185
- Məni məhv etmək heç birinizə müəssər olmayacaq. -
deyə Migel özün saxlaya bilməyib qürurla dilləndi. - Amma
sən yadda saxlamalısan ki, səni öldurməmiş mən heç vaxt
Araukaniyanı tərk etməyəcəm. Tək qalsam belə, mən öz
vədimi yerinə yetirəcəm.
- Sən ağır işgəncələrlə öldürüləcəksən. - deyə Koro
hiddətlə qışqırdı.
Alonso öz keçmiş şagirdini sakitləşdirmək üçün sağ əlini
yuxarı qaldırdı və iti nəzərlərini Koroya tərəf yönəldərək,
hüznlə dedi:
- Araukaniyada biz öz missiyamızı müvəffəqayyətlə
yerinə yetirəcək və İspaniyaya qalib kimi qayıdacağıq.
Əlində silah olan hər bir araukan rəhm edilmədən döyüşçü-
lərim tərəfindən qılıncdan keçiriləcək. Bu muharibədə
bütün Araukaniya dizləri üstə çökəcək və bu torpaq ispan
taxt-tacının mülkü kimi İspaniyanın tabeliyinə keçəcək. Bu
müharibə bütün araukanlar üçün sonuncu müharibə olacaq
və burada baş verən xaosa birdəfəlik son qoyulacaq. Sən bir
rəhbər kimi öz millətini böyük bəladan qurtara bilərdin,
təəssüflər olsun ki, sən bu şansdan istifadə etmədin.
Polkovnikin sözlərindən daha da qəzəblənən Koro az
qala rəqiblərinin üstünə şığıyacaqdı, lakin atı iki-üç addım
irəli gedəndən sonra o, atının yüyənini bərk dartaraq
dayandı və qamətini dik tutaraq hüznlə:
186
- Bu müharibə heç vaxt araukanlar üçün sonuncu ola
bilməz. Çünki biz öz müstəqilliyimiz və azadlığımız
uğrunda döyüşürük. Bu amal uğrunda döyüşdüyümüz üçün
biz həmişə qələbə qazanmışıq. Bizim torpağa nə qədər
işğalçı dəstələri gəlibsə, hamısı da amansızcasına
darmadağın edilib. Sizin də aqibətiniz, o birilərin aqibəti
kimi olacaq. Bu torpaqda baş verən hər bir müharibə bizim
qələbə ilə başa çatıb. Bizdən fərqli olaraq, siz heç vaxt
burada böyük bir həvəslə, canfəşanlıqla döyüşə bilmirsiniz.
Çünki siz işğalçısınız və bu torpaqdan qat-qat uzaq yerlərdə
doğulmusunuz. Yad bir adam heç vaxt bu torpaqda
araukanlar kimi döyüşə bilməz. Sizi burada qələbə yox,
yalnız dəhşətli ölüm gözləyir. Möhtəşəm dağlarla əhatə
olunan Araukaniyaya, əlində silahla gələn konkistadorların
qəbristanlığına çevrilib.
- Araukaniya yalnız araukanların qəbristanlığına çevrilə
bilər. - deyə Alonso qətiyyətlə dillənərək, bu görüşə yekun
vurdu və arxaya baxmadan atı ilə buradan uzaqlaşdı.
Polkovnik çox yaxşı bilirdi ki, havanın qaralmasına çox
az qalır və araukanlar çox güman ki, bu gün geniş miqyaslı
hücuma keçməyəcəklər. Bundan da əlavə hava getdikcə
pisləşirdi. Aborigenlər belə havada istədikləri səviyyədə
effektli zərbələr endirə bilməyəcəklər. Hələ nəzərə almaq
lazımdır ki, bir neçə saatdan sonra burada güclü yağışlar
187
yağacaq. Belə bir havada döyüşmək xüsusilə çətin olacaq.
Burada fəaliyyət göstərən küləyin gücü həddindən artıq
möhkəm
artırdı. Çox güman ki, havanın hərarəti aşağı
düşəcək. Konkistadorlar belə bir soyuq havaya çətinliklə
tab gətirəcəklər. Soyuqdan onları yalnız gecə qalanacaq
tonqallar qoruya bilərdi.
Havanın qaralmasına az vaxt qaldığına baxmayaraq,
araukanların sırasında canlanma hiss olunurdu. Xüsusən də
yolun solundakı evlərdə mövqe tutanlar sanki hücum etmək
üçün yolu keçməyə hazırlaşırdılar. Bu döyüşün yenidən
başlanmasına gətirib çıxarda bilərdi. Konkistadorların rəisi
isə hazırda növbəti döyüşün baş verməsini arzulayırdı.
Polkovnik Alonso hökmən
adekvat addımlar atmalı idi.
Buradakı təhlükənin qarşısını almaq üçün o, ilk növbədə
kəndin qərb hissəsində
mövqe tutmuş araukanları vurub
oradan çıxarmalı idi.
Vaxtı udmağa çalışan polkovnik ixtiyarında olan dəstəni
iki hissəyə
bölməyi qərara aldı. Döyüşmək istəyən 39
konkistadordan 12-si yaralı idi. Yaralılar piyada dəstəsini,
qalanlar isə süvari dəstəsini təşkil etdilər. Piyada dəstəsi
odlu silahla zəncir şəklində yolun ağzına yaxınlaşaraq,
oradan yolun o biri tərəfində mövqe tutan araukanları atəşə
tutacaqlar. Həmin əməliyyatdan beş dəqiqə sonra süvari
dəstəsi kəndin qərb hissəsinə
hücuma keçəcək. Hücum elə
188
tez baş verməli idi ki, başqa yerlərdə mövqe tutan hindular
dərhal döyüşə girişə bilməsinlər. Ondan sonra isə
araukanlar hansı hissədən hücuma keçəcəklər, konkista-
dorlar da həmin hücumçulara əks zərbə endirəcəklər.
Hər şey polkovnikin planlaşdırdığı kimi başladı. Piyada
dəstəsi yolun o biri tayındakıları atəşə tutanda, bu düşmən
üçün gözlənilməz bir əməliyyat sayıldı. Öz sıralarını niza-
ma gətirən araukanlar, konkistadorların hücuma keçmədik-
lərini görüb hamılıqla yolun ağzına toplaşaraq, öz rəqib-
lərinə oxlar yağdırmağa başladılar. Elə bu vaxt süvari
dəstəsi polkovnik Alonsonun başçılığı altında hücuma keç-
di. Süvarilərin hücumunu gözləməyən düşmən öz mövqe-
lərini atıb meşəyə tərəf qaçmağa başladılar. Süvarilərə
müqavimət göstərmək üçün onların qüvvəsi çox az idi.
Müqavimət göstərmədan döyüş meydanını tərk etmək
heç də araukanlara xas olan hərəkət deyildi. Araukanlar
dərhal meşənin ağzında mövqe tutdular. Polkovnik hiss etdi
ki, düşmən onlara qarşı meşənin girəcəyində pusqu qurub.
Ona görə də süvariləri öz köhnə mevqelərinə qaytardı.
Dostları ilə paylaş: |