Sona Xəyal
26
“dörd–çar eyniliyi var. Eləcə də “bədən–tən”, “bal - əsəl”,
“iyi–xub”...
Bəzən isə müəllif türk dili daxilində müxtəlifvariantlılıq
nümayiş etdirir. Məsələn, bir çox yerlərdə “buçuq” sözünü
işlətməsinə baxmayaraq, bəzən onu “yarım” sözü ilə əvəz
edir. Buna da bir sıra misallar göstərmək olar: “qab–çöl-
mək”, “kök–dib”, “qabıq–qab”, “şorba–çorba”, “asan–qo-
lay”, “içün–yana”, “susuzluq–susalıq”, “vurmaq–dürtmək”,
“ol, bu–şol, şu” və s. Əslində burada bizə tanış olmayan
sözlər yoxdur. “Çölmək, çömçə, dib, dürtmək” kimi sözlər
bizdə də vardır. Amma məsələ burasındadır ki, bu əsərdə bu
sözlər müxtəlif yerlərdə eyni mənada işlənib. Ola bilsin ki,
müəllif əsəri “xalis” türk dilində yazmağı” qarşısına məqsəd
qoyduğu üçün bütün türkdilli xalqların lüğət tərkibindən
istifadə edib. Bu gün osmanlı türkü “çorba” deyir, azəri tür-
kü “şorba”. Biz “kök” deyəndə, bitkinin kökü başa düşürük.
Amma burada müəllif “bitkinin kökü” sözünü bəzən “bit-
kinin dibi” kimi verir ki, bu bizdə eyni məna ifadə eləmir.
Biz bitkinin kökündən dərman kimi istifadə edirik. Amma
“bitkinin dibi” dedikdə tamam başqa şey başa düşülür. Eləcə
də bizdə “qab” sözü ilə əvəzlənməyən “qabıq” sözü var.
Əsərdə maraq doğuran çəki bildirən sözlər var: dirəm,
vəqiyə, rətl, ədviyə, ceviz miqdarı, noxud miqdarı, misqal
və s. Heyvan və bitki adları da diqqəti çəkir.
Əsərdə fonetik dəyişikliklər daha qabarıq nəzərə çarpır.
Amma bu dəyişikliklər bizə orta əsrlər ədəbiyyatından ta-
nışdır: “uyqu–uyxu”, “ikinci–ikminci”, “dördüncü–dörd-
minci”, “qoydu–qodu”, “tutmaq–dutmaq”, “titrəmək–ditrə-
mək”, “onun–anun”.
Dərviş Nidainin “Mənafeünnas” əsərinin dili ayrıca bir
tədqiqat işidir. Biz sadəcə tanışlıq üçün bəzi məqamlara to-
xunduq. Əsər çapa hazırlanıb, bu yaxınlarda oxuculara çat-
dırılacaqdır.
AMEA-nın “XƏBƏRLƏR” jurnalı, 2010.
Yaddaşlarda yaşayacaq
27
NOVXANI
(Sərvətimiz şəxsiyyətlərimizdir)
Son illər müxtəlif qələm sahiblərinin müxtəlif səpkili
yazıları, kitabları işıq üzü görür. Bu işin müsbət və mənfi
tərəfləri daim müzakirə obyekti olur. Mənfi cəhət budur ki,
bəzi adamlar öz dədə-babaları haqqında kitablar yazır və ya
yazdırır, amma sonra məlum olur ki, bu adamlar nəinki
haqqında kitab yazılmağa, heç bir məqaləyə belə layiq de-
yillər. Amma belə yazılar bu gün də yazılmaqdadır. İşin
müsbət tərəfi isə ayrı-ayrı bölgələr, hətta ayrı-ayrı kəndlər
haqqında yazıların bir araya gətirilməsi və oxuculara çatdı-
rılmasıdır. Bu mənada Bakıətrafı kəndlərlə bağlı kitablar
diqqəti çəkir. Əlimdə bir kitab var: ”Novxanı (Sərvətimiz
şəxsiyyətlərimizdir). Bundan əvvəl də Mərdəkan, Keşlə,
Maştağa və s. haqqında ayrı-ayrı kitablar işıq üzü görüb.
İndi haqqında danışmaq istədiyim “Novxanı” kitabı da bu
kəndin ziyalılarını tanıtmaq baxımından təqdirəlayiqdir. Bir
qədər düşünəndə doğrudan da şəxsiyyətlərimiz ən böyük
sərvətimizdir. Amma neyləmək olar ki, biz çoxunu öləndən
sonra qiymətləndiririk...
Kitabın təsisçisi və baş redaktoru Vaqif Ağayev, redak-
torları Əliabbas Əlimədətoğlu, Hacı Arif Bahadıroğlu və
Nəriman Qəhrəmanlıdır. Bu adamlardan ikisini tanımıram.
Arif Bahadıroğlunu Azərbaycan televiziyasının “Günün ek-
ranı” xəbərlər proqramından tanımışam. Sonralar Hacı
Mailin evindən çəkdiyi “Məcməüşşüəra” məclisi ilə bağlı
verilişlərindən, ən əsası isə Hacı Maillə dostluğundan tanı-
yıram. Və həmişə də çox hörmət bəslədiyim adamlardan bi-
ri olub. Nəriman Qəhrəmanlı ilə bu yaxınlarda şəxsən tanış
olmuşam. Elə “Novxanı” kitabını da mənə Nəriman müəl-
lim verib. O ki qaldı Novxanıya, cəmi bir dəfə Novxanıda
olmuşam, Bakı dövlət Universitetinin biologiya fakültəsin-
də təhsil alarkən Ağavəli müəllim bizi ora, dənizə yosun
toplamağa aparmışdı. Amma Novxanı mənə ona görə əziz-
Sona Xəyal
28
dir ki, universitetin filologiya fakültəsində təhsil alarkən ən
sevimli müəllimim olan Bəxtiyar Məmmədzadə novxanılı-
dır. Amma çox təəssüf ki, kitaba Bəxtiyar müəllimin atası
haqqında məlumat daxil edilsə də, özü haqqında heç bir
məlumat verilməyib, sadəcə Məmməd Məmmədzadənin
oğlu kimi adı çəkilib. Dövrünün məşhur pianoçusu olan Za-
ur Əliyev haqqında da burada məlumata rast gəlmədik.
Yəqin ki, Novxanının hələ çox-çox bu kitaba düşməyən
şəxsiyyətləri vardır. Amma bununla belə burada xeyli ziya-
lı haqqında gərəkli yazıları oxumaq olur...
Kitab “Ucalığa gedən yol” adlı ön sözlə açılır. Burada
tarix elmləri namizədi Tofiq Babayev və Vaqif Ağayev
Azərbaycandan, onun başına gətirilən olaylardan, qədim-
dən bu günə kimi keçdiyi şərəfli yoldan bəhs açaraq, hər
şeydə onun bir parçası olan Novxanının da payı olduğunu
qeyd edir və fikirlərini belə yekunlaşdırırlar:”Kiçik adlan-
dırdığımız kənd əslində çox böyükdür. Onu böyük edən,
ucaldan məhz bu kitabda adlarını çəkdiyimiz şəxsiyyətlər-
dir. Ucalığa, yüksəlişə gedən yol çox ağırdır, eyni zamanda
şərəflidir!”.
Kitabın birinci bölümü “Şəxsiyyətlər” adlanır və demək
olar ki, kitabın əsas hissəsini təşkil edir. Burada 110 nəfər
haqqında ayrı-ayrı yazılar verilmişdir ki, bunların arasında
siyasi xadimlər, dövlət adamları, rəhbər işçilər, alimlər, ya-
zıçılar, şairlər, rəssamlar, bəstəkarlar, müğənnilər, mədə-
niyyət işçiləri, din xadimləri, müharibə iştirakçıları və s.
vardır.
Birinci sırada M.Rəsulzadə durur. “Rəsulzadə Məhəm-
mədəmin Axund Hacı Molla Əliəkbər oğlu” adlı məqalə ki-
tabındakı ən geniş yazılardan biridir. “Azərbaycan Xalq
Cümhuriyyəti Ensiklopediyası”ndan götürülmüş bu yazıda
onun həyatı, fəaliyyəti imkan daxilində əhatə olunmuşdur.
İkinci geniş məlumat isə Sovet İttifaqı Qəhrəmanı “Hü-
seynzadə Mehdi Hənifə oğlu” haqqındadır. “Azadlıq” ra-
diosunun müxbiri Rövşən Qənbərovun bu yazısında sevimli
Dostları ilə paylaş: |