ifadəsi burada tam yerinə düşər , teatr hakkında söhbətlərində o demişdi :
“Milləti yaratmaqdan öncə , teatrı yaratmaq lazımdır”. Tarix elə gətirdi ki, XIX
əsrin ikinci yarısı vəXX yüzilliyin əvvəllərində Azərbaycanda milli azadlıq
hərəkatı teatrı yaratdı , teatr isə millətin yaranması , özünü dərk etməsi və
təsdiqlənməsinə xidmət etdi.
Olduqca canlı , dialektik təzadlara səciyyələnən teatr prosesinin bir
başlıca keyfiyyəti də onun müəyyən mənada aşkarlığı , tolerantlığı və
pluralizmində idi: üst qatda baş verən qızğın bəzən korrekt olmayan polemika ,
kəskin rəqabət və konfliktlər prosesin dinamikasını artırır , onu ictimai həyatın
aktual faktına çevirib təsirini gücləndirirdi.Bu prosesin üzvi inkişafında janr və
üslub iyerarxiyası da qurulmağa başlayırdı :təbəqələşmə bu sahədə də özünü
göstərib “aşağı” və”yuxarı” səviyyələri müəyyənləşdirirdi.Bununla belə üç
poetika öz mədəni “taxçasını “ tapıb onun məzmun çərçivəsində sərbəst inkişaf
etmək imkanını qazanmışdı.Belə ki,Əsəd Məmmədov -Əhliyev “Kaspi”
qəzetinin 1917-ci il 27 oktyabr sayında “Səhnənin tərbiyəvi əhəmiyyəti” adlı
məqaləsində yazırdı : “Operetta və yüngül sujetli başqa əsərlər təbir caiz isə
şirniyyata bənzər ki, bununla ac adamı doyurmaq olmaz .Mənəvi aclıq çəkən
bizlərə fərli xörək , yəni dram lazımdır “. 13 noyabr sayında isə Üzeyir
Hacıbəyovun “Opera və dramın tərbiyəvi əhəmiyyəti tərbiyəvi əhəmiyyəti
haqqında “ adlı məqaləsində cavabı dərc olunur : “Mən danışmaq dilinə nisbətən
musiqi dilinin , xüsusən lirik anlarda . daha böyük təsir qüvvəsinə malik
olduğunu etiraf etməklə yanaşı , musiqisiz əsərlərin öz məzmununu əxlaqi
cəhətlərini parlaq ifadə etməyə yararlı olduğunu da inkar etmirəm”. Teatr
prosesinin əhəmiyyətinin və mənəvi statusunu açıqlayan bir örnək də verək:
Simferepolda çıxan “Millət” qəzetinin 1918-ci il avqustun 29-da dərc edilmiş
məqaləsində deyilir : “Bakı bütün Rusiya müsəlmanlarının həyaatında da
mənəvi rollar oynamışdır.Rusiya türk-tatarlarının birinci qəzeti “Əkinçi”
əlli sənə
əvvəl Bakıda nəşr olunmağa başlanmış , burada birinci türk teatrı (qabartma
mənimdir – M.Ə.) vücuda gəlmiş , İslam aləmində birinci milli opera da burada
yazılıb , səhnədə oynanmışdır...”