Ramiz Dəniz
Yüklə 3,47 Mb. Pdf görüntüsü
|
165 düşmənin 400-450 nəfərlik qüvvəsi iştirak edir. Mənim ixtiyarımda 27 nəfər salamat əsgər var, lakin on bir yaralı da döyüşlərdə iştirak etmək üçün mənə müraciət edibdir. Deməli, araukanlara qarşı 39 nəfər döyüşçü müqavimət göstərəcək. Düşmənin qüvvəsi bizdən 10-11 dəfə çoxdur. Bizi məğlubiyyətə uğratmaq heç də asan olmayacaq. - Bizdə olan konkistadorların hər biri 10 nəfər düşmənə müqavimət göstərməyə qadirdir. - deyə kapitan Alonso ehtirasla dilləndi. - Migel kimi döyüşçülər lap on beş nəfər düşmənə cavab verə bilər. Təəssüflər olsun ki, bizdə belə döyüşçülər azdır. - Migeli o səviyyədə şişirtmək lazım deyil. - deyə qraf Xuan öz etirazını bildirdi. - Sadəcə olaraq, döyüş vaxtı onun bəxti, başqalarına nisbətən gətirir. - Mən onun necə döyüşdüyünün şahidi olmuşam. - deyə kapitan Alonso öz mövqeyini müdafiə etməli oldu. - Döyüş vaxtı ən ağır nöqtələrdə iştirak edir və düşmənin əsas qüv- vəsini özünə cəlb edir. Son döyüşlərdə o, yaman fədakarlıq- la döyüşərək, bir-birinin ardınca şəxsi igidliklər göstərmiş- dir. Biz bura köməyə gələndə araukanlar Andrenin atını ox ilə vurmuş və bizim silahdaşımız piyada qalmışdı. Bu hadisə baş verəndə artıq hamı qabaqda idi. Lakin bu vaxtı Migel öz silahdaşına kömək etmək üçün geriyə dönür. Öz həyatını risqə qoyan Migel leytenant Andreni düşmən
166 əhatəsindən sağ-salamat çıxardır. Döyüşlərin birində kapi- tan Xuan Odovaldonu ox ilə vuranda, bizim komandir demək olar ki, düşmən əhatəsində tək qalır, ancaq bu vaxt Migel özünü onun yanına çatdıraraq, yaralını qeyri-bərabər döyüşdə düşmən əhatəsindən çıxarmağa müvəffəq olur. O, kapitanı qeyri-adi şəraitdə ölümün pəncəsindən xilas edir. Migel buna oxşar qəhrəmanlıqları bir-birinin ardınca təkrar edib. O, peşəkar döyüşçülər sayılan Luisi, Diası və başqalarını ölümün pəncəsindən xilas edə bilib. Öz həyatını hamıdan çox təhlükəyə atan Migel onlarla düşməni qılınc- dan keçirdib və bir dəfə də olsun, qeyri-bərabər döyüşlərdə xəsarət almayıb. Mən ona görə demirəm ki, o, vaxtilə pol- kovnik Alonsonun şagirdi olub. Migel həqiqətən də qılın- cından və kamandan peşəkarcasına istifadə edir və yüksək döyüş qabiliyyətinə malikdir. Onun kimi döyüşçülərdən biz səmərəli istifadə etməliyik. Alonsonun çıxışı polkovnikin əhval-ruhiyyəsini qaldırdı. O, bir anlığa ağır xəyala daldı. Migel yenə də başqa döyüşçülərə nisbətən fərqlənmişdi və bu azmış kimi o, Xuanın həyatını xilas etmişdi. Bu igidlik polkovnikin fikrindən elə-belə yayına bilməzdi. Deməli, Migel həmin
döyüşdə iştirak etməsəydi, Xuan düşmən qərəfindən qətlə yetirilməliydi. Birdən polkovnik başını dik qaldıraraq soyuqqanlıqla dedi:
167 - Hamı etiraf etməlidir ki, Migel bizim ekspedisiyanın ən bacarıqlı və təcrübəli döyüşçülərindən biridir. Ona qarşı heç kim qərəzli mövqedə durmamalıdır. Şəxsən mən etiraf etməliyəm ki, 21 yaşlı cavan zadəgan Araukaniyada gedən ən ağır döyüşlərdə yaxından iştirak edib və hamısında da müsbət cəhətdən
fərqlənib. Polkovnikin etirafı heç də qraf Xuanın ürəyindən deyildi. Necə olsa da, onun Migeli görən-gözü yox idi. Hara gedirsə, kiminlə təmasda olursa-olsun, əgər Migeldən söhbət gedirsə, hamı onun göstərdiyi qəhrəmanlıqlarından dəm vururdu. Amma qraf bu barədə polkovnik ilə söz güləşdirmək istəmirdi. Acı da olsa, polkovnik əsl həqiqəti
söyləyirdi. İndi onu maraqlandıran məsələlərdən biri o idi ki, qardaşının və başqa yaralıların aqibəti necə olacaq? Axı, bütün yaralılar düşmən əhatəsində qalmışdılar. Onlara kömək getməsə, hamısı düşmən tərəfindən məhv
ediləcək- di. Qraf burada gedən söhbətin mövzusunu dəyişmək üçün üzünü polkovnikə tutub səbirsizliklə dedi: - Don Alonso, düşmən öz yaralılarını gəlib döyüş meydanından götürdü. Biz də öz yaralılarımızı yuxarıdan götürsək pis olmazdı. Çünki araukanlar gec-tez onların üzərinə hücum edəcəklər. Biz onları qabaqlamalıyıq. Sonra gec olacaq.
168 - Don Xuan, bu kənddə bizim xeyli yaralılarımız var. - deyə polkovnik həqarətlə dilləndi. - Mən, onları burda qoyub yuxarıdakılara köməyə gedə bilmərəm. Hazırda araukanlar bütün qüvvələrini bu kəndin cənub səddinə cəmləşdirirlər. Çox güman ki, onlar bütün kəndi mühasi- rəyə alacaqlar. Biz onların hücumuna hazır olmalıyıq. - Düşmənə layiqli müqavimət göstərmək üçün bizə əlavə qüvvə lazımdır. - deyə kapitan Filipp təşəxxüslə dilləndi. - Kapitan Karl isə hələ də öz dəstəsi ilə
bura gəlib çıxmayıb. Bəlkə, bizim qasid gedib ora çıxmayıb? Kömək olmasa, bizim üçün müqavimət göstərmək həddindən
artıq ağır olacaq. Verilən tapşırığa əsasən kapitan Karl hücumçu piyada dəstəsi ilə ertəsi günü burada olmalıdır, - deyə polkovnik dərindən ah çəkərək ciddi halda dilləndi. - Göndərdiyim qasid gedib ora çıxa bilməsə, deməli kapitan Karlı gözləməyə ehtiyac olmayacaq. Əgər həmin
dəstə gəlib çıxsa, onda biz bu müharibədə uğur qazanmaq üçün, sonuncu döyüşdə qaləbə əldə edə biləcəyik. Kömək olmasa, birtəhər özümüzü müdafə etməklə yanaşı, düşmənin xeyli qüvvəsini məhv
etməliyik. Bu kənddə 39 nəfər döyüşçü cəmləşib, onlardan 27-si süvaridir. Süvari dəstəsi isə vadinin hər bir yerində düşmənə əks zərbə endirə bilər. Yüklə 3,47 Mb. Dostları ilə paylaş:
|