104
ğısız uşaqlar kimi birlikdə oynayıb əylənək. Ya da, o böyümüş‐
düsə, mənim də əvvəlki uşaq olmadığımı anlatmaq istəyirdim
ona... Ancaq, o “günah iş” məni ondan hər dəfə kənara itələ‐
yirdi – diligödək olmuşdum onun yanında.
...Sabah nənəmin nobatına gedəcəyini bilirdim. Ertədən nə‐
nənin heyvanlarını həyətdən çıxararkən mənim də nə qədər bö‐
yüdüyümü, artıq yetişmiş qız olduğumu görsün deyə, ağlıma
“ağıllı” bir fikir gəlmişdi. Onsuz da, istidən eyvanda yatmaq
olmurdu. Odur ki, nənəylə çənə döyə‐döyə axşam həyətimiz‐
dəki üstüaçıq çardaqda yer salmağa nail oldum. Dörd çürük tir
üstündə qurulmuş bu “himə bənd” yellənən çardaq, üstü qamış
və civir budaqları ilə örtülmüş, yanları açıq idi – əsl bostan
gözətçilərinin çardağı kimi. Eşşəkarıları çardağın bütün millə‐
rini dəlik‐deşik etmişdilər. Altdan palaz sərib, yorğan‐döşəyimi
çardaqda saldım. Axşam Fərhadgildə televizora baxanda eşit‐
dirdim ki, – “Bu gecə çardaqda yatacağam”. Hətta nənəm, –
“Keçinin üç buynuzu olmur ki, keçi bax belə olur!” – deyə sa‐
çımı yolmuş, hamını mənə güldürmüşdü. Ertədən Fərhad töv‐
lənin yolağasını açanda səsə oyandım. Nənənin heyvanlarını
qabağına qatıb çardağın yanından keçırdi. Üzüstə uzanmışdım.
Yorğanımı üstümdən yana “düşürüb” güllü üçkünc alt tuma‐
nımı, baldırlarımı, çılpaq belimi görsün deyə yerimdə gərnəşib
qıvrıldım. Guya ki, yuxudayam və heç nədən xəbərim yoxdur.
Fərhadın ani dayandığını və məni gördüyünü hiss elədim. O,
nərdivanla çardağa çıxıb “yana düşmüş” yorğanla üstümü eh‐
malca örtdü və heyvanların arxasınca qaçdı. Axşamadək çılpaq
bədənimin Fərhada necə təsir etdiyinin marağı məni götürmüş‐
dü – gün boyu əsəb içindəydim. Axşam yenə onlara yığışanda
Ağa əmi məndən soruşdu, – “Çardaqda necə yatdın, qızım, qor‐
xub eləmədin ki?”.
– Yox. Amma bir az üşüdüm, – dedim.
Fərhad gülümsünərək:
105
– Lüm‐lüt yatanda üşüyərsən də. Səhər üstünü mən ört‐
müşəm, yorğanın yerə düşmüşdü.
Planım işə yaramamışdı. Yenə də hamının gülüş mənbəyi
olmuşdum. Axmaq vəziyyətdə qalmaq məni lap cana yığmışdı.
Axşamkı həyasızlığıma görə az qala yerə girdim. Yaxşı ki, Fər‐
had qəlbiqara deyildi və bunu yuxulu bir qızcığazın üstünü
açması kimi adi qəbul eləmişdi. “Yox, bacarmıram!” – deyib, o
gündən Fərhada olan gicbəsər hisslərimi boğmağı qarşıma
məqsəd qoydum. Yenə əvvəlkitək “dəli keçi” rolumu oynama‐
ğa qərar verdim – ancaq artistliyimin soyuqluğundan özüm
üşünürdüm.
...Familə xala günortadan paltarları islağa qoymuş və ha‐
mamı qalamışdı.
– Dilbər balam, hamamda isti su var, çimmək istəyirsənsə
gəl çim – dedi.
– Dəyişəklərimi götürüb gəlirəm, Familə xala – deyib evi‐
mizə qaçdım. Hamama girib qapını arxadan kilidlədim. Paltar‐
larımı soyunarkən gözüm kirli paltarların içində Fərhadın alt
tumanına sataşdı. Tumanı ehmalca qoxladım. Aman allah.., bu
qoxu məni alıb götürdü... Məni qınamasaydılar bu alt tumanını
oğurlayar və Fərhaddan ən əziz xatirə, yadigar kimi ömrümün
sonunadək gizləyib saxlayardım. Alt tumanımı çıxarıb Fərha‐
dınkının üstünə sərdim, gözlərimi yumub xəyalların qucağına
atıldım. Duşun altına (mənim xətrimə Ağəli əmi hamamı düzəlt‐
mişdi, artıq dəmir vannada çimməkdən canım qurtarmışdı) gi‐
rib suyu nizamladım. Ağlım başımda deyildi – məni əcaib bir
hiss bürümüşdü. İlk dəfə “o günah”ı mən də sınadım və Fərha‐
dın o zamankı əzablarının ləzzətini duydum. O gündən etiba‐
rən qadın kimi düşünməyi vərdiş elədim. Divardakı güzgüdə
özümə xeyli tamaşa etdim. Bu gücgü, atılmış qədimi şifonerin
güzgüsüydü, divara salınmış və ətrafı sementlənmişdi ki, yerə
düşüb sınmasın. “Axı mən böyümüşəm... Bax, məmələrimə
106
bax, boyum da kifayət qədər uzanıb, belim, əndamım lap ərə
gedəcək qızlarınkı kimidir. Axı sən niyə bunları görmürsən,
Fərhadım mənim?”. “Fərhadım mənim... Mənim Fərhadım...” –
yox, mənim ona olan hisslərim dəyişibmiş. Mən Fərhadı se‐
virmişəm... Döşəmədə oturdum. İlıq su başıma döyəclədikcə
dilimin altında pıçıldayırdım, – “Mən ona aşiq olmuşam...”
Çimib yaxalandım. Bədənimdən paltar sabununun qoxusu
gəlirdi. Şəhərdən gətirdiyim əl‐üz sabunlarım çoxdan bitdi‐
yindən, paltar sabunu ilə yuyunmağa məcburuydum. Çöldən
Durna nənənin səsi eşidildi:
– Familə, mənim dəlimi görməmisən, yenə harasa itdi bu
qız?
– Odey, hamamda çimir – dedi.
Qısa şortikimi lüt əynimə geydim. Alt tumanımı xalatı‐
mın cibinə qoydum. Artıq geyinib çıxırdım, məhraba ilə saç‐
larımı qurulaya‐qurulaya qapını açdım. Nənəmin acıqlı üzün‐
dən öpdüm:
– Həmişə təmizlikdə deyərlər, mənim şirin nənəm – deyə
ona acıq verdim.
– Ay bala, suquşusan, az çimsənə! Yazıq gədə it zülü‐
müynən qışa odun yığsın, sən də iki gündən bir hamam yandır
qəhr elə. Uşağın əlləri odun doğramaqdan döyənək olub axı...
– Nənəsi, hamam qalanmışkən sən də girib yaxalanaydın –
Familə xala araya söz qatdı.
– Mən yaşlı adamam, ayda 1‐2 dəfə çimirəm bəs eliyir.
Onsuz da gündə dəstəmaz alıram. Təmizlik imandandır, adam
gərək özünü həmişə təmiz‐tarıx saxlasın. Amma, ta belə də ol‐
maz axı... Fərhada yazığınız gəlsin, yazıq qalıb iki evin arasın‐
da. Yekə evlənməli oğlandır, uşaq odun daşımaqdan əlataş
olub.
– Yekə oğlandı evləndirin, həm də yandırdığımız odun de‐
yil ki, gərmədi – dedim.
Dostları ilə paylaş: |