Ramiz Dəniz
Yüklə 3,47 Mb. Pdf görüntüsü
|
169 - Don Alonso, inanmıram ki, bugünkü döyüşdən sonra araukanlar bir daha hücuma keçsinlər. - leytenant Ernando düzgün bir mülahizə irəli sürdü. - Düşmən həddindən
artıq
çoxlu canlı qüvvə sarıdan itki verib. - Bu fikir ilə razılaşmaq olar, - deyə Filipp aludəliklə dilləndi. - ancaq unutmaq lazım deyil ki, araukanlar qisasçı bir hindu tayfasıdır və onlar çox güman ki, öldürülmüş silahdaşlarının qisasını almaq üçün hücuma keçəcəklər. - Düşmənin növbəti hücumuna tab gətirsək də, biz həmin
sir-sifətini turşudaraq məyus halda dilləndi. - Onlar sanki bütün qüvvələrini bura gətiriblər. - Elədir ki, var! - deyə polkovnik Alonso soyuqqanlaqla dilləndi. - Əlavə qüvvə gəlməsə, biz məğlub olacağıq. - deyə Fi- lipp bu ifadəni xüsusilə vurğuladı. - Araukanları tam məğlubiyyətə uğratmaq üçün bizə son qələbə lazımdır və mən həmin qələbəni Allahın köməyi ilə əldə edəcəm. - deyə polkovnik qürurla dilləndi. - Biz ertəsi günə kimi düşmənin hücumlarına tab gətirməliyik. Ertəsi günü düşmən hər tərəfli məhv ediləcək. Buna əmin ola bilərsiniz. Kapitan Alonsonu hazırda bura çağırılan kapitan Karlın dəstəsi maraqlandırırdı. O, uzaqgörən sərkərdə olduğunu
170 bir daha sübut etmişdi - “qanlı vadi”dəki vəziyyətin gərgin- ləşəcəyini əvvəlcədən nəzərə alaraq, həmin dəstəni bura çağırtdırmışdı. Alonso polkovnikin belə bir ehtiyatlı hərə- kətinə, vəziyyətin qabaqcadan duymasına, bütün müharibə- nin müqəddəratını həll
edəcək qərarın çıxarılmasına mat- məəttəl qalmışdı. Kapitan Alonso bu məsələni aydınlaşdır- maq üçün təmkinlə polkovnikdən soruşdu: - Don Alonso, siz haradan bilirdiniz ki, “qanlı vadi”də vəziyyət həddindən
artıq gərginləşəcək? Necə olsa da, kapitan Karlın ardınca göndərilən qasid, bu gün baş verən döyüşdən xeyli əvvəl göndərilib? Bu çox maraqlıdır? - Mən hər hansı bir ciddi addım atmamışdan əvvəl yüz dəfə ölçüb, bir dəfə biçirəm. - deyə polkovnik Alonso kəndə yaxınlaşan araukanların hərəkətlərinə nəzər yetirə- yetirə aludəliklə dilləndi. - “Qanlı vadi”yə daxil olmağa bir gün qalmış, mən bura üç nəfərdən ibarət ən təcrübəli kəşfiyyatçı dəstəsi göndərmişdim. Onlar, burada 1000 nəfərə yaxın silahlı döyüşçünün olduğunu mənə çatdırdılar. Əlbəttə, mən 50 nəfərlik dəstə ilə düşmənə sarsıdıcı zərbə endirə bilməzdim. Düzdür, onu bilirdim ki, mən bura daxil olanda, qərb tərəfdən yaxınlaşan süvari dəstənin bizim köməyimizə çatmağına şübhə etmirdim. Araukanların böyük qisminin burada cəmləşməsindən, mən belə qənaətə gəldim ki, kapitan Karl Kesadanın getdiyi istiqamətdə
171 düşmənin böyük qüvvəsi yoxdur. Məhz buna görə də mən həm
kapitan Karlın dəstəsinin, həm də Anqud körfəzinin şimalında yerləşən bizim ehtiyat dəstəsinin müəyyən bir hissəsinin
bura gəlməsi üçün qasidlər göndərmişəm. Həmin dəstələr ertəsi günü “qanlı vadi”yə həm şimaldan, həm də qərbdən daxil olacaq və düşmənin dəstələrinə arxadan gözlənilməz zərbələr endirəcəklər. Hər şey mənim planım üzrə getsə, onda araukanlar ən ağır məğlubiyyətə düçar olacaqlar. Araukanların məğlubiyyəti bir növ, eramızdan əvvəl 71- ci ildə Roma imperiyasında Spartakın başçılığı altında qalxan qullar üsyanının darmadağın edilməsinə bənzəyə- cək. O vaxt Mark Lisini Krassın həyata keçirdiyi hərbi əməliyyat zəmanəsinin bütün sərkərdələrinin maraqına səbəb olmuşdur. Mən həmin
hərbi əməliyyatla Plutarxın yazdığı kitabı oxumaqla, tanış olmuşam. Artıq kapitan Alonsoya bəlli oldu, polkovnikin nəzərdə tutduğu plan nədən ibarətdir. Necə olsa da, sərkərdəlik səviyyəsinə qalxmağa çalışan kapitan Alonso da Plutarxın əsərləri ilə tanış idi: Eradan əvvəl 74-cü ildə Roma imperiyasında Spartakın başçılıqı altında qulların üsyanı başlamışdı. Senat vaxtı ilə Sullanın ordusunda döyüşmüş, ən varlı adamlardan biri olan pretor Mark Lisini Krassı fövqəladə vəkalət ilə Spartaka qarşı əməliyyata göndərir.
172 E.ə. 71-ci ildə Spartak öz ordusu ilə Brundiziyaya çəkilir. Krass senata müraciət edərək İspaniyada Sertoriyə qarşı muharibədən qayıdan Qney Pompeyi və Frakiyadan Mark Lisini Lukullu Mitridat ilə muharibədən geriyə çağırıb, ordu ilə birlikdə özünə köməyə göndərilməsini tələb edir. Qəti döyüş Apuliyada baş verir. Spartak elə başa düşür ki, o, yalnız Krassın qoşununa qarşı döyüşməli olacaq. Lakin döyüş başlayandan bir qədər sonra həm Lukull, həm də Pompey öz qoşunları ilə üsyançılara qarşı cinahlardan zərbə endirirlər və bununla da döyüşün müqəddəratını həll edirlər. İndi polkovnik Alonso bu taktikanı Araukaniyadakı aborigenlərə qarşı tətbiq etməyə çalışırdı. Mark Krassın taktikasını burada tətbiq etməklə, Alonso İspaniyanın zəfər bayrağını birdəfəlik Araukaniyda sancmaq istəyirdi. O, qələbə çalacağına çox əmin idi. Əksəriyyət zabitlər kapitan Karlın ardınca qasid göndərilməsindən hali idi, lakin Anqud körfəzinin şimal sahilinə qasid göndərilməsindən hamı xəbərsiz idilər. Həmin sual ilə Filipp çıxış etdi. Pol- kovnik də cavabında dedi: - Qasidlər eyni vaxtda göndərilib. Körfəzə yol uzaq olduğundan bu haqda heç kimə məlumat verməməyi lazım bilirəm. Ola bilsin ki, həmin qüvvə nəzərdə tutulmuş vaxtdan gec gəlib çıxsın. Sahildəki düşərgədə elə zabit də
Yüklə 3,47 Mb. Dostları ilə paylaş:
|