizə növbəti döyüş gərək olmaya- caq. İlk növbədə biz əhalinin etimadını qazanmalıyıq.
163 Alonso peşəkar bir döyüşçü və uzaqgörən bir siyasətçi kimi öz humanist hərəkətləri ilə bu müharibəyə tezliklə son qoymaq istəyirdi. Araukaniyanın mülki əhalisi döyüşçü hindulara öz yardımlarını dayandırsalar, onda hər şey ispanların xeyrinə dəyişə bilər. Döyüşçülər yerli əhaliyə, ispanların amansızlığnı və vəhşiliyi barəsində kifayət qədər təbliğat aparmışdılar. Amansız və vəhşi
konkistadorlar mül- kü əhaliyə və kömək-siz yaralılara heç vaxt aman verməz və öz qəddarlıqlarını nümayiş etdirməliydilər. Sözsüz ki, belə olan halda yadelli işğalçılara qarşı münasibət dəyişil- məliydi. Lakin belə bir məsələlər bir gün ərzində həll
olunmurdu. Artıq araukanların ilkin dəstələri döyüş meydanına gəlib çıxmışdılar. Onlar ilk növbədə oradakı yaralılara kömək etməyə başladılar. Hər iki dəstə döyüş meydanında birləşəndən sonra ispan- ların mövqe tutduqları kəndə tərəf üz tutdular. Polkovnik elə bilirdi ki, hindular öz yaralı silahdaşlarını götürəndən sonra döyüş yerindən geri çəkiləcəklər. O, fikrində yanıl- mışdı. Araukanların inadkarlığından sonra Filipp qardaşı Alonsonun düzgün mövqedə olmadığına görə irad tuqmağa başladı. Bu vaxt kapitan Alonso, leytenant Ernando və qraf Xuan onun yanında idilər. Lakin heç kim polkovnikə irad tutmağı məsləhət
bilmədi. Çünki polkovnik hər an öz səhvi-
164 ni düzəltməyi bacaran bir sərkərdə idi. Kapitan Filippin də irad tutmağı əbəs yerə idi. Nəhayət polkovnik Alonso özünü saxlaya bilməyib, öz hökmünü nəinki ətrafdakılara, hətta qardaşına da nümayiş etdirmək üçün əzmlə dedi: - Filipp, mən nə
etdiyimi çox yaxşı bilirəm. Araukanlar mənim humanistliyimi nəzərə almaq istəmədilər. Onlar növbəti dəfə əzilmək üçün bizim üstümüzə gəlirlər. Həm də yadda saxla ki, mən cəllad deyiləm, peşəkar bir döyüşçü- yəm. Yaralı, köməksiz, yarı şikəst adamları qılıncdan yal- nız cəlladlar keçirməyə qadirdilər. Mənim isə peşəm yalnız əli silahlı düşmənə qarşı mübarizə aparmaqdır. Arxayın ola bilərsən, biz Araukaniyanı qalib kimi tərk edəcəyik. Bu onların son müqavimətidir. - Don Alonso, bu müharibədə uğur qazanmaq üçün sonuncu döyüşdə yalnız qələbə əldə etmək lazımdır. - deyə kapitan Alonso təmkinlə dillənli. - Bu qüvvə ilə biz çətin ki, qələbə qazanaq. Araukanlar fürsətdən istifadə edərək bizim üstümüzə hücum edəcəklər. Onlar bu üstünlüyü əldən verməyəcəklər. - Sinyor Alonso, heç də ruhdan düşmək lazım deyil. - deyə polkovnik təəssüflə başını tərpədərək həmsöhbətinə təsəlli verməyə başladı. - Araukanlar elə başa düşməsinlər ki, üstünlük onların tərəfindədir. Məndə olan məlumata görə bu hücumda
Yüklə 3,47 Mb. Dostları ilə paylaş:
|