Qarabaü mÿtbÿxi
90 ●
Hazırlanması:
Yumşaq qoyun əti 35-40 qramlıq tikələrə doğranır, duz və istiot vurulub
qızardılır. Göyərtilər yuyulub doğranılır. Ətin üzərinə yağda qızardılmış soğan
və göyərti ilə iri doğranmış göyərti əlavə edilib bişirilir. Ayrıca bişirilmiş
plovun bir hissəsinə zəfəran vurulur. Boşqaba çəkilib yanına səbzi-qovurma
qoyulur, üzərinə yağ tökülür.
Nəticə:
Səbzi qovurma plovun hazırlanmasında istifadə olunan ərzaqlar demək
olar ki, eynidir sadəcə bəzi fərqlər var. Cəbrayılda səbzi plova abqora, darçın,
Qubadlıda qara gavalı, səbzi, sarıkök vurulur. Plova əlavə olunan göyərtilərdə
də fərqlər var: Şuşada turşəng, cəfəri, tərxun, Cəbrayılda quzuqulağı, Xocalıda
isə ispanaq, turşəng vurulur. Qubadlıda isə ümumiyyətlə göyərtidən istifadə
olunmur. Hazırlanma qaydası isə bütün
rayonlarda demək olar ki, eynidir.
Şuşa
Şüyüdlü plov
Tərkibi:
Düyü – 500 qr.
Yağ – 80 qr.
Şüyüd – 1 dəstə.
Duz – 30 qr.
Hazırlanması:
Düyü duzlu ilıq suda saxlanılır. Sonra düyü dəmə qoyulanda şüyüd xırda-xırda
doğranılaraq düyüyə qatılır. Dəmə qoyulan zaman düyünün üzərinə yumurta
vurularaq süfrəyə verilir. Qazanın dibinə qoyun əti də düzmək olar.
Qubadlı
Şüyüdlü plov
Tərkibi:
Düyü – 1kq.
Şüyüd – 4 dəstə
Ərinmiş yağ –300 qr.
2.2 Plovlar
● 91
Soğan – 100 qr.
Duz – 60 qr.
Yuxa çörək – 2 ədəd
Hazırlanması:
Düyü yaxşı-yaxşı yuyulduqdan sonra duzlu suda isladılır və su qaynayana qədər
islaqda qalır. Su qaynadıqdan sonra duz ataraq düyü qazana tökülür. Düyü bir
qədər uzandıqda doğranmış şüyüd qazana tökülür və azacıq qaynadıqdan sonra
süzülür. Su süzüldükdən sonra aşsüzəndəki düyü yenidən başqa qabın üzərinə
qoyulur ki, düyünü buxar vurub əzməsin və su tamamilə çəkilsin. Qazana ərinmiş
yağ atılaraq odun üstünə qoyulur. Yağ yaxşıca əridikdən sonra qazanın dibinə
yuxa sərilir, yuxanın üstünə bir kəfkir düyü və doğranıb duzlanmış soğan səpilir
və düyü yağlanaraq tökülür. Yenidən qazan vam odun üzərinə dəm almaq üçün
qoyulur. Aşın yaxşı bişməsi üçün qazan odun üstündə bir neçə dəfə fırladılır
və dəmi alınır. Qazanın yanına bir qədər su çilədikdə su yumurlanıb cızıltıyla
düşürsə yemək hazırdır. Düyü buluda çəkilərək üstü qazmaqla bəzənir və
qovurma ilə ayrı-ayrı qablarda, yanında yuxa çörəklə süfrəyə verilir.
Şüyüdlü plovun digər hazırlanma qaydası
Tərikibi:
Düyü – 1 kq.
Şüyüd – 5 dəstə
Ərinmiş yağ – 200 qr.
Kərə yağ – 200 qr.
Soğan – 2 dəstə göy soğan
Duz – 60 qr.
İstiot – 8 qr.
Sarıkök – 8 qr.
Yuxa çörək – 2 ədəd
Yumurta – 5 ədəd
Hazırlanması:
Düyü yaxşı-yaxşı yuyulduqdan sonra duzlu ilıq suda qalır. Su qaynadıqdan
sonra duz atılaraq düyü qazana tökülür. Düyü suda qaynayan zaman bir
neçə dəfə kəfkirlə qarışdırılır. Düyü bir qədər uzandıqda doğranmış şüyüd
zoğlarından bir qədər qazana tökülür və azacıq qaynadıqdan sonra süzülür.
Su süzüldükdən sonra aşsüzəndəki düyü yenidən başqa qabın üzərinə qoyulur
Qarabaü mÿtbÿxi
92 ●
ki, düyünü buxar vurub əzməsin və su tamamilə çəkilsin. Qazana ərinmiş yağ
atılaraq odun üstünə qoyulur. Yağ yaxşıca əridikdən sonra qazanın dibinə
bir kəfkir düyü səpilərək yuxa sərilir və yenidən azacıq düyü tökülərək soğan
onun üzərinə yayılır. Qalan düyü şüyüdlə lay-lay qazana yığılır, bir qədər
sarıkök atılır, sonra yumurtaların sayına görə çalalar açılır. Yumurtalar həmin
çalalara qoyularaq yumurtanın sarısı azacıq deşilir, oraya azacıq istiot və duz
atılaraq üzəri örtülür. Üzərinə kərə yağı nazik-nazik doğranılır, üzərinə bir
qədər soyuq su çilənərək vam odda dəmə qoyulur, tez-tez dəmi alınır. Qazanın
yanına bir qədər su çilədikdə su yumurlanıb cızıltıyla düşürsə yemək hazırdır.
Düyü buluda çəkilərək üstü qazmaqla və yumurta ilə bəzənir, yuxa çörək və
qatıqla süfrəyə verilir.
Xocavwnd
Şüyüdlü aş
Tərkibi:
Düyü – 500 qr.
Şüyüd – 2 dəstə
Toyuq – 500 qr.
Yağ – 100 qr.
Duz – 30 qr.
Hazırlanması:
Şüyüd yaxşıca təmizlənərək doğranılır; düyü təmizlənir, isladılır və yuyulduq-
dan sonra qaynadılmış suya salınır, süzülür. Süzülmüş düyüyə əvvəlcədən
hazırlanmış şüyüd əlavə edilir, altına toyuq və ya un və yumurtadan hazılanmış
qazmaq əlavə edilərək dəmə qoyulur.
Nəticə:
Qubadlı və Şuşada şüyüdlü plovun hazırlanma qaydası eynidir. Fərq
ondadır ki, Qubadlıda bu plova soğan əlavə olunur və yuxa çörəklə verilir.
Xocavənddə isə toyuq əlavə olunur.