Beynəlxalq nəqliyyat əməliyyatları D ə r s v ə s a i t i
79
daşımaları potensialı formalaşdırılmışdır. Məsələn, Böyük
Britaniya və Yaponiyada ümumi beynəlxalq ticarət daşımalarının
98%-i, ABŞ-da isə 90%-i dəniz nəqliyyatının payına düşür.
Ümumilikdə isə beynəlxalq yük daşımalarının 60 %-dən çoxu
gəmiçilik nəqliyyatı sektoruna aiddir. Bir çox Beynəlxalq
nəqliyyat təşkilatlarının məlumatlarında XXİ əsrin birinci
onilliyinin yekunlarına əsasən dünya üzrə ümumi yük
dövriyyəsinin intensivliyi ildə orta hesabla 31000-32000 mlrd
ton/km qeyd olunmuşdur. Bu dövriyyə hesabına dünya üzrə
daşınan yükün ümumi həcmi ildə orta hesabla 5100-5200 mln/ton
təşkil edir.
7.3. Dünyanın əsas dəniz nəqliyyatı marşrutları və iri
limanları
Dünyanın bir çox dəniz sahilli ölkələrində güclü
infrastruktura malik beynəlxalq yük daşımaları infrastrukturu və
iri dəniz limanlarının yaradılmasına imkan vermişdir. Məlumdur
ki, dünyada ən güclü infrastruktura malik beynəlxalq dəniz
nəqliyyatı qovşaqları Atlantik okeanında formalaşdırılmışdır.
ABŞ ilə Qərbi Avropa arasında, Aralıq dənizi ilə, Şimal və
Norveç dənizləri arasında olan istiqamətlər üzrə iri həcmdə
yükdaşıma əməliyyatları dövriyyəsi diqqəti cəlb edir. Digər iri
dəniz nəqliyyatı infrastrukturuna malik olan Sakit okeanın payına
beynəlxalq dəniz daşımalarının 25 %-i düşür. Bu okeanda ABŞ və
Kanadanı Şərqi və Cənub-Şərqi Asiya ilə birləşdirən Sakit okean
istiqamətini, ABŞ-ın Atlantik okean sahillərini Havay adaları ilə
Panama kanalı hesabına Yaponiyanı birləşdirən istiqamətlərini,
Avstraliya ilə Yaponiya və Şərqi Asiyanın digər ölkələrini
birləşdirən Transokean istiqamətlərinin güclü potensialını
Beynəlxalq nəqliyyat əməliyyatları D ə r s v ə s a i t i
80
göstərmək mümkündür. Dəniz gəmiçiliyi ilə yükdaşımalarda
üçüncü yeri Hind okeanı tutur və onun payına dünya dəniz
daşımalarının 15%-ə qədəri düşür. Süveyş kanalı vasitəsilə
Avropadan Asiya və Avstraliyaya həyata keçirilən beynəlxalq
yükdaşımaları xüsusi önəm kəsb edirlər.
Dünya dəniz limanlarının ümumi sayı bir sıra mənbələrdə
10-15 mindən çox göstərilsə də, bununla belə beynəlxalq
yükdaşımalarda mühüm əhəmiyyət kəsb edən limanların sayının
2200 -2250 olduğu bildirilir. Bu limanlardan 900-ü Avropada,
500-ü Amerikada, 400-ü Asiyada və qalanları digər ərazilərdə
fəaliyyət göstərirlər. İri dəniz limanlarına xas olan əsas
xüsusiyyətlər, onların müxtəlif yükləri qəbul edə bilməsi,
yerləşdirməsi, qruplaşdırması və sortlaşdırması imkanlarının
olmasıdır.
Dünyanın ən iri limanlarıdan- illik yük dövriyyəsi 100 mln.
tondan çox olan bir qrup universal dəniz limanlarına misal olaraq,
Sinqapur(illik yük dövriyyəsi 325 mlnton), Rotterdam-
Niderland(320),
Yeni
Orlean-ABŞ(225),
Şanxay-Çin(185),
Syanqan-Çin (175), Tiba-Yaponiya (170), Hyuston-ABŞ (160),
Naqoya-Yaponiya (155), Ulsan-Koreya (150), Antverpen-Belçika
(130), İnçxon-Koreya (120), Pusan-Koreya (115), İokoqama-
Yaponiya (115), Qaosyun – Tayvan (115), los-Anceles – ABŞ
(115) və sairləri göstərmək olar.
Məlumdur ki, dünya ölkələrinin beynəlxalq daşımalarda əsas
potensiallarının göstəricilərindən biri də geniş imkanlara malik
yükdaşıma gəmiləri parkının olmasıdır. Yaponiyada gəmilərin
sayı 8650, Panamada – 6140, ABŞ-da – 5640, Rusiyada – 4700,
Çində - 3290, Sent-Vinsent və Qrenadada – 2440, Koreyada-
2430, Norveçdə - 2360, Filippində-1950, Sinqapurda – 1750,
Liberiyada – 1630, Maltada – 1570, Kiprdə -1560, Yunanıstanda
Beynəlxalq nəqliyyat əməliyyatları D ə r s v ə s a i t i
81
– 1500, İtaliyada – 1400, Baham adalarında – 1300, Türkiyədə -
1150, Danimarkada – 1050, Almaniyada – 1030, Hindistanda –
970, Tayvanda – 680, Malayziyada – 630 və sairləri qeyd etmək
olar.
7.4. Beynəlxalq dəniz kanalları və onların əsas
funksiyaları
Bir çox dünya ölkələrinin iqtisadi inkişaf prosesləri
sürətləndikcə beynəlxalq dəniz daşımalarına tələbatın artması bir
zərurət kimi çıxış edir. İqtisadi inkişaf proseslərində strateji
hədəfləri qarşıya qoyan bir qrup region ölkələri və ölkə qrupları
dünya okean sularının beynəlxalq dəniz daşımaları imkanlarından
yararlanmaq üçün dənizləri və çay hövzələrini bir-birinə
birləşdirən və onları okean sularına qovuşduran vasitəçi su
kanallarının tikintisinə xüsusi önəm vermişlər.
Beynəlxalq dəniz nəqliyyatının səmərəli təşkilində və
beynəlxalq
yük
daşımaları
marşrutların
diversifikasiyalaşdırılmasında dəniz kanallarının və körfəzlərin
böyük əhəmiyyəti vardır. Buna misal olaraq, Süveyş kanalı və
Panama kanalını göstərmək olar.
Süveyş kanalı vaxtilə keçmiş SSRİ-nin yaxından iştirakı ilə
inşa olunmuş və Misirdə eyni adlı boğazdan başlayaraq, Afrika ilə
Asiyanı birləşdirməklə, şimaldan cənuba Port-Səiddən Qırmızı
dənizdən Süveyşə qədər uzanır. Kanalın uzunluğu 161 km,
dərinliyi 17 m və eni-120-150 metrdir. Bu kanalın üstün spesifik
xüsusiyyətlərindən biri də - Aralıq dənizi ilə Qırmızı dənizin eyni
səviyyədə olması səbəbindən su axını üçün xüsusi şlyüzun
tikilməsinə ehtiyacın olmaması ilə izah edilir. Bu kanalda illik
beynəlxalq yükdaşımaların həcmi 250-260 mln. ton və gəmilərin
Dostları ilə paylaş: |