Ramiz Dəniz
Yüklə 3,47 Mb. Pdf görüntüsü
|
157 Polkovnik Alonsonun ixtiyarında 27 nəfər salamat əsgər qalmışdı. Bu qədər qüvvə ilə hücum əməliyyatını davam etdirmək, sadəcə olaraq ağılsızlıq sayılırdı. Təcrübəli sər- kərdə də bu problemi çox yaxşı anlayırdı. Hücum etməyə burdakı qüvvə kifayət etmirsə, deməli konkistadorlar vadi- də özlərinə münasib yer taparaq müdafiəyə hazırlaşmalıy- dılar. Lakin çox çətin ki, aborigenlər sonuncu qüvvələri ilə konkistadorların üzərinə hücum etsinlər. Halbuki ispanların 27 nəfərlik qüvvəsini darmadağın etməyə onlar qadirdilər. İspanlarda odlu silahlar olmasaydı, araukanlar növbəti hücum tətbiq edə bilərdilər. Həm də onlar qorxurdular ki, necə ki, süvari dəstəsi, eləcə də başqa bir ehtiyat qüvvəsi konkistadorların köməyinə gələ bilər. Bütün gözlənilməz halları nəzərə almaq lazım idi. İspanlar düşmən üzərində böyük qələbə qazansalar da, özləri də son döyüşlərdə böyük itkilər vermişdi.
158
Qərara alındı ki, bütün dəstə “qanlı vadinin” şimali- şərqində yerləşən kənddə müvəqqəti dislokasiya qurmalı- dır. Əlavə qüvvə gəlməmiş konkistadorlar hücum əməliy- yatlarını davam etdirə bilməzlər. Kəşfiyyatçılar kəndi yoxlayandan sonra bütün dəstə həmin yaşayış məntəqəsinə köçdü. Kənddə mövqe tutma- ları onunla izah olundu ki, birincisi onların qüvvəsi xeyli azalmışdı, ikincisi isə hava getdikcə pisləşirdi. Güclü yağış yağsa konkistadorlar özləri də, yaralılar da kənddəki evlərdə sığınacaq tapa bilərdilər. Yaralı araukanlarla necə rəftar edilməsi müzakirə olunanda zabitlər arasında qızğın mübahisələr getdi. Əksər zabitlər yaralıların qatı cinayətkarlar kimi elə yerindəcə edam olunmalarını təkid edirdilər. Necə olsa da, onlar bir neçə ispan əsgərinin ölümünə bais olmuşdular. Lakin polkovnik Alonso həmin müzakirəni yarmçıq qoyaraq, kəndə getmişdir. Yaralı araukanlar isə göz qabağında döyüş meydanında qalmışdılar. Bir çox yaralının vəziyyəti ağır olduğundan onların qışqırtısı, ah-naləsi bütün ətrafı bürü- müşdü. Bir neçə nəfəri şübhəsiz ki, qan axmadan yerlərində keçinəcəklər. Onlara təcili olaraq tibbi yardım lazım idi.
159 Meşənin kənarında cəmləşən araukanlar bir sıraya düzü- lərək mütəşəkkil surətdə döyüş meydanına yaxınlaşmağa başladılar. Eyni olaraq, istehkam qurulan kənddən də hinduların böyük bir dəstəsi döyüş meydanına tərəf üz tutdu. Məsafə uzun olsa da, araukanlar hansısa vasitə ilə biri-birilərilə əlaqə saxlayırdılar. Hazırda onlar eyni vaxtda iki istiqamətdə döyüş meydanına tərəf hərəkət edirdilər. Konkistadorlar anlaya bilmirdilər aborigenlər bir-birilərilə necə əlaqə saxlayırlar. Düşmənin yaxınlaşdığını görən zabitlər yenidən polkovnikin başına toplaşırdılar. Onları yaralı hinduların aqibəti maraqlandırırdı. Polkovnik isə bu məsələyə dair heç bir reaksiya vermirdi. Nəhayət onun qardaşı kapitan Filipp tab gətirməyib səbirsizliklə soruşdu: - Alonso, yerdə uzanan murdarların aqibəti necə olacaq? Yarım saatın ərzində köməyə gələn aborigenlər burada olacaqlar. Ondan sonra yaralılar bizim əlimizdən çıxacaq. - Filipp, nəyə görə başa düşmürsən, mən silahsız və köməksiz adamların qətlində iştirak etmək istəmirəm. - deyə Alonso hiddətlə dilləndi. - Bir neçə dəqiqə bundan əvvəl onların hamısı silahlı idi. - deyə kapitan Filipp narazı halda dilləndi. - Don Alonso, araukanların hamısı qatı cinayətkarlardır və onlar cinayətkar kimi öz cəzalarına çatmalıdırlar. - deyə qraf Xuan da Filippin təklifini dəstəklədi.
160 - Onları qılıncdan keçirməsək, araukanlar elə biləcəklər ki, biz onlardan qorxuruq. - deyə fürsətdən isqifadə edən Karlos qeyri-müəyyən tərzdə dilləndi. - Əgər, biz onların yerində olsaydıq, araukanlar çoxdan bizi o dünyalıq etmişdilər. Polkovnik Alonso bu məsələyə dair bütün zabitlərin fikrini bilmək istəyirdi. Lakin başqaları hələlik susmağı üstün tuturdu. Onlar yalnız polkovnikdən sonra öz fikirləri- ni bildirmək istəyirdilər. Çünki həmin zabitlər çox yaxşı bilirdilər ki, polkovnik yaralı hinduların vəhşicəsinə qırılmasının tərəfdarı deyil. Ancaq buna baxmayaraq, polkovnik cavab verməyə tələsmədi. İşi belə görən kapitan Filipp yenə də bu məsələyə dair çıxış etdi. O, dedi: - Alonso, başa düşürəm, sən nə etmək istəyirsən. Sənin qarşındakılar Avropanın hər hansısa sivilizasiyalı dövlə- tinin əsgərləri deyil ki, onlara öz alicənablığını nümayiş etdirəsən. Onlar Yeni Dünyanın ən vəhşi, ən qəddar hindu tayfasıdır. Unutma ki, onlar neçə-neçə bizim ekspedisi- yaları darmadağın ediblər. Heç olmasa, Migelin babası mərhum Pedro Valdiviyadan nümunə götür. O, döyüşdə əsir aldığı 400 araukanın əllərini biləklərindən kəsdirmişdir ki, başqalarına ibrət dərsi olsun. Sən isə bizim əsgərlərin qətlində iştirak etmiş qatilləri cəzasız buraxmaq istəyirsən. Sənin bu humanist addımların əlahəzrət II Filippin xoşuna
Yüklə 3,47 Mb. Dostları ilə paylaş:
|